ਰੂਪਨਗਰ ( ਅਵਤਾਰ ਸਿੰਘ ਕੰਬੋਜ਼ )
69 ਵੀਆਂ ਪੰਜਾਬ ਰਾਜ ਅੰਤਰ ਜ਼ਿਲ੍ਹਾ ਸਕੂਲ ਖੇਡਾਂ 2025-26 ਦੇ ਰੋਡ ਸਾਇਕਲਿੰਗ ਦੇ ਮੁਕਾਬਲੇ ਸ਼੍ਰੀ ਅੰਮ੍ਰਿਤਸਰ ਸਹਿਬ ਵਿਖੇ ਕਰਵਾਏ ਗਏ । ਇਨ੍ਹਾਂ ਮੁਕਾਬਲਿਆਂ ਦੌਰਾਨ ਰੂਪਨਗਰ ਦੇ ਅਖਿਲੇਸ਼ ਵਰਮਾ ਨੇ ਰੋਡ ਸਾਇਕਲਿੰਗ ਅੰਡਰ-14 ਲੜਕੇ ਉਮਰ ਵਰਗ ਵਿੱਚ ਰੂਪਨਗਰ ਜ਼ਿਲ੍ਹੇ ਦੀ ਪ੍ਰਤੀਨਿਧਤਾ ਕੀਤੀ ਅਤੇ ਦੋ ਵੱਖ – ਵੱਖ ਈਵੈਂਟਾਂ ਮਾਸ ਸਟਾਰਟ ਅਤੇ ਵਿਅਕਤੀਗਤ ਟਾਇਮ ਟ੍ਰਾਇਲ ਮੁਕਾਬਲਿਆਂ ਵਿੱਚ ਭਾਗ ਲਿਆ ਅਤੇ ਦੋਨਾਂ ਈਵੈਂਟਾਂ ਵਿੱਚੋਂ ਪਹਿਲਾ ਸਥਾਨ ਪ੍ਰਾਪਤ ਕਰਕੇ ਦੋ ਗੋਲਡ ਮੈਡਲ ਪ੍ਰਾਪਤ ਕੀਤੇ ।
ਜ਼ਿਕਰ ਯੋਗ ਹੈ ਕਿ ਅਖਿਲੇਸ਼ ਵਰਮਾ ਹੋਲੀ ਫੈਮਲੀ ਸੀਨੀਅਰ ਸੈਕੰਡਰੀ ਸਕੂਲ ਰੂਪਨਗਰ ਦਾ ਵਿਦਿਆਰਥੀ ਹੈ ਅਤੇ ਉਸ ਨੇ ਰਾਜ ਪੱਧਰੀ ਸਾਇਕਲਿੰਗ ਮੁਕਾਬਲਿਆਂ ਵਿੱਚ ਭਾਗ ਲਿਆ ਅਤੇ ਮਾਸ ਸਟਾਰਟ ਅਤੇ ਵਿਅਕਤੀਗਤ ਟਾਇਮ ਟ੍ਰਾਇਲ ਮੁਕਾਬਲਿਆਂ ਵਿੱਚੋਂ ਪਹਿਲਾ ਸਥਾਨ ਪ੍ਰਾਪਤ ਕਰ ਕੇ ਰੂਪਨਗਰ ਜ਼ਿਲ੍ਹੇ ਦਾ ਨਾਮ ਰੌਸ਼ਨ ਕੀਤਾ ਹੈ ।
ਇਸ ਪ੍ਰਾਪਤੀ ਤੇ ਸ਼੍ਰੀ ਪ੍ਰੇਮ ਕੁਮਾਰ ਮਿੱਤਲ ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈਕੰਡਰੀ ਸਿੱਖਿਆ) ਰੂਪਨਗਰ ਅਤੇ ਸ੍ਰੀਮਤੀ ਸ਼ਰਨਜੀਤ ਕੌਰ, ਜ਼ਿਲ੍ਹਾ ਸਪੋਰਟਸ ਕੋਆਰਡੀਨੇਟਰ ਰੂਪਨਗਰ ਨੇ ਸਾਇਕਲਿਸਟ ਅਖਿਲੇਸ਼ ਵਰਮਾ ਨੂੰ ਵਧਾਈ ਦਿੱਤੀ ਅਤੇ ਸ਼ੁੱਭ ਕਾਮਨਾਵਾਂ ਦਿੱਤੀਆਂ ।
ਇਸ ਸਬੰਧੀ ਜਾਣਕਾਰੀ ਅਖਿਲੇਸ਼ ਵਰਮਾ ਦੇ ਕੋਚ ਸ਼੍ਰੀ ਅਵਤਾਰ ਕ੍ਰਿਸ਼ਨ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਹ ਖਿਡਾਰੀ ਹੁਣ ਨੈਸ਼ਨਲ ਪੱਧਰ ਉੱਤੇ ਰਾਂਚੀ, ਝਾਰਖੰਡ ਵਿਖੇ ਹੋਣ ਵਾਲੇ ਮੁਕਾਬਲੇ ਭਾਗ ਲਵੇਗਾ ।
