ਯੋਗ ਰਾਹੀ ਮਨ ਸਾਂਤ ਤੇ ਮਜਬੂਤ ਰਹਿਣ ਦੀ ਸ਼ਕਤੀ ਨਾਲ ਅਨੇਕਾ ਅੰਦਰੂਨੀ ਰੋਗਾ ਤੋਂ ਮਿਲਦੀ ਨਿਜਾਤ:- ਡਾ. ਪਰਮਾਰ
ਯੋਗ ਜੀਵਨ ਸੈਲੀ ਨੂੰ ਵਧਿਆ ਬਣਾਉਣ ਦਾ ਮਾਰਗ:- ਪ੍ਰਾਂਤ ਪ੍ਰਧਾਨ ਗੋਪਾਲ ਦਾਸ
ਰੂਪਨਗਰ (ਅਵਤਾਰ ਸਿੰਘ ਕੰਬੋਜ਼)
ਭਾਰਤੀਯ ਯੋਗ ਸੰਸਥਾਨ (ਰਜਿ.) ਦੀ ਜ਼ਿਲ੍ਹਾ ਇਕਾਈ ਰੂਪਨਗਰ ਵਲੋਂ ਆਪਣਾ 26ਵਾਂ ਸਥਾਪਨਾ ਦਿਵਸ ਅੱਜ ਗਾਂਧੀ ਮੈਮੋਰਿਅਲ ਨੈਸਨਲ ਸਕੂਲ (ਜੀਐਮਐਨ) ਰੂਪਨਗਰ ਵਿਖੇ ਪੂਰੇ ਉਤਸਾਹ ਨਾਲ ਮਨਾਇਆ ਗਿਆ। ਇਸ ਸਮਾਗਮ ਵਿੱਚ ਭਾਰਤੀਯ ਯੋਗ ਸੰਸਥਾਨ (ਰਜਿ.) ਅਧੀਨ ਚੰਡੀਗੜ੍ਹ ਪ੍ਰਾਂਤ ਦੇ ਜ਼ਿਲ੍ਹਿਆਂ ਪੰਚਕੂਲਾ, ਜੀਰਕਪੁਰ, ਚੰਡੀਗੜ੍ਹ, ਮੋਹਾਲੀ, ਕੁਰਾਲੀ ਆਦਿ ਯੋਗ ਸਾਧਕ ਸਿਰਕਤ ਕੀਤੀ।
ਸਮਾਰੋਹ ‘ਚ ਮੁੱਖ ਮਹਿਮਾਨ ਦੇ ਤੌਰ ਤੇ ਰੂਪਨਗਰ ਸ਼ਹਿਰ ਦੇ ਉੱਘੇ ਸਮਾਜ ਸੇਵਕ ਡਾ. ਆਰ. ਐਸ. ਪਰਮਾਰ ਸ਼ਾਮਲ ਹੋਏ ਅਤੇ ਪ੍ਰਧਾਨਗੀ ਚੰਡੀਗੜ੍ਹ ਪਾਂ੍ਰਤ ਦੇ ਪ੍ਰਧਾਨ ਗੋਪਾਲ ਦਾਸ ਨੇ ਕੀਤੀ। ਸਮਾਗਮ ਦਾ ਅਰੰਭ ਮਾਂ ਸਰਸਵਤੀ ਦੀ ਤਸਵੀਰ ਅੱਗੇ ਪ੍ਰਾਂਤ ਪ੍ਰਧਾਨ ਗੋਪਾਲ ਦਾਸ ਵਲੋਂ ਜੋਤ ਜਗ੍ਹਾ ਕੇ ਕੀਤਾ ਗਿਆ। ਇਸ ਮੌਕੇ ਕੀਤੀ ਸਮੂਹਿਕ ਯੋਗ ਕਲਾਸ ਦੌਰਾਨ ਰਾਜਨ ਕਪੂਰ ਚੰਡੀਗੜ੍ਹ, ਕ੍ਰਿਸ਼ਨ ਲਾਲ ਕਪੂਰ ਮੋਹਾਲੀ, ਸੁਰਿੰਦਰ ਸਿੰਘ ਮੋਹਾਲੀ, ਨੰਦ ਲਾਲ ਚੰਡੀਗੜ੍ਹ, ਰਾਜਿੰਦਰ ਕੌਸਕ ਚੰਡੀਗੜ੍ਹ, ਧਰਮਪਾਲ ਆਰਿਆ ਪੰਚੂਕਲਾ, ਤੇਜ਼ ਰਾਮ ਗਰਗ ਪੰਚਕੂਲਾ, ਜੈ ਨਰਾਇਣ ਸਿੰਗਲ ਪੰਚਕੂਲਾ, ਅਰੁਣ ਧੀਮਾਨ ਕੁਰਾਲੀ ਸਭੀ ਜ਼ਿਲ੍ਹਾ ਪ੍ਰਧਾਨਾ ਤੇ ਪ੍ਰਾਂਤ ਦੇ ਸੰਗਠਨ ਮੰਤਰੀ ਪ੍ਰੇਮ ਭੁਟਾਨੀ ਜੀਰਕਪੁਰ ਤੇ ਚੰਡੀਗੜ੍ਹ ਪ੍ਰਾਂਤ ਦੇ ਪ੍ਰਧਾਨ ਗੋਪਾਲ ਦਾਸ ਵਲੋਂ ਵੱਖ ਵੱਖ ਤਰਾਂ ਦੇ ਯੋਗ ਆਸਣ, ਪ੍ਰਾਣਾਯਾਮ ਤੇ ਧਿਆਨ ਦਾ ਸੁੰਦਰ ਅਭਿਆਸ ਕਰਵਾਇਆ ਗਿਆ।
ਅਰੰਭ ‘ਚ ਸੰਸਥਾ ਦੀ ਰੂਪਨਗਰ ਇਕਾਈ ਵਲੋਂ ਜ਼ਿਲ੍ਹਾ ਪ੍ਰਧਾਨ ਕੁਸਮ ਸ਼ਰਮਾ ਦੀ ਅਗਵਾਈ ਵਿਚ ਸਰਸਵਤੀ ਵੰਦਨਾ ਤੇ ਯੋਗ ਗੀਤ ਦਾ ਗਾਇਨ ਕੀਤਾ ਗਿਆ। ਇਸ ਮੌਕੇ ਤੇ ਬੋਲਦਿਆ ਮੁੱਖ ਮਹਿਮਾਨ ਡਾ. ਆਰ. ਐਸ. ਪਰਮਾਰ ਨੇ ਯੋਗ ਦੀ ਮਹਤੱਤਾ ਤੇ ਜ਼ੋਰ ਦਿੰਦਿਆ ਕਿਹਾ ਕਿ ਯੋਗ ਰਾਹੀ ਮਨ ਨੂੰ ਜੋ ਸਾਂਤ ਤੇ ਮਜਬੂਤ ਰਹਿਣ ਦੀ ਸ਼ਕਤੀ ਮਿਲਦੀ ਹੈ ਉਸ ਨਾਲ ਮਾਨਵ ਸਰੀਰ ਨੂੰ ਅਨੇਕਾ ਅੰਦਰੂਨੀ ਰੋਗਾ ਬੀਪੀ, ਸ਼ੁਗਰ, ਤਨਾਅ ਆਦਿ ਤੋ ਨਿਜਾਤ ਮਿਲਦੀ ਹੈ। ਉਹ ਨਿਰੋਗਤਾ ਦਾ ਪਧਰ ਹਾਸਲ ਕਰ ਲੈਂਦਾ ਹੈ। ਅਪਣੇ ਸੰਬੋਧਨ ਦੌਰਾਨ ਪ੍ਰਾਂਤ ਪ੍ਰਧਾਨ ਗੋਪਾਲ ਦਾਸ ਨੇ ਧਿਆਨ ਦਾ ਅਭਿਆਸ ਕਰਵਾਉਦੇ ਹੋਏ ਕਿਹਾ ਕਿ ਕੇਵਲ ਯੋਗ ਹੀ ਹੈ ਜਿਸ ਨਾਲ ਤਨ ਤੇ ਮਨ ਦਾ ਮਿਲਣ ਹੋਣ ਤੇ ਇਨਸਾਨ ਸੱਚੇ ਮਾਰਗ ਤੇ ਚਲਦਾ ਹੋਇਆ ਅਪਣੀ ਜੀਵਨ ਸੈਲੀ ਨੂੰ ਵਧਿਆ ਬਣਾ ਸਕਦਾ ਹੈ। ਉਨ੍ਹਾਂ ਸਰੀਰਕ, ਮਾਨਸਿਕ ਤੇ ਅਧਿਆਤਮਿਕ ਵਿਕਾਸ ਲਈ ਰਿਸ਼ੀਆ, ਮੁਨੀਆ ਵਲੋਂ ਦਰਸਾਏ ਮਾਰਗ ਨੂੰ ਅਪਣਾਉਣ ਦੀ ਅਪੀਲ ਕੀਤੀ ਅਤੇ ਕਿਹਾ ਕਿ ਭਾਰਤੀਯ ਯੋਗ ਸੰਸਥਾਨ ਵਲੋਂ 10 ਅਪ੍ਰੈਲ 1967 ਤੋਂ ਇਸ ਮਹਾਨ ਭਾਰਤੀ ਸਭਿਅਤਾ ਦੇ ਪ੍ਰਚਾਰ ਤੇ ਪ੍ਰਸਾਰ ਲਈ ਮੁਫਤ ਸੇਵਾ ਕੀਤੀ ਜਾ ਰਹੀ ਹੈ ਇਸ ਦਾ ਲਾਭ ਲੈਣ ਲਈ ਪ੍ਰੇਰਤ ਕੀਤਾ। ਮੰਚ ਦਾ ਸੰਚਾਲਨ ਜ਼ਿਲ੍ਹਾ ਸਕੱਤਰ ਰਾਜਿੰਦਰ ਸੈਣੀ ਵਲੋਂ ਕੀਤਾ ਗਿਆ ਅਤੇ ਜ਼ਿਲ੍ਹਾ ਪ੍ਰਧਾਨ ਕੁਸਮ ਸ਼ਰਮਾ ਤੇ ਆਏ ਯੋਗ ਦੇ ਅਹੁਦੇਦਾਰਾ ਤੇ ਸਾਧਕਾ ਦਾ ਧੰਨਵਾਦ ਕੀਤਾ।
ਇਸ ਮੌਕੇ ਚੰਡੀਗੜ੍ਹ ਪ੍ਰਾਂਤ ਦੇ ਸਰਪਰਸ ਅਨਿਲ ਅਗਰਵਾਲ, ਪਾਂ੍ਰਤ ਮੰਤਰੀ ਗੋਪਾਲ ਸਿੰਘ ਪਰਮਾਰ. ਡਾ. ਰਾਜੀਵ ਕੁਰਾਲੀ ਤੋਂ ਇਲਾਵਾ ਰੂਪਨਗਰ ਜ਼ਿਲ੍ਹਾ ਇਕਾਈ ਦੇ ਅਹੁਦੇਦਾਰ ਹੰਸ ਰਾਜ, ਜਗਦੇਵ ਸਿੰਘ, ਗੁਰਮੁੱਖ ਸਿੰਘ, ਐਡਵੋਕੇਟ ਰਾਵਿੰਦਰ ਸਿੰਘ ਮੁੰਡਰਾ, ਡੀ. ਆਰ. ਸ਼ਰਮਾ, ਆਸਿਮਾ ਅਗਰਵਾਲ, ਸੀਮਾ ਸੈਣੀ, ਬਲਬੀਰ ਕੌਰ, ਪੂਨਮ ਭਾਟੀਆ, ਸੁੱਖਪ੍ਰੀਤ ਕੌਰ, ਕਿਰਨ, ਤਰਵਿੰਦਰ ਬਿੰਦਰਾ, ਰਣਵੀਰ ਸਿੰਘ, ਮੈਡਮ ਓਬਰਾਏ ਆਦਿ ਵੀ ਹਾਜ਼ਰ ਸਨ।
