ਰੂਪਨਗਰ ( ਅਵਤਾਰ ਸਿੰਘ )
ਛੱਤੀਸਗੜ੍ਹ ਵਿਖੇ ਨੈਸ਼ਨਲ ਗਤਕਾ ਐਸੋਸੀਏਸ਼ਨ ਆਫ ਇੰਡੀਆ ਵੱਲੋਂ ਕਰਵਾਈ ਗਈ ਨੈਸ਼ਨਲ ਗੱਤਕਾ ਚੈਂਪੀਅਨਸ਼ਿਪ ਵਿੱਚ ਅਕਾਲ ਪੁਰਖ ਕੀ ਫੌਜ ਗੱਤਕਾ ਕਲੱਬ ਰੋਪੜ ਦੇ ਖਿਡਾਰੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਤਮਗੇ ਹਾਸਲ ਕੀਤੇ ਹਨ।
ਕਲੱਬ ਦੇ ਮੁਖੀ ਕਮਲਪ੍ਰੀਤ ਸਿੰਘ ਨੇ ਦੱਸਿਆ ਕਿ ਕਲੱਬ ਦੇ ਅਰਮਾਨ ਸਿੰਘ ਅਤੇ ਬਲਜੋਤ ਸਿੰਘ ਨੇ ਅੰਡਰ-14 ਫਰੀ ਸੋਟੀ ਮੁਕਾਬਲੇ ਵਿੱਚ ਬਰੌਂਜ਼ ਤਮਗਾ ਜਿੱਤਿਆ, ਜਦਕਿ ਸਮਰ ਧੀਮਾਨ ਅਤੇ ਗੁਰਬਾਜ਼ ਸਿੰਘ ਨੇ ਅੰਡਰ-14 ਸਿੰਗਲ ਸੋਟੀ ਇਵੈਂਟ ਵਿੱਚ ਸਿਲਵਰ ਤਮਗਾ ਪ੍ਰਾਪਤ ਕੀਤਾ। ਇਸਦੇ ਨਾਲ ਹੀ ਜਸਪਾਲ ਸਿੰਘ ਨੇ ਅੰਡਰ-25 ਫਰੀ ਸੋਟੀ ਕੈਟੇਗਰੀ ਵਿੱਚ ਸਿਲਵਰ ਤਮਗਾ ਹਾਸਲ ਕਰਕੇ ਖੇਤਰ ਦਾ ਨਾਮ ਰੌਸ਼ਨ ਕੀਤਾ।
ਕਮਲਪ੍ਰੀਤ ਸਿੰਘ ਨੇ ਸਾਰੇ ਖਿਡਾਰੀਆਂ ਨੂੰ ਉਨ੍ਹਾਂ ਦੀ ਪ੍ਰਾਪਤੀ ‘ਤੇ ਵਧਾਈ ਦਿੱਤੀ ਅਤੇ ਕਿਹਾ ਕਿ ਇਹ ਸਫਲਤਾ ਹੋਰ ਖਿਡਾਰੀਆਂ ਲਈ ਪ੍ਰੇਰਣਾ ਦਾ ਸਰੋਤ ਹੈ ਅਤੇ ਉਮੀਦ ਕਰਦੇ ਹਾਂ ਭਵਿਖ ਵਿਚ ਵੀ ਇਹ ਬੱਚੇ ਹੋਰ ਵੱਡੀਆਂ ਮੱਲਾਂ ਮਾਰਨਗੇ ।
ਇਸ ਮੌਕੇ ਤੇ ਅਕਾਲ ਪੁਰਖ ਦੀ ਫੌਜ ਗੱਤਕਾ ਦੇ ਸੇਵਾਦਾਰ ਕਮਲਪ੍ਰੀਤ ਸਿੰਘ, ਜਸਪਾਲ ਸਿੰਘ, ਪਰਮਿੰਦਰ ਕੌਰ, ਸੰਦੀਪ ਕੌਰ, ਅਵਿਨਾਸ਼ ਕੌਰ, ਗੁਰਪ੍ਰੀਤ ਕੌਰ, ਰੁਲਦਾ ਸਿੰਘ ਜੀ ਅਤੇ ਬ੍ਰਹਮਜੋਤ ਸਿੰਘ ਅਤੇ ਹੋਰ ਪਤਵੰਤੇ ਸੱਜਣ ਹਾਜਰ ਸਨ।
