ਰੂਪਨਗਰ ( ਅਵਤਾਰ ਸਿੰਘ ਕੰਬੋਜ਼ )
ਅੱਜ ਪੰਜਾਬ ਭਾਜਪਾ ਕਿਸਾਨ ਮੋਰਚਾ ਵੱਲੋਂ ਰੋਪੜ ਵਿੱਚ ਲੋਹੜੀ ਦਾ ਤਿਉਹਾਰ ਮਨਾਇਆ ਗਿਆ । ਪੰਜਾਬ ਭਾਜਪਾ ਦੇ ਜਰਨਲ ਸਕੱਤਰ ਹਰਮਿੰਦਰ ਪਾਲ ਸਿੰਘ ਆਹਲੂਵਾਲੀਆ ਨੇ ਦੱਸਿਆ ਕਿ ਰੋਪੜ ਵਿੱਚ ਭਾਜਪਾ ਕਿਸਾਨ ਮੋਰਚੇ ਵੱਲੋਂ ਕੁੜੀਆਂ ਦੀ ਲੋਹੜੀ ਮਨਾਈ ਗਈ ਜਿਸ ਵਿੱਚ ਭਾਜਪਾ ਦੇ ਸੀਨੀਅਰ ਆਗੂ ਅਤੇ ਸਮਾਜ ਸੇਵੀ ਸੰਸਥਾਵਾਂ ਨੂੰ ਵੀ ਉਸ ਵਿੱਚ ਬੁਲਾਇਆ ਗਿਆ ਅਤੇ ਉਹਨਾਂ ਨੂੰ ਸਨਮਾਨਿਤ ਵੀ ਕੀਤਾ ਗਿਆ । ਭਾਜਪਾ ਦੇ ਸੀਨੀਅਰ ਕਾਰਜਕਰਤਾ ਚਮਨ ਲਾਲ ਵਰਮਾ ਨੇ ਆਖਿਆ ਕਿ ਉਨਾਂ ਨੇ ਉਹ ਦੌਰ ਵੀ ਦੇਖਿਆ ਜਦੋਂ ਭਾਜਪਾ ਦੇ ਸਿਰਫ ਦੋ ਹੀ ਸੰਸਦ ਹੁੰਦੇ ਸਨ ।ਉਹਨਾਂ ਨੇ ਆਖਿਆ ਕਿ ਮੈਨੂੰ ਬੜੀ ਖੁਸ਼ੀ ਹੁੰਦੀ ਹੈ ਜਦੋਂ ਭਾਜਪਾ ਦੇ ਕਾਰਜਕਰਤਾ ਇਸ ਤਰ੍ਹਾਂ ਦੇ ਪ੍ਰੋਗਰਾਮ ਕਰਦੇ ਹਨ । ਇਸੀ ਤਰ੍ਹਾਂ ਨੰਦ ਕਿਸ਼ੋਰ ਭਟਨਾਗਰ ਭਾਜਪਾ ਦੇ ਸੀਨੀਅਰ ਕਾਰਜਕਰਤਾ ਨੇ ਵੀ ਲੋਹੜੀ ਦੇ ਮੌਕੇ ਦੀਆਂ ਸਭ ਨੂੰ ਵਧਾਈਆਂ ਦਿੱਤੀਆਂ ਅਤੇ ਦੇਸ਼ ਦੀ ਖੁਸ਼ਹਾਲੀ ਮੰਗੀ। ਭਾਜਪਾ ਸਕੱਤਰ ਹਰਮਿੰਦਰ ਪਾਲ ਸਿੰਘ ਆਹਲੂਵਾਲੀਆ ਨੇ ਆਈ ਹੋਈ ਸਮਾਜਿਕ ਸੰਸਥਾਵਾਂ ਦਾ ਸਨਮਾਨ ਕੀਤਾ ਤੇ ਸਾਰੇ ਕਾਰਜਕਰਤਾ ਨੂੰ ਸੰਬੋਧਨ ਕਰਦੇ ਹੋਏ ਆਖਿਆ ਕਿ ਭਾਜਪਾ ਹੀ ਸਿਰਫ ਇੱਕ ਐਸੀ ਪਾਰਟੀ ਹੈ ਜਿਸ ਵਿੱਚ ਕਾਰਜਕਰਤਾ ਦੇ ਕੰਮ ਦੀ ਕਦਰ ਕੀਤੀ ਜਾਂਦੀ ਹੈ, ਜਿਸ ਦੀ ਸਭ ਤੋਂ ਵੱਡੀ ਉਦਾਹਰਣ ਹਰਿਆਣੇ ਦੇ ਸੀਐਮ ਨੈਬ ਸਿੰਘ ਸੈਣੀ ਅਤੇ ਹੋਰ ਹੀ ਅਨੇਕਾਂ ਇਸ ਤਰ੍ਹਾਂ ਦੀਆਂ ਉਦਾਹਰਣਾਂ ਹਨ। ਆਹਲੂਵਾਲੀਆ ਨੇ ਆਏ ਹੋਏ ਸਮਾਜ ਸੇਵੀ ਸੰਸਥਾਵਾਂ ਆਸ਼ਾ ਦੀ ਕਿਰਨ ਅਤੇ ਗਊ ਰਕਸ਼ਾ ਦਲ ਦੇ ਸਾਰੇ ਮੈਂਬਰਾਂ ਨੂੰ ਸਰੋਪਾ ਪਾ ਕੇ ਸਨਮਾਨਿਤ ਕੀਤਾ ।
ਇਸ ਸਮੇਂ ਮੌਜੂਦ ਰਹੇ ਚਮਨ ਲਾਲ ਵਰਮਾ, ਨੰਦ ਕਿਸ਼ੋਰ ਭਟਨਾਗਰ ,ਸੰਦੀਪ ਸ਼ਰਮਾ, ਨਿਕਸਨ ਕੁਮਾਰ, ਗਗਨ ਵਰਮਾ ਕਰਨ ਕੌਸ਼ਲ, ਪੰਕਜ ਸ਼ਰਮਾ, ਵਿਨੋਦ ਕੁਮਾਰ, ਸਤੀਸ਼ ਮੋਰੀਆ, ਨੀਰੂ ਕੁਮਾਰ, ਨਰੇਸ਼ ਧਵਨ, ਦਵਿੰਦਰ ਪਾਲ ਸਿੰਘ ਆਹਲੂਵਾਲੀਆ,ਅਛਰ ਪਾਲ ਅਗਨੀਹੋਤਰੀ, ਜਗਜੀਤ ਸਿੰਘ ਆਹਲੂਵਾਲੀਆ,ਕਾਰਤਿਕ ਆਹਲੂਵਾਲੀਆ ਦੀਪੂ ਪ੍ਰਜਾਪਤੀ, ਰਣਜੀਤ ਕੌਰ ਆਹਲੂਵਾਲੀਆ ,ਦੀਪੀਕਾ ਢਲ, ਕੁਲਦੀਪ ਕੌਰ, ਨੀਰਜ ਮੋਰੀਆ, ਅਨੀਤਾ ਆਹਲੂਵਾਲੀਆ ਦਵਿੰਦਰ ਕੌਰ ਆਹਲੂਵਾਲੀਆ,ਜਾਨਕੀ ਦੇਵੀ, ਸੀਮਾ ਦੇਵੀ, ਭੁਪਿੰਦਰ ਕੌਰ,ਅੰਜਲੀ ਗੋਇਲ, ਸੋਨੂ ਕੁਮਾਰੀ, ਪ੍ਰੀਤੀ, ਪ੍ਰਿੰਸ।
