ਕੀਰਤਪੁਰ ਸਾਹਿਬ, 22 ਸਤੰਬਰ ( ਬਾਈ ਜੀ ਪੰਜਾਬੀ )
ਸੰਸਥਾ ਦੇ ਪ੍ਰਧਾਨ ਹਰਮਿੰਦਰ ਪਾਲ ਸਿੰਘ ਆਹਲੂਵਾਲੀਆਂ ਨੇ ਦੱਸਿਆ ਸੇਵਾ ਪਰਮ ਧਰਮ ਦੇ ਮੰਤਵ ਨੂੰ ਅੱਗੇ ਵਧਾਉਂਦੇ ਹੋਏ, ਸ਼੍ਰੀ ਨੀਲਕੰਠ ਕੌਸ਼ਲ ਮਹਾਰਾਜ ਜੀ ਦੇ ਪਾਵਨ ਆਸ਼ੀਰਵਾਦ ਅਤੇ ਦਿਸ਼ਾ-ਨਿਰਦੇਸ਼ ਅਧੀਨ, ਇੱਕ ਵਿਸ਼ਾਲ ਖੂਨਦਾਨ ਕੈਂਪ ਦਾ ਆਯੋਜਨ ਕੀਤਾ ਗਿਆ। ਜਿਸ ਵਿੱਚ ਵਿਸ਼ੇਸ਼ ਤੌਰ ਤੇ ਪ੍ਰੇਮ ਦੱਤ ਸ਼ਰਮਾ ਜੀ ਨੇ ਸ਼ਿਰਕਤ ਕੀਤੀ ਇਹ ਕੈਂਪ ਬਰੋਟਾ ਭਗਵਾਲਾ ਸ੍ਰੀ ਰਾਧੇ ਰਾਧੇ ਆਸ਼ਰਮ ਕੀਰਤਪੁਰ ਸਾਹਿਬ ਲਗਾਇਆ ਗਿਆ
ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਰਾਧੇ ਰਾਧੇ ਆਸ਼ਰਮ ਬਰੋਟਾ ਭਗਵਾਲਾ ਵਿੱਚ ਸ਼੍ਰੀਮਦ ਭਾਗਵਤ ਕਥਾ ਆਰੰਭ ਕੀਤੀ ਗਈ ਜਿਸ ਦੀ ਪੂਰਨ ਅਹੂਤੀ ਦੇ ਨਾਲ ਨਾਲ ਮਹਾਰਾਜ ਜੀ ਦੇ ਅਸ਼ੀਰਵਾਦ ਨਾਲ ਖੂਨਦਾਨ ਕੈਂਪ ਲਗਵਾਇਆ ਗਿਆ। ਇਸ ਖੂਨਦਾਨ ਕੈਂਪ ਵਿੱਚ ਸਮੂਹ ਸੰਗਤਾਂ, ਸੇਵਾਦਾਰਾਂ ਅਤੇ ਨੌਜਵਾਨਾਂ ਨੇ ਬੜੀ ਉਤਸ਼ਾਹਤਾ ਨਾਲ ਭਾਗ ਲਿਆ ਅਤੇ ਮਨੁੱਖਤਾ ਦੀ ਸੇਵਾ ਵਿੱਚ ਆਪਣਾ ਯੋਗਦਾਨ ਪਾਇਆ। ਖੂਨਦਾਨ ਕੈਂਪ ਵਿੱਚ 40 ਯੂਨਿਟ ਖੂਨ ਇਕੱਠਾ ਕੀਤਾ ਗਿਆ, ਜੋ ਕਿ ਸਥਾਨਕ ਹਸਪਤਾਲਾਂ ਅਤੇ ਲੋੜਵੰਦ ਮਰੀਜ਼ਾਂ ਲਈ ਵਰਤਿਆ ਜਾਵੇਗਾ।
ਇਸ ਖੂਨਦਾਨ ਨੂੰ ਇਕੱਠਾ ਕਰਨ ਲਈ ਰੋਪੜ ਸੁਰਜੀਤ ਹਸਪਤਾਲ ਦੀ ਟੀਮ ਅਤੇ ਉਹਨਾਂ ਦੇ ਡਾਕਟਰ ਆਏ । ਕੈਂਪ ਦੀ ਵਿਸ਼ੇਸ਼ਤਾ ਇਹ ਰਹੀ ਕਿ ਹਰ ਵਿਅਕਤੀ ਨੇ ਸਿਰਫ ਖੂਨ ਹੀ ਨਹੀਂ ਦਿੱਤਾ, ਸਗੋਂ ਇੱਕ ਸੁਨੇਹਾ ਵੀ ਦਿੱਤਾ – “ਖੂਨ ਦਾਨ – ਜੀਵਨ ਦਾਨ।
ਸਥਾਨਕ ਪ੍ਰਸ਼ਾਸਨ ਅਤੇ ਡਾਕਟਰੀ ਟੀਮ ਵੱਲੋਂ ਵੀ ਪੂਰਾ ਸਹਿਯੋਗ ਦਿੱਤਾ ਗਿਆ। ਇਸ ਮੌਕੇ ਕਮਲਜੀਤ ਸਿੰਘ ,ਬਰੋਟੇ ਤੋਂ ਐਮਸੀ ਬਿੱਟੂ ,ਸਰਪੰਚ ਕਸ਼ਮੀਰਾ ਸਿੰਘ ,ਗੁਰਮੇਲ ਸਿੰਘ, ਅੱਛਰ ਸਿੰਘ ਦਾ ਧੰਨਵਾਦ ਕੀਤਾ ਗਿਆ।
