ਰੂਪਨਗਰ ( ਅਵਤਾਰ ਸਿੰਘ ਕੰਬੋਜ਼ )
ਹੈੱਡ ਵਰਕਸ ਰੋਪੜ ਤੋਂ ਦੋ ਪਹੀਆ ਵਾਹਨਾ ਲਈ ਗੇਟ ਬੰਦ ਕਰਨ ਲਈ ਘਨੌਲੀ, ਲੋਦੀ ਮਾਜਰਾ ਇਲਾਕੇ ਦੇ ਲੋਕਾਂ ਨੇ ਵਿਰੋਧ ਕੀਤਾ ਹੈ ਅਤੇ ਗੇਟ ਖੋਲ੍ਹਣ ਦੀ ਮੰਗ ਕੀਤੀ ਹੈ।ਪੰਚਾਇਤ ਯੂਨੀਅਨ ਦੇ ਸਾਬਕਾ ਪ੍ਰਧਾਨ ਚਰਨਜੀਤ ਸਿੰਘ ਮਿਆਣੀ ਦੀ ਅਗਵਾਈ ਹੇਠ ਇਲਾਕੇ ਦੇ ਮੋਹਤਬਰ ਸੱਜਣਾਂ ਤੇ ਸਾਬਕਾ ਸਰਪੰਚਾ ਦੀ ਇਕ ਵਿਸ਼ੇਸ਼ ਮੀਟਿੰਗ ਹੋਈ। ਜਿਸ ਵਿੱਚ ਹੈੱਡ ਵਰਕਸ ਰੋਪੜ ਤੋਂ ਦੋ ਪਹੀਆ ਵਾਹਨਾ ਲਈ ਗੇਟ ਬੰਦ ਕਰਨ ਲਈ ਵਿਰੋਧ ਕੀਤਾ ਗਿਆ।
ਇਸ ਮੌਕੇ ਪ੍ਰੈੱਸ ਨੂੰ ਜਾਣਕਾਰੀ ਦਿੰਦਿਆ ਹੋਇਆ ਉਹਨਾ ਦੱਸਿਆ ਕਿ ਕੁੱਝ ਸਮਾਂ ਪਹਿਲਾਂ ਯੂਨੀਅਨ ਦਾ ਇਕ ਵਿਸ਼ੇਸ਼ ਵਫਦ ਹਲਕਾ ਵਿਧਾਇਕ ਦਿਨੇਸ਼ ਚੱਢਾ , ਐਕਸੀਅਨ ਸੰਚਾਈ ਵਿਭਾਗ ਅਤੇ ਜਿਲਾ ਪ੍ਰਸ਼ਾਸਨ ਨੂੰ ਮਿਲਿਆ ਸੀ । ਇਸ ਮੌਕੇ ਉਹਨਾ ਦੱਸਿਆ ਕਿ ਲੋਦੀ ਮਾਜਰਾ ਘਨੌਲੀ ਇਲਾਕੇ ਦੇ ਡੇਢ ਦਰਜਨਾ ਪਿੰਡਾ ਦੇ ਸਕੂਲ ਕਾਲਜ ਜਾਣ ਵਾਲੇ ਬੱਚੇ , ਬਜੁਰਗ ਤੇ ਆਮ ਦਿਨਾ ਚ ਸ਼ਹਿਰੀ ਤੇ ਦਫਤਰੀ ਕੰਮਾਂ ਚ ਆਉਣ ਜਾਣ ਵਾਲੇ ਲੋਕ ਇਸ ਰਸਤੇ ਨੂੰ ਪੈਦਲ ਤੇ ਦੋ ਪਹੀਆ ਵਾਹਨਾ ਲਈ ਵਰਤਦੇ ਸਨ। ਇਸ ਮੌਕੇ ਉਹਨਾ ਦੱਸਿਆ ਕਿ ਇਸਦੇ ਨਾਲ ਹੀ ਸਰਹਿੰਦ ਨਹਿਰ ਤੇ ਨਵਾਂ ਪੁਲ ਬਣਨ ਦੇ ਨਾਲ ਓਸ ਪੁਲ ਤੇ ਟ੍ਰੈਫਿਕ ਦੀ ਸਮੱਸਿਆ ਬਹੁਤ ਜਿਆਦਾ ਹੈ ਤੇ ਇਸਦੇ ਨਾਲ ਪੁਲ ਤੋਂ ਪਹਿਲਾ ਇਹਨਾਂ ਪਿੰਡਾਂ ਨੂੰ ਜਾਣ ਲਈ ਜੋ ਕੱਟ ਹੈ ਉਹ ਬਹੁਤ ਹੀ ਖਤਰਨਾਕ ਹੈ ਜਿਸ ਤੇ ਆਏ ਦਿਨ ਹਾਦਸੇ ਵਾਪਰਨ ਦਾ ਖਤਰਾ ਬਣਿਆ ਰਹਿੰਦਾ ਹੈ। ਇਸ ਲਈ ਇਹ ਹੈਡ ਵਰਕਸ ਦਾ ਰਸਤਾ ਬਹੁਤ ਹੀ ਸੁਰੱਖਿਅਤ ਹੈ ਤੇ ਆਮ ਲੋਕਾ ਲਈ ਸੁਵਿਧਾਜਨਕ ਵੀ ਹੈ। ਇਸਦੇ ਨਾਲ ਹੀ ਉਹਨਾ ਦੱਸਿਆ ਕਿ ਕੁਝ ਦਿਨ ਪਹਿਲਾਂ ਹੈੱਡ ਵਰਕਸ ਤੇ ਸਵੇਰੇ ਸ਼ਾਮ ਸੈਰ ਕਰਨ ਵਾਲੇ ਲੋਕਾਂ ਨੇ ਇਸਨੂੰ ਬੰਦ ਕਰਵਾ ਦਿੱਤਾ ਜੋ ਕਿ ਬਹੁਤ ਹੀ ਮੰਦਭਾਗਾ ਹੈ।
ਇਸ ਮੌਕੇ ਉਹਨਾਂ ਕਿਹਾ ਕਿ ਇਹਨਾ ਸਮੱਸਿਆਵਾਂ ਨੂੰ ਵੇਖਦੇ ਹੋਏ ਇਹ ਰਸਤਾ ਮੁੜ ਖੋਲਿਆ ਜਾਵੇ। ਉਨ੍ਹਾਂ ਕਿਹਾ ਕਿ ਜੇਕਰ ਇਹ ਰਸਤ ਨਹੀ ਖੁੱਲਦਾ ਤੇ ਇਸਦੇ ਉਲਟ ਜੇਕਰ ਸਰਹਿੰਦ ਨਹਿਰ ਦੇ ਕੱਟ ਤੇ ਕੋਈ ਭਿਆਨਕ ਹਾਦਸਾ ਵਾਪਰਦਾ ਹੈ ਤਾਂ ਇਸਦੇ ਲਈ ਜ਼ਿਲ੍ਹਾ ਪ੍ਰਸ਼ਾਸ਼ਨ ਤੇ ਇਸ ਰਸਤੇ ਨੂੰ ਬੰਦ ਕਰਵਾਉਣ ਵਾਲੇ ਸਿੱਧੇ ਤੌਰ ਤੇ ਜਿੰਮੇਵਾਰ ਹੋਣਗੇ।
ਇਸ ਮੌਕੇ ਚਰਨਜੀਤ ਸਿੰਘ ਮਿਆਣੀ ਸਾਬਕਾ ਸਰਪੰਚ, ਐਡਵੋਕੇਟ ਕਮਲ ਸੈਣੀ ਮਨਮੋਹਣ ਸਿੰਘ ਸਾਬਕਾ ਸਰਪੰਚ, ਸਰਵਨ ਸਿੰਘ ਬੋਬੀ ਬਹਾਦਰਪੁਰ, ਦਰਸ਼ਨ ਸਿੰਘ, ਅਜਮੇਰ ਸਿੰਘ ਲੋਦੀ ਮਾਜਰਾ ਸਾਬਕਾ ਸਰਪੰਚ , ਜਸਵਿੰਦਰ ਸਿੰਘ ਗੁੰਨੋ ਮਾਜਰਾ, ਮੁਕੇਸ਼ ਕੁਮਾਰ ਚੱਕ ਢੇਰ ਆਦਿ ਮੌਜੂਦ ਸਨ।
