ਰੂਪਨਗਰ 4 ਮਈ ( ਅਵਤਾਰ ਸਿੰਘ ਕੰਬੋਜ਼ )
ਬੀਤੇ ਦਿਨੀਂ ਬੜੀ ਹਵੇਲੀ ਵਾਸੀ ਮਨਜੀਤ ਸਿੰਘ ਦੇ ਘਰ ਵਿੱਚ ਹੋਈ ਚੋਰੀ ਦੇ ਕੇਸ ਨੂੰ ਸਿਟੀ ਥਾਣਾ ਰੂਪ ਨਗਰ ਨੇ ਸੁਲਝਾ ਲਿਆ ਹੈ। ਅਤੇ ਆਰੋਪੀ ਨੂੰ ਕਾਬੂ ਕਰਕੇ ਉਸਦੇ ਕੋਲੋਂ ਗਹਿਣੇ ਅਤੇ ਨਗਦੀ ਬਰਾਮਦ ਕੀਤੀ ਗਈ ਹੈ।
ਪੁਲਿਸ ਦੇ ਵੱਲੋਂ ਜਾਰੀ ਕੀਤੀ ਗਈ ਜਾਣਕਾਰੀ ਦੇ ਮੁਤਾਬਿਕ 30 ਅਪ੍ਰੈਲ ਨੂੰ ਮਨਜੀਤ ਸਿੰਘ ਪੁੱਤਰ ਰਣਧੀਰ ਸਿੰਘ ਵਾਸੀ ਮਕਾਨ ਨੰਬਰ 4533 ਨੇੜੈ ਨੈਨਾ ਦੇਵੀ ਮੰਦਿਰ ਹਵੇਲੀ ਕਲਾਂ ਰੂਪਨਗਰ ਥਾਣਾ ਸਿਟੀ ਰੂਪਨਗਰ ਦੇ ਘਰ ਅਲਮਾਰੀ ਦੇ ਲਾਕਰ ਵਿੱਚ ਰੱਖੇ ਪੁਸ਼ਤੈਨੀ ਸੋਨੇ ਅਤੇ ਚਾਂਦੀ ਦੇ ਗਹਿਣੇ ਅਤੇ ਨਗਦੀ ਨੂੰ ਨਾ ਮਾਲੂਮ ਵਿਅਕਤੀਆ ਵੱਲੋ ਚੋਰੀ ਕਰਨ ਬਾਰੇ ਇਤਲਾਹ ਮੋਸੂਲ ਹੋਈ ਸੀ ਜਿਸ ਦੇ ਆਧਾਰ ਪਰ ਮੁਕੱਦਮਾ ਨੰਬਰ 100 ਮਿਤੀ 01.05.2026 ਅ/ਧ 305,301{3} ਬੀ.ਐਨ.ਐਸ. ਥਾਣਾ ਸਿਟੀ ਰੂਪਨਗਰ ਜਿਲ੍ਹਾ ਰੂਪਨਗਰ ਦਰਜ ਰਜਿਸਟਰ ਕੀਤਾ ਗਿਆ ਸੀ।
ਇਸ ਚੋਰੀ ਦੀ ਵਾਰਦਾਤ ਸਬੰਧੀ ਸ੍ਰੀ ਮਨਿੰਦਰਜੀਤ ਸਿੰਘ ਆਈ.ਪੀ.ਐਸ. ਸੀਨੀਅਰ ਕਪਤਾਨ ਪੁਲਿਸ ਰੂਪਨਗਰ ਦੇ ਦਿਸ਼ਾ ਨਿਰਦੇਸ਼ਾ ਤਹਿਤ ਸ੍ਰੀ ਦੀਪਇੰਦਰ ਸਿੰਘ ਉਪ ਕਪਤਾਨ ਪੁਲਿਸ ਸਬ ਡਵੀਜਨ ਰੂਪਨਗਰ ਦੀ ਅਗਵਾਈ ਵਿੱਚ ਥਾਣਾ ਸਿਟੀ ਰੂਪਨਗਰ ਪੁਲਿਸ ਵੱਲੋ ਅੱਡ-ਅੱਡ ਪਹਿਲੂਆਂ ਤੋ ਤਫਤੀਸ਼ ਅਮਲ ਵਿੱਚ ਲਿਆਂਦੀ ਗਈ ਅਤੇ ਟੈਕਨੀਕਲ ਸ਼ਹਾਦਤ ਵੀ ਹਾਸਲ ਕੀਤੀ ਗਈ ਜੋ ਪਾਇਆ ਗਿਆ ਕਿ ਇਸ ਵਾਰਦਾਤ ਨੂੰ ਸੋਨੂੰ ਸਿੰਘ ਪੁੱਤਰ ਪ੍ਰੇਮ ਵਾਸੀ ਬੜੀ ਹਵੇਲੀ ਅਤੇ ਇਰਫਾਨ ਪੁੱਤਰ ਮਹਿਬੂਬ ਵਾਸੀ ਬੜੀ ਹਵੇਲੀ ਵੱਲੋ ਅੰਜਾਮ ਦਿੱਤਾ ਗਿਆ। ਅਤੇ ਚੋਰੀ ਕੀਤਾ ਸਮਾਨ ਦੋਸ਼ੀ ਸੋਨੂੰ ਸਿੰਘ ਉੱਕਤ ਨੇ ਆਪਣੇ ਘਰਵਾਲੀ ਤਰਨਜੀਤ ਕੋਰ ਪਤਨੀ ਸੋਨੂੰ ਸਿੰਘ ਨਾਲ ਮਿਲ ਕੇ ਛੁਪਾ ਲਿਆ ਸੀ। ਦੋਸ਼ੀ ਸੋਨੂੰ ਸਿੰਘ ਅਤੇ ਤਰਨਜੀਤ ਕੋਰ ਉੱਕਤ ਨੂੰ ਇਸ ਮੁਕੱਦਮਾ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਇਹਨਾ ਦੇ ਕਬਜਾ ਵਿੱਚੋ ਚੋਰੀਸ਼ੁਦਾ ਸਮਾਨ 02 ਜੋੜੀਆ ਏਅਰਿੰਗ ਸੋਨਾ, 01 ਨੋਜ ਪਿੰਨ ਚਾਦੀ, 02 ਜੋੜੇ ਪੰਜੇਬ ਚਾਂਦੀ, 01 ਚਾਦੀ ਦਾ ਕੰਗਣ ਅਤੇ 1,92000/- ਰੁਪਏ ਕੈਸ਼ ਨੂੰ ਬ੍ਰਾਮਦ ਕੀਤਾ ਗਿਆ ਹੈ।
ਸਿਟੀ ਥਾਣਾ ਐਸ ਐਚ ਓ ਪਵਨ ਕੁਮਾਰ ਨੇ ਦੱਸਿਆ ਕੇ ਦੋਸ਼ੀ ਇਰਫਾਨ ਦੀ ਗ੍ਰਿਫਤਾਰੀ ਅਜੇ ਬਾਕੀ ਹੈ ਜਿਸ ਨੂੰ ਵੀ ਜਲਦ ਤੋ ਜਲਦ ਗ੍ਰਿਫਤਾਰ ਕੀਤਾ ਜਾਵੇਗਾ। ਮੁਕੱਦਮਾ ਦੀ ਅਗਲੇਰੀ ਤਫਤੀਸ਼ ਕੀਤੀ ਜਾ ਰਹੀ ਹੈ।
