ਰੋਪੜ (ਅਵਤਾਰ ਸਿੰਘ ਕੰਬੋਜ਼)
ਰੋਪੜ ਵਿਖੇ ਯੁਨਾਇਟੇਡ ਫਰੰਟ ਆਫ ਐਕਸ ਸਰਵਿਸ ਮੇਨ ਰੋਪੜ ਵਲੋਂ ਸਾਬਕਾ ਸੈਨਿਕ ਸੰਮੇਲਨ ਕਰਨਲ ਅਵਤਾਰ ਸਿੰਘ ਹੀਰਾ ਜੀ ਦੀ ਪ੍ਰਧਾਨਗੀ ਹੇਠ ਕੀਤਾ ਗਿਆ। ਇਸ ਸੰਮੇਲਨ ਦੀ ਵਿਲੱਖਣਤਾ ਇਹ ਸੀ ਕਿ ਇਸ ਵਿਚ ਸਾਬਕਾ ਸੈਨਿਕ ਸੀਨੀਅਰ ਅਫਸਰਾਂ ਦੇ ਨਾਲ ਨਾਲ ਸਾਬਕਾ ਅਤੇ ਸੇਵਾਰਤ ਸਿਵਲੀਅਨ ਸ਼ਖ਼ਸ਼ੀਅਤਾਂ ਨੇ ਵੀ ਸ਼ਮੂਲੀਅਤ ਕੀਤੀ ਜਿਨ੍ਹਾਂ ਵਿਚ ਵਿਸ਼ੇਸ਼ ਤੌਰ ਤੇ ਸਰਦਾਰ ਸਵਰਨ ਸਿੰਘ ਬੋਪਾਰਾਏ, IAS, ਕਿਰਤੀ ਚਕ੍ਰ ਅਤੇ ਪਦਮਸ਼੍ਰੀ, ਬੀਬੀ ਡਾਕਟਰ ਹਰਸ਼ਿੰਦਰ ਕੌਰ ਹਾਜ਼ਰ ਸਨ। ਇਹਨਾਂ ਤੋਂ ਇਲਾਵਾ ਮੇਜ਼ਰ ਜਨਰਲ ਸਤਵੀਰ ਸਿੰਘ,SM, ਬਰੀਗੇਡੀਅਰ ਇੰਦਰਮੋਹਨ ਸਿੰਘ ਅਤੇ ਹੋਰ ਬਹੁਤ ਸਾਰੇ ਸੀਨੀਅਰ ਸਾਬਕਾ ਸੈਨਿਕ ਅਫਸਰਾਂ ਨੇ ਸੰਮੇਲਨ ਨੂੰ ਸੰਬੋਧਨ ਕੀਤਾ।
ਇਸ ਮੌਕੇ ਸਾਬਕਾ ਸੈਨਿਕ ਜਰਨੈਲ ਸਿੰਘ ਨੇ ਦੱਸਿਆ ਕਿ ਇਹ ਸਾਰੇ ਲੋਕ ਪੰਜਾਬ ਦਰਦੀ ਹਨ ਅਤੇ ਪੰਜਾਬ ਨੂੰ, ਕਿਸਾਨ ਨੂੰ ਜਗਾਉਣ ਦੇ ਉਪਰਾਲੇ ਵਿਚ ਲੱਗੇ ਹੋਏ ਹਨ। ਜਾਗੋ ਪੰਜਾਬ ਨਾ ਹੇਠ ਇਹ ਲੋਕ ਪੰਜਾਬ ਵਿੱਚ ਵਿਚਰਦੇ ਹੋਏ ਲੋਕਾਂ ਨੂੰ ਖਾਸ ਕਰਕੇ ਸਾਬਕਾ ਸੈਨਿਕਾਂ ਅਤੇ ਕਿਸਾਨਾਂ ਨੂੰ ਜਾਗਰੂਕ ਕਰਨ ਵਿੱਚ ਲੱਗੇ ਹੋਏ ਹਨ। ਪੰਜਾਬ ਵਿੱਚ ਕੋਈ ਖੇਤਰੀ ਪਾਰਟੀ ਨਹੀਂ ਹੈ ਜਿਸ ਨੂੰ ਇਹ ਲੋਕ ਆਉਂਦੀਆਂ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਖੜੀ ਕਰ ਸਕਦੇ ਹਨ। ਹੁਣ ਸਾਡੇ ਸਾਬਕਾ ਸੈਨਿਕ ਵੀਰਾਂ ਅਤੇ ਵੀਰ ਨਾਰੀ ਭੈਣਾਂ ਨੂੰ ਚਾਹੀਦਾ ਹੈ ਕਿ ਉਹ ਹੋਰ ਸਾਰੀਆਂ ਰਾਜਨੀਤਕ ਪਾਰਟੀਆਂ ਨੂੰ ਛੱਡ ਕੇ ਇਹਨਾਂ ਲੋਕਾਂ ਦੇ ਨਾਲ ਖੜਨ। ਆਖਰ ਵਿਚ ਕੈਪਟਨ ਮੁਲਤਾਨ ਸਿੰਘ ਰਾਣਾ ਵਲੋਂ ਆਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਗਿਆ। ਇਸ ਸਮੇਂ ਕੈਪਟਨ ਹਰਪਾਲ ਸਿੰਘ, ਕੈਪਟਨ ਨਰਿੰਦਰ ਸਿੰਘ, ਕੈਪਟਨ ਸੰਤੋਖ ਸਿੰਘ, ਕੈਪਟਨ ਨਿਕਾ ਸਿੰਘ ਕੈਪਟਨ ਬਲਬੀਰ ਸਿੰਘ , ਹਵਲਦਾਰ ਹਰੀਕਿਸ਼ਨ, ਨਾਇਬ ਸੂਬੇਦਾਰ ਜਰਨੈਲ ਸਿੰਘ, ਹਵਲਦਾਰ ਕੇਵਲ ਸਿੰਘ, ਨਾਇਕ ਹਰਜੀਤ ਸਿੰਘ ਅਤੇ ਬੀਬੀ ਮਨਜੀਤ ਕੌਰ ਆਪਣੀ ਮਹਿਲਾ ਵਿੰਗ ਨਾਲ਼ ਮਾਜੂਦ ਸਨ।
