ਚੰਡੀਗੜ੍ਹ ( ਅਵਤਾਰ ਸਿੰਘ ਕੰਬੋਜ਼ )
PGIMER ਦੇ ਨਰਸਿੰਗ ਭਾਈਚਾਰੇ ਲਈ ਆਗਾਮੀ PGINWA (PGI ਨਰਸ ਵੈਲਫੇਅਰ ਐਸੋਸੀਏਸ਼ਨ) ਦੀਆਂ ਚੋਣਾਂ ਕਿਸੇ ਵੱਡੇ ਬਦਲਾਅ ਦੇ ਸੰਕੇਤ ਮੰਨੇ ਜਾ ਰਹੇ ਹਨ। ਨਰਸਿੰਗ ਸਟਾਫ ਦੀ ਭਲਾਈ, ਕੰਮ ਵਾਲੀ ਥਾਂ ‘ਤੇ ਆਉਣ ਵਾਲੀਆਂ ਚੁਣੌਤੀਆਂ ਦੇ ਤੁਰੰਤ ਹੱਲ ਅਤੇ ਸੰਸਥਾ ਵਿੱਚ ਬਿਹਤਰ ਕੰਮਕਾਜੀ ਮਾਹੌਲ ਯਕੀਨੀ ਬਣਾਉਣ ਦੇ ਉਦੇਸ਼ ਨਾਲ, ਤਜਰਬੇਕਾਰ ਅਤੇ ਸਮਰਪਿਤ ਪੇਸ਼ੇਵਰਾਂ ਦੀ ਇੱਕ ਟੀਮ ਨੇ ਅਧਿਕਾਰਤ ਤੌਰ ‘ਤੇ ਆਪਣੀ ਨਾਮਜ਼ਦਗੀ ਦਾਖਲ ਕਰਕੇ ਚੋਣ ਮੈਦਾਨ ਵਿੱਚ ਦਸਤਕ ਦੇ ਦਿੱਤੀ ਹੈ।
ਇੱਕ ਟੀਮ, ਇੱਕ ਸਾਂਝਾ ਵਿਜ਼ਨ ‘ ਚੋਣਾਂ ਵਿੱਚ ਉਤਰਿਆ ਇਹ ਪੈਨਲ ਆਪਣੇ-ਆਪਣੇ ਖੇਤਰਾਂ ਵਿੱਚ ਸਰਗਰਮ ਅਤੇ ਤਜਰਬੇਕਾਰ ਅਹੁਦੇਦਾਰਾਂ ਦਾ ਸਮੂਹ ਹੈ, ਜੋ ਇੱਕ ਸਾਂਝੇ ਵਿਜ਼ਨ ਨਾਲ ਅੱਗੇ ਵਧ ਰਹੇ ਹਨ। ਟੀਮ ਦਾ ਮੰਨਣਾ ਹੈ ਕਿ ਨਰਸਿੰਗ ਸਟਾਫ ਦੀ ਏਕਤਾ ਹੀ ਉਨ੍ਹਾਂ ਦੀ ਸਭ ਤੋਂ ਵੱਡੀ ਤਾਕਤ ਹੈ ਅਤੇ ਉਹ ਇੱਕ ਪਾਰਦਰਸ਼ੀ ਅਤੇ ਜਵਾਬਦੇਹ ਲੀਡਰਸ਼ਿਪ ਪ੍ਰਦਾਨ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹਨ।
ਚੋਣ ਪੈਨਲ ਦੇ ਉਮੀਦਵਾਰਾਂ ਦੀ ਸੂਚੀ ਅਤੇ ਉਨ੍ਹਾਂ ਦਾ ਚੋਣ ਵਿਚਾਰ ਹਨ ਕੇ ਸਾਡਾ ਟੀਚਾ ਸਿਰਫ਼ ਚੋਣ ਜਿੱਤਣਾ ਨਹੀਂ, ਸਗੋਂ ਨਰਸਿੰਗ ਸਟਾਫ ਦੇ ਸਨਮਾਨ ਅਤੇ ਅਧਿਕਾਰਾਂ ਲਈ ਇੱਕ ਮਜ਼ਬੂਤ ਪਹਿਰੇਦਾਰ ਦੀ ਭੂਮਿਕਾ ਨਿਭਾਉਣਾ ਹੈ।”
ਇਨ੍ਹਾਂ ਚੋਣਾਂ ਵਿੱਚ ਪ੍ਰਧਾਨ ਦੇ ਅਹੁਦੇ ਲਈ ਰਾਜ ਕੁਮਾਰ ,ਸੀਨੀਅਰ ਉਪ ਪ੍ਰਧਾਨ ਲਈ ਅਨੂ, ਉਪ ਪ੍ਰਧਾਨ ਲਈ ਰਵਿੰਦਰ ਸਿੰਘ, ਜਨਰਲ ਸਕੱਤਰ ਲਈ ਮਨੋਜ ਕੁਮਾਰ, ਸੰਯੁਕਤ ਸਕੱਤਰ ਲਈ ਰਵਿੰਦਰ ਜੀਤ ਕੌਰ, ਸਹਾਇਕ ਸਕੱਤਰ ਲਈ ਚੰਦਨਾ, ਪ੍ਰਚਾਰ ਸਕੱਤਰ ਲਈ ਰੋਹਿਣੀ, ਸੰਗਠਨ ਸਕੱਤਰ ਲਈ ਸਾਕਸ਼ੀ ਵਰਮਾ, ਦਫਤਰ ਸਕੱਤਰ ਲਈ ਫ੍ਰਾਂਸਿਸ, ਖਜ਼ਾਨਚੀ ਲਈ ਅਮਿਤ ਸੈਮੂਅਲ , ਸੰਯੁਕਤ ਖਜ਼ਾਨਚੀ ਲਈ ਰੌਬਿਨ ਨੌਇਲ ,ਖੇਡ ਸਕੱਤਰ ਲਈ ਮਹਿਕ ਜੰਗਲ ਲ, ਸੱਭਿਆਚਾਰਕ ਸਕੱਤਰ ਲਈ ਮਨਪ੍ਰੀਤ ਕੌਰ ਚੋਣ ਮੈਦਾਨ ਵਿੱਚ ਹਨ।
