ਰੂਪਨਗਰ ( ਅਵਤਾਰ ਸਿੰਘ ਕੰਬੋਜ਼ )
ਸੈਣੀ ਚੈਰੀਟੇਬਲ ਐਜੂਕੇਸ਼ਨ ਟਰੱਸਟ (ਰਜਿ.) ਸੈਣੀ ਭਵਨ ਵਲੋਂ ਵੱਲੋ ਸਾਲ 2025-26 ਲਈ ਐਲ. ਆਰ. ਮੁੰਡਰਾ ਮੈਮੋਰਿਅਲ ਸ਼ਕਾਲਰਸਿੱਪ ਆਈ. ਆਈ. ਐਮ. ਰਾਏਪੁਰ (ਛਤੀਸਗੜ੍ਹ) ਵਿਖੇ ਐਮ.ਬੀ.ਏ. ਦੀ ਪੜਾਈ ਕਰ ਰਹੇ ਵਿਦਆਰਥੀ ਤ੍ਰਿਪਤਪਾਲ ਸਿੰਘ ਨੂੰ ਦਿੱਤਾ ਗਿਆ। ਇਸ ਵਿਦਆਰਥੀ ਨੂੰ ਪਹਿਲੇ ਸਾਲ ਲਈ 3 ਲੱਖ ਰੁਪਏ ਦਾ ਚੈਕ ਬਜ਼ੁਰਗਾ ਦੇ ‘ਆਪਣਾ ਘਰ’ ਹਵੇਲੀ ਕਲਾਂ ਵਿਖੇ ਸੈਣੀ ਭਵਨ ਦੀ ਪਰਬੰਕ ਕਮੇਟੀ ਦੀ ਹਾਜ਼ਰੀ ਵਿੱਚ ਭੇਟ ਕੀਤਾ ਗਿਆ।
ਇਸ ਮੌਕੇ ਵਿਦਆਰਥੀ ਦੇ ਪਿਤਾ ਨਰਿੰਦਰ ਸਿੰਘ ਸੈਣੀ, ਮਾਤਾ ਡਿੰਪਲ ਸੈਣੀ, ਤਾਇਆ ਤੇਜਿੰਦਰ ਸਿੰਘ, ਸਥਾਨਿਕ ਰਿਸਤੇਦਾਰ ਠੇਕੇਦਾਰ ਰੋਸ਼ਨ ਸਿੰਘ, ਗੁਰਦੇਵ ਸਿੰਘ ਵੀ ਹਾਜ਼ਰ ਸਨ।
ਇਸ ਮੌਕੇ ਟਰੱਸਟ ਦੇ ਪ੍ਰਧਾਨ ਰਾਜਿੰਦਰ ਸੈਣੀ ਇਸ ਵਜ਼ੀਫੇ ਸਬੰਧੀ ਡੋਨਰ ਸਵਰਗੀ ਐਲ. ਆਰ. ਮੁੰਡਰਾ ਵਲੋਂ ਤਹਿ ਸ਼ਰਤਾ ਬਾਰੇ ਵਿਸ਼ਥਾਰ ਨਾਲ ਜਾਣਕਾਰੀ ਸਾਂਝੀ ਕੀਤੀ ਅਤੇ ਦੱਸਿਆ ਕਿ ਇਹ ਵਜ਼ੀਫਾ ਕੇਵਲ ਸੈਣੀ ਬਰਾਦਰੀ ਦਾ ਉਹ ਵਿਦਆਰਥੀ ਪ੍ਰਾਪਤ ਕਰ ਸਕਦਾ ਹੈ ਜੋ ਦੇਸ਼ ਦੇ ਕਿਸੇ ਸਰਵੋਤਮ ਸਿੱਖਿਆ ਅਦਾਰੇ ਵਿੱਚ ਪੜਾਈ ਜਾਂ ਖੋਜ ਕਰ ਰਿਹਾ ਹੁੰਦਾ ਹੈ। ਟਰੱਸਟ ਦੇ ਚੇਅਰਮੈਨ ਬਲਬੀਰ ਸਿੰਘ ਸੈਣੀ ਨੇ ਵਿਦਆਰਥੀ ਨੂੰ ਇਹ ਵਜ਼ੀਫਾ ਲੈਣ ਦੇ ਯੋਗ ਪਾਏ ਜਾਣ ਤੇ ਵਧਾਈ ਦਿੱਤੀ ਅਤੇ ਕਿਹਾ ਕਿ ਜਿਸ ਤਰਾਂ ਇਸ ਵਿਦਆਰਥੀ ਨੇ ਮੇਹਨਤ ਕਰਕੇ ਡੋਨਰ ਦੀ ਇੱਛਾ ਅਨੁਸਾਰ ਵਧਿਆ ਅਦਾਰੇ ਵਿੱਚ ਦਾਖਲਾ ਪਾਇਆ ਹੈ ਤੇ ਹੁਣ ਇਹ ਵਿਦਆਰਥੀ ਅਪਣੀ ਪੜਾਈ ਵਿਚ ਚੰਗੇ ਨਤੀਜੇ ਪ੍ਰਾਪਤ ਕਰਕੇ ਅਗਲੇ ਸਾਲ ਵੀ ਇਸ ਵਜ਼ੀਫੇ ਦੇ ਯੋਗ ਪਾ ਸਕਦਾ ਹੈ।
ਇਸ ਸਮੇਂ ਬੋਲਦਿਆ ਟਰੱਸਟੀ ਐਡਵੋਕੇਟ ਰਾਵਿੰਦਰ ਸਿੰਘ ਮੁੰਡਰਾ ਨੇ ਵਿਦਆਰਥੀ ਵਲੋਂ ਵਿੱਦਿਆ ਦੇ ਖੇਤਰ ਅਰੰਭ ਤੋਂ ਹੀ ਚੰਗੇ ਨਤੀਜੇ ਹਾਸਲ ਕਰਨ ਦੀ ਵਧਾਈ ਦਿੱਤੀ ਅਤੇ ਦੱਸਿਆ ਇਸ ਵਿਦਆਰਥੀ ਦੀ ਚੋਣ ਵਿਸ਼ੇਸ਼ ਤੌਰ ਤੇ ਗਠਤ 5 ਮੈਂਬਰੀ ਕਮੇਟੀ ਵਲੋਂ 9 ਵਿਦਆਰਥੀਆ ਵਿਚੋਂ ਨਿਰੋਲ ਮੈਰਿਟ ਦੇ ਆਧਾਰ ਤੇ ਕੀਤੀ ਗਈ ਹੈ, ਕਮੇਟੀ ਵਿੱਚ ਦੋ ਮੈਂਬਰ ਵਿੱਦਿਅਕ ਮਾਹਰ ਸੈਣੀ ਭਵਨ ਤੋਂ ਬਾਹਰੋ ਉਚ ਸੰਸਥਾਵਾ ਤੋਂ ਸ਼ਾਮਲ ਹੁੰਦੇ ਹਨ।
ਇਸ ਮੌਕੇ ਤੇ ਸੈਣੀ ਭਵਨ ਦੀ ਪ੍ਰਬੰਧਕੀ ਕਮੇਟੀ ਦੇ ਐਕਟਿੰਗ ਪ੍ਰਧਾਨ ਰਾਜਿੰਦਰ ਸਿੰਘ ਨਨੂਆ, ਮੀਤ ਪ੍ਰਧਾਨ ਗੁਰਮੁੱਖ ਸਿੰਘ ਸੈਣੀ, ਰਾਮ ਸਿੰਘ ਸੈਣੀ, ਦੇਵਿੰਦਰ ਸਿੰਘ ਜਟਾਣਾ, ਅਮਰਜੀਤ ਸਿੰਘ, ਬਹਾਦਰਜੀਤ ਸਿੰਘ, ਰਾਜਿੰਦਰ ਸਿੰਘ ਗਿਰਨ,ਜਗਦੇਵ ਸਿੰਘ, ਦਲਜੀਤ ਸਿੰਘ, ਸੁਰਿੰਦਰ ਸਿੰਘ, ਭੁਪਿੰਦਰ ਸਿੰਘ ਆਦਿ ਨੇ ਵੀ ਵਿਦਆਰਥੀ ਨੂੰ ਵਜ਼ੀਫਾ ਪਾਉਣ ਦੇ ਯੋਗ ਹੋਣ ਤੇ ਵਧਾਈ ਦਿੱਤੀ ਅਤੇ ਵਿਦਆਰਥੀ ਨੂੰ ਡੋਨਰ ਦੀ ਇੱਛਾਵਾ ਤੇ ਪੂਰਾ ਉਤਰਨ ਤੇ ਸ਼ੁਭਕਾਮਨਾਵਾ ਦਿੱਤੀਆ। ਵਿਦਆਰਥੀ ਅਤੇ ਉਸ ਦੇ ਪਰਿਵਾਰਿਕ ਮੈਂਬਰਾ ਵਲੋਂ ਟਰੱਸਟ ਦਾ ਵਜ਼ੀਫਾ ਦੇਣ ਲਈ ਧੰਨਵਾਦ ਕੀਤਾ ਗਿਆ ਅਤੇ ਡੋਨਰ ਅਤੇ ਟਰੱਸਟ ਦੀਆ ਇੰਛਾਵਾ ਤੇ ਪੂਰਾ ਉਤਰਨ ਦਾ ਭਰੋਸਾ ਦਿੱਤਾ।
