ਰੂਪਨਗਰ ( ਅਵਤਾਰ ਸਿੰਘ ਕੰਬੋਜ਼ )
ਭਾਰਤੀਯ ਯੋਗ ਸੰਸਥਾਨ (ਰਜਿ.) ਦੀ ਜ਼ਿਲ੍ਹਾ ਇਕਾਈ ਰੂਪਨਗਰ ਆਪਣਾ 26ਵਾਂ ਸਥਾਪਨਾ ਦਿਵਸ 2 ਨਵੰਬਰ, 2025 ਦਿਨ ਐਤਵਾਰ ਨੂੰ ਗਾਂਧੀ ਮੈਮੋਰਿਅਲ ਨੈਸਨਲ ਸਕੂਲ (ਜੀਐਮਐਨ) ਰੂਪਨਗਰ ਵਿਖੇ ਮਨਾ ਰਹੀ ਹੈ। ਇਸ ਸਬੰਧੀ ਪ੍ਰਬੰਧਾਂ ਬਾਰੇ ਇਕ ਮੀਟਿੰਗ ਜ਼ਿਲ੍ਹਾ ਰੂਪਨਗਰ ਇਕਾਈ ਦੇ ਜ਼ਿਲ੍ਹਾ ਪ੍ਰਧਾਨ ਕੁਸਮ ਸ਼ਰਮਾ ਦੀ ਅਗਵਾਈ ਵਿੱਚ ਇੱਥੇ ਬਜ਼ੁਰਗਾ ਦੇ ਅਪਣਾ ਘਰ ਹਵੇਲੀ ਕਲਾਂ ਵਿਖੇ ਕੀਤੀ ਗਈ। ਇਸ ਮੌਕੇ ਜ਼੍ਹਿਲਾ ਇਕਾਈ ਦੇ ਸਕੱਤਰ ਰਾਜਿੰਦਰ ਸੈਣੀ ਨੇ ਦੱਸਿਆ ਕਿ ਜ਼੍ਹਿਲਾ ਇਕਾਈ ਰੂਪਨਗਰ ਅਪਣਾ 26ਵਾਂ ਸਥਾਪਨਾ ਦਿਵਸ 2 ਨਵੰਬਰ ਦਿਨ ਐਤਵਾਰ ਨੂੰ ਜੀਐਮਐਨ ਸਕੂਲ ‘ਚ ਸਵੇਰੇ 5 ਵਜੇ ਤੋਂ 7 ਵਜੇ ਤੱਕ ਪੂਰੇ ਉਤਸਾਹ ਨਾਲ ਮਨਾਏਗੀ।
ਇਸ ਸਮਾਗਮ ਵਿੱਚ ਭਾਰਤੀਯ ਯੋਗ ਸੰਸਥਾਨ (ਰਜਿ.) ਅਧੀਨ ਚੰਡੀਗੜ੍ਹ ਪ੍ਰਾਂਤ ਦੇ ਜ਼ਿਲ੍ਹਿਆਂ ਪੰਚਕੂਲਾ, ਜੀਰਕਪੁਰ, ਚੰਡੀਗੜ੍ਹ, ਮੋਹਾਲੀ, ਕੁਰਾਲੀ ਆਦਿ ਤੋਂ ਵੱਡੀ ਗਿਣਤੀ ਵਿੱਚ ਯੋਗ ਸਾਧਕ ਸਿਰਕਤ ਕਰਨਗੇ। ਸਮੂਹਿਕ ਯੋਗ ਕਲਾਸ ਦਾ ਆਯੋਜਨ ਕੀਤਾ ਜਾਵੇਗਾ, ਜਿਸ ਤਹਿਤ ਵੱਖ ਵੱਖ ਤਰਾਂ ਦੇ ਯੋਗ ਆਸਣ, ਪ੍ਰਾਣਾਯਾਮ ਤੇ ਧਿਆਨ ਦਾ ਅਭਿਆਸ ਕੀਤਾ ਜਾਵੇਗਾ ਅਤੇ ਯੋਗ ਦੀ ਮਹਤੱਤਾ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਜਾਵੇਗੀ।
ਇਸ ਸਮਾਰੋਹ ਦੇ ਮੁੱਖ ਮਹਿਮਾਨ ਰੂਪਨਗਰ ਸ਼ਹਿਰ ਦੇ ਉੱਘੇ ਸਮਾਜ ਸੇਵਕ ਡਾ. ਆਰ. ਐਸ. ਪਰਮਾਰ ਹੋਣਗੇ ਅਤੇ ਪ੍ਰਧਾਨਗੀ ਚੰਡੀਗੜ੍ਹ ਪ੍ਰਾਂਤ ਦੇ ਪ੍ਰਧਾਨ ਗੋਪਾਲ ਦਾਸ ਕਰਨਗੇ।
ਮੀਟਿੰਗ ਦੌਰਾਨ ਜ਼ਿਲ੍ਹਾ ਪ੍ਰਧਾਨ ਕੁਸਮ ਸ਼ਰਮਾ ਤੇ ਸਕੱਤਰ ਰਾਜਿੰਦਰ ਸੈਣੀ ਨੇ ਦੱਸਿਆ ਕਿ ਭਾਰਤੀਯ ਯੋਗ ਸੰਸਥਾਨ (ਰਜਿ.) ਦੀ ਸੰਸਥਾ ਦਾ ਗਠਨ 10 ਅਪ੍ਰੈਲ 1967 ਨੂੰ ਇਸ ਦੇ ਬਾਨੀ ਸਵਰਗੀ ਪ੍ਰਕਾਸ ਲਾਲ ਵਲੋਂ ਭਾਰਤ ਦੀ ਪੁਰਾਣੀ ਸਭਿਅਤਾ ਦੇ ਪ੍ਰਸਾਰ ਲਈ ਕੀਤਾ ਗਿਆ ਸੀ। ਇਹ ਸੰਸਥਾ ਪਿਛਲੇ 59 ਸਾਲਾ ਤੋਂ ਸੰਸਥਾਨ ਦੇ ਮਜੂਦਾ ਪ੍ਰਧਾਨ ਦੇਸ ਰਾਜ ਦੀ ਅਗਵਾਈ ਹੇਠ ਨਿਸ਼ਕਾਮ ਭਾਵਨਾ ਨਾਲ ਲੋਕਾ ਦੀ ਜੀਵਨ ਸੈਲੀ ਦੇ ਸੁਧਾਰ ਲਈ ਮੁਫਤ ਯੋਗ ਦਾ ਪ੍ਰਚਾਰ ਕਰ ਰਹੀ ਹੈ।
ਸੰਸਥਾਨ ਦੀ ਜ਼੍ਹਿਲਾ ਇਕਾਈ ਦੇ ਮੈਂਬਰ ਵੀ ਸਾਲ 2000 ਤੋਂ ਰੂਪਨਗਰ ਦੇ ਵੱਖ ਵੱਖ ਖੇਤਰਾ ਵਿੱਚ ਲਗਾਤਾਰ ਯੋਗ ਦੀਆ ਮੁਫਤ ਕਲਾਸਾ ਲਗਾ ਰਹੇ ਹਨ। ਜ਼੍ਹਿਲਾ ਇਕਾਈ ਦੇ ਸਮੂਹ ਮੈਂਬਰਾ ਨੇ ਸ਼ਹਿਰ ਵਾਸੀਆ ਨੂੰ ਅਪੀਲ ਕੀਤੀ ਹੈ ਕਿ ਉਹ ਆਪਣੇ ਸਰੀਰਕ, ਮਾਨਸਿਕ ਅਤੇ ਅਧਿਆਤਮਿਕ ਵਿਕਾਸ ਲਈ ਯੋਗ ਨੂੰ ਅਪਣਾਉਣ ਤੇ ਇਸ ਸਮਾਗਮ ਵਿੱਚ ਸ਼ਾਮਲ ਹੋਕੇ ਮੌਕੇ ਦਾ ਲਾਭ ਉਠਾਉਣ।
ਮੀਟਿੰਗ ਵਿਚ ਸੰਗਠਨ ਮੰਤਰੀ ਹੰਸ ਰਾਜ, ਜਗਦੇਵ ਸਿੰਘ, ਗੁਰਮੁੱਖ ਸਿੰਘ, ਐਡਵੋਕੇਟ ਰਾਵਿੰਦਰ ਸਿੰਘ ਮੁੰਡਰਾ, ਡੀ. ਆਰ. ਸ਼ਰਮਾ, ਆਸਿਮਾ ਅਗਰਵਾਲ, ਸੀਮਾ ਸੈਣੀ, ਬਲਬੀਰ ਕੌਰ, ਪੂਨਮ ਭਾਟੀਆ, ਮੈਡਮ ਓਬਰਾਏ ਆਦਿ ਵੀ ਹਾਜ਼ਰ ਸਨ।
