ਖਰੜ ( ਬਾਈ ਜੀ ਪੰਜਾਬੀ )
ਕਮਲ ਬਿਨ ਸ਼ਾਨ ਜੋ ਕਿ ਸੀ.ਐੱਨ.ਆਈ ਕ੍ਰਾਈਸਟ ਚਰਚ ਖਰੜ੍ਹ ਵਿਖੇ ਬਤੌਰ ਡੈਕਨ (ਅਸਿਸਟੈਂਟ ਪਾਦਰੀ) ਸੇਵਾਵਾਂ ਨਿਭਾ ਰਹੇ ਸਨ । ਰਾਈਟ ਰੈਵ ਬਿਸਪ ਦਰਬਾਰਾ ਸਿੰਘ ਵੱਲੋ ਕਮਲ ਬਿਨ ਸ਼ਾਨ ਨੂੰ 25 ਜਨਵਰੀ 2026 ਨੂੰ ਕਲਵਰੀ ਚਰਚ, ਲੁਧਿਆਣਾ ਵਿੱਚ ਆਯੋਜਿਤ ਪਵਿੱਤਰ ਸਮਾਰੋਹ ਦੌਰਾਨ ਪਾਦਰੀ ਦੇ ਅਹੁਦੇ ਦੀ ਸਹੁੰ ਚੁਕਾਈ ਗਈ । ਇਹ ਪਵਿੱਤਰ ਸਹੁੰ-ਚੁੱਕ ਸਮਾਰੋਹ ਧਾਰਮਿਕ ਅਗੂਆਂ, ਚਰਚ ਮੈਂਬਰਾਂ ਅਤੇ ਭਗਤਜਨਾਂ ਦੀ ਮੌਜੂਦਗੀ ਵਿੱਚ ਆਯੋਜਿਤ ਕੀਤਾ ਗਿਆ।
ਰੈਵ. ਕਮਲ ਬਿਨ ਸ਼ਾਨ ਆਪਣੀ ਨਿਸ਼ਠਾ, ਕਰੁਣਾ ਅਤੇ ਮਸੀਹੀ ਸੇਵਾ ਪ੍ਰਤੀ ਸਮਰਪਣ ਲਈ ਜਾਣੇ ਜਾਂਦੇ ਹਨ। ਚਰਚ ਵੱਲੋਂ ਰੈਵ. ਕਮਲ ਬਿਨ ਸ਼ਾਨ ਨੂੰ ਦਿਲੋਂ ਵਧਾਈਆਂ ਅਤੇ ਪ੍ਰਾਰਥਨਾਵਾਂ ਭੇਟ ਕੀਤੀਆਂ ਜਾਂਦੀਆਂ ਹਨ ਕਿ ਪਰਮਾਤਮਾ ਉਨ੍ਹਾਂ ਨੂੰ ਆਪਣੇ ਬਚਨ ਦਾ ਪ੍ਰਚਾਰ ਕਰਨ ਅਤੇ ਸਮਾਜ ਦੇ ਪਿੱਛੜੇ, ਹਾਸੀਏ ’ਤੇ ਰਹਿੰਦੇ ਅਤੇ ਗਰੀਬ ਵਰਗ ਦੀ ਸੇਵਾ ਕਰਕੇ ਉਨ੍ਹਾਂ ਦੇ ਉਤਥਾਨ ਲਈ ਕੰਮ ਕਰਨ ਦੀ ਤਾਕਤ ਅਤੇ ਆਸ਼ੀਰਵਾਦ ਬਖ਼ਸ਼ੇ।
