4ਜੀ, ਨਵੇਂ ਪੰਜਵਾਂ ਪਲਾਨ ਤੇ ਗ੍ਰੀਨ ਇੰਡੀਆ ਮੁਹਿੰਮ ਦੀ ਸ਼ੁਰੂਆਤ
ਰੋਪੜ, 1 ਅਕਤੂਬਰ ( ਅਵਤਾਰ ਸਿੰਘ ਕੰਬੋਜ਼ )
ਭਾਰਤ ਸੰਚਾਰ ਨਿਗਮ ਲਿਮਿਟੇਡ (ਬੀਐਸਐਨਐਲ) ਨੇ ਆਪਣੀ ਸਥਾਪਨਾ ਦਿਵਸ(1 ਅਕਤੂਬਰ 2000) ਦੇ ਮੌਕੇ ‘ਤੇ ਅੱਜ 25ਵੀਂ ਸਿਲਵਰ ਜੁਬਲੀ ਦਾ ਸ਼ਾਨਦਾਰ ਸਮਾਗਮ ਕੀਤਾ। ਰੋਪੜ, ਨੰਗਲ, ਆਨੰਦਪੁਰ ਸਾਹਿਬ, ਮੋਰਿੰਡਾ, ਕੁਰਾਲੀ ਅਤੇ ਨੂਰਪੁਰ ਬੇਦੀ ਦੇ ਸਾਰੇ ਬੀਐਸਐਨਐਲ ਕਰਮਚਾਰੀ ਸਮਾਗਮ ‘ਚ ਸ਼ਾਮਲ ਹੋਏ।
ਸਮਾਗਮ ਵਿੱਚ ਮੁੱਖ ਮਹਿਮਾਨ ਸ਼੍ਰੀ ਰਿਤੇਸ਼ (ਚੀਫ ਮੈਨੇਜਰ, ਐਨਏਫੲਲ ਨੰਗਲ) ਅਤੇ ਸ਼੍ਰੀ ਸੀਮਿੰਤ ਪਾਲ, ਡੀਜੀਐਮ, ਸ਼੍ਰੇਯਾਂਸ ਇੰਡਸਟਰੀਜ਼ ਰੋਪੜ ਨੇ ਭਾਗ ਲਿਆ ਅਤੇ ਆਪਣੇ ਵਿਚਾਰ ਸਾਂਝੇ ਕੀਤੇ।
ਇਸ ਮੌਕੇ ਬੀਐਸਐਨਐਲ ਰੋਪੜ ਡੀਜੀਐਮ ਤਲਵਿੰਦਰ ਸਿੰਘ ਨੇ ਕਿਹਾ ਕਿ ਬੀਐਸਐਨਐਲ ਹੁਣ ਪੂਰੀ ਤਰ੍ਹਾਂ ਭਾਰਤ ਦੀ ਆਪਣੀ 4ਜੀ ਤਕਨਾਲੋਜੀ ਦੁਆਰਾ ਸਾਰੇ ਟਾਬਰ ਅੱਪਗਰੇਡ ਕਰ ਦਿੱਤੇ ਗਏ ਹਨ। ਬੀਐਸਐਨਐਲ ਅਤੇ ਤੇਜਸ ਨੈੱਟਵਰਕਸ ਦੇ ਸਹਿਯੋਗ ਨਾਲ ਭਾਰਤ ਵਿੱਚ ਹੀ ਵਿਕਸਿਤ ਕੀਤੀ ਗਈ ਹੈ।
ਉਨ੍ਹਾਂ ਕਿਹਾ ਕਿ ਦੁਨੀਆ ਵਿੱਚ ਸਿਰਫ ਚਾਰ ਦੇਸ਼ਾਂ ਕੋਲ ਹੀ ਆਪਣੀ 4ਜੀ ਤਕਨਾਲੋਜੀ ਹੈ ਅਤੇ ਭਾਰਤ ਹੁਣ ਬੀਐਸਐਨਐਲ ਰਾਹੀਂ ਖੁਦਮੁਖਤਿਆਰ ਬਣਨ ਵੱਲ ਅੱਗੇ ਵੱਧ ਰਿਹਾ ਹੈ।
ਸਮਾਗਮ ਵਿੱਚ ਬੀਐਸਐਨਐਲ ਨੇ ਨਵਾਂ ਪਲਾਨ 625 ਲਾਂਚ ਕੀਤਾ, ਜਿਸ ਵਿੱਚ ਗ੍ਰਾਹਕਾਂ ਨੂੰ 75 ਐਮਬੀਪੀਐਸ ਤੱਕ ਦੀ ਹਾਈ-ਸਪੀਡ ਇੰਟਰਨੈੱਟ ਸੇਵਾ, ਅਨਲਿਮਿਟਡ ਡਾਟਾ ਅਤੇ 550 ਟੀਵੀ ਚੈਨਲ ਮੁਫ਼ਤ ਔਨਲਾਈਨ ਵੇਖਣ ਦੀ ਸਹੂਲਤ ਮਿਲੇਗੀ। ਨਾਲ ਹੀ, ਵਾਈ-ਫਾਈ ਰੋਮਿੰਗ ਸੇਵਾ ਦੀ ਵੀ ਸ਼ੁਰੂਆਤ ਕੀਤੀ ਗਈ ਹੈ, ਜਿਸ ਨਾਲ ਗ੍ਰਾਹਕ ਆਪਣਾ ਹੋਮ ਵਾਈ-ਫਾਈ ਕਿਸੇ ਹੋਰ ਬੀਐਸਐਨਐਲ ਨੈੱਟਵਰਕ ਵਾਲੇ ਸਥਾਨ ‘ਤੇ ਮੁਫ਼ਤ ਵਰਤ ਸਕਣਗੇ। ਗਾਹਕਾਂ ਲਈ ਟੋਲ-ਫ੍ਰੀ ਬੁਕਿੰਗ ਨੰਬਰ 1800-4444 ਵੀ ਜਾਰੀ ਕੀਤਾ ਗਿਆ ਹੈ, ਜਿਥੇ ਮੋਬਾਈਲ ਤੇ ਵਟਸਐਪ ਰਾਹੀਂ ਵੀ ਬੁਕਿੰਗ ਕੀਤੀ ਜਾ ਸਕਦੀ ਹੈ।
ਇਸ ਮੌਕੇ ਬੀਐਸਐਨਐਲ ਟੀਆਈਪੀ ਭਾਗੀਦਾਰਾਂ ਨਾਲ ਮਿਲ ਕੇ ਪੂਰੇ ਰੋਪੜ ਸ਼ਹਿਰ ਵਿੱਚ ਇਕ ਵੱਡਾ ਰੋਡ ਸ਼ੋਅ ਕੀਤਾ ਗਿਆ। ਕਰਮਚਾਰੀਆਂ ਅਤੇ ਬੱਚਿਆਂ ਵੱਲੋਂ ਸੰਸਕ੍ਰਿਤਿਕ ਅਤੇ ਰੰਗਾਰੰਗ ਪ੍ਰੋਗਰਾਮਾਂ ਦੀਆਂ ਸੁੰਦਰ ਪੇਸ਼ਕਾਰੀਆਂ ਵੀ ਹੋਈਆਂ।
ਗ੍ਰੀਨ ਇੰਡੀਆ ਮੁਹਿੰਮ ਹੇਠ ਮੁੱਖ ਮਹਿਮਾਨ ਅਤੇ ਬੀਐਸਐਨਐਲ ਡੀਜੀਐਮ ਰੋਪੜ ਵੱਲੋਂ ਵਿਰਖ ਅਰੋਪਣ ਵੀ ਕੀਤਾ ਗਿਆ।
ਡੀਜੀਐਮ ਨੇ ਇਹ ਵੀ ਦਰਸਾਇਆ ਕਿ ਭਵਿੱਖ ਵਿੱਚ ਆਮਦਨੀ ਵਧਾਉਣ ਅਤੇ ਨਵੀਂ ਤਕਨਾਲੋਜੀ ਅਪਣਾਉਣ ‘ਤੇ ਧਿਆਨ ਦਿੱਤਾ ਜਾਵੇਗਾ। ਨਾਲ ਹੀ ਇੰਟਰਨੈੱਟ ਲੀਜ਼ਡ ਲਾਈਨ, ਪੀਆਰਆਈ, ਐਸਆਈਪੀ ਅਤੇ ਐਫਟਿਟੀਐਚ ਵਰਗੀਆਂ ਸੇਵਾਵਾਂ ਸੰਸਥਾਵਾਂ ਲਈ ਬਹੁਤ ਹੀ ਮੁਕਾਬਲੇਬਾਜ਼ ਦਰਾਂ ‘ਤੇ ਉਪਲਬਧ ਹਨ।
