Avtar Singh Kamboj
ਸਿੱਖ ਰਾਜ ਦੀ ਬਚੀ ਨਿਸ਼ਾਨੀ ਦੀ ਸੇਵਾ ਸੰਭਾਲ ਲਈ 13 ਮੈਬਰਾਂ ਦੀ ਕਮੇਟੀ (ਚੌਕੀ ਸਰਕਾਰ ਏ ਖਾਲਸਾ ਵੈਲਫੇਅਰ ਸੁਸਾਇਟੀ) ਦਾ ਗਠਨ ਕੀਤਾ ਗਿਆ। ਉਕਤ ਸੰਸਥਾ ਦੇ ਪਹੁੰਚੇ ਮੈਬਰ ਗੁਰਵਿੰਦਰ ਸਿੰਘ ਕੋਟਲਾ, ਸੁਖਵਿੰਦਰ ਸਿੰਘ ਮੀਆਂਪੁਰ, ਜਸਵੀਰ ਸਿੰਘ ਪੜ੍ਹੀ, ਤੀਰਥ ਸਿੰਘ ਅਨੰਦਪੁਰ ਸਾਹਿਬ, ਅਮਰਜੀਤ ਸਿੰਘ ਕਮਾਲਪੁਰ, ਜਸਵਿੰਦਰ ਸਿੰਘ ਆਸਰੋ ਵੱਲੋ ਸਰਬਸੰਮਤੀ ਦੇ ਨਾਲ ਕੁਲਦੀਪ ਸਿੰਘ ਪਟਿਆਲਾ ਨੂੰ ਸਰਪ੍ਰਸਤ, ਰਣਜੀਤ ਸਿੰਘ ਪਤਿਆਲਾਂ ਨੂੰ ਮੁੱਖ ਸੇਵਾਦਾਰ, ਜਸਵਿੰਦਰ ਕੌਰ ਮੀਤ ਪ੍ਰਧਾਨ, ਕੁਲਵੰਤ ਸਿੰਘ ਸਰਾੜੀ ਨੂੰ ਸਕੱਤਰ, ਜਰਨੈਲ ਸਿੰਘ ਮੰਗਰੋੜ ਜੁਆਇੰਟ ਸਕੱਤਰ, ਸ: ਅਜਮੇਰ ਸਿੰਘ ਲੋਦੀ ਮਾਜਰਾ ਨੂੰ ਖਜਾਨਚੀ ਅਤੇ ਅਤਿੰਦਰਪਾਲ ਸਿੰਘ ਰੋਪੜ ਨੂੰ ਜੁਆਇੰਟ ਵਿੱਤ ਸਕੱਤਰ ਦੀ ਸੇਵਾ ਸੰਭਾਲੀ ਗਈ।
ਸਮੂਹ ਕਮੇਟੀ ਮੈਬਰਾਂ ਨੇ ਸਾਂਝੇ ਤੌਰ ਉਤੇ ਦੱਸਿਆ ਕਿ 1801 ਤੋ ਲੈ ਕੇ 1849 ਤੱਕ ਪੰਜਾਬ ਇੱਕ ਮੁਕੰਮਲ ਦੇਸ਼ ਸੀ, ਜਿਸ ਦੇ ਮੁੱਖੀ ਮਾਹਰਾਜਾ ਰਣਜੀਤ ਸਿੰਘ ਸਨ। ਇਸ 48 ਸਾਲਾਂ ਦੇ ਕਾਲ ਨੂੰ ਇਤਿਹਾਸ ਦੇ ਵਿੱਚ ਸਿੱਖ ਰਾਜ (ਖਾਲਸਾ ਰਾਜ) ਵੱਲੋ ਜਾਣਿਆ ਜਾਂਦਾ ਹੈ। ਰੂਪਨਗਰ ਦੇ ਸਤਲੁਜ ਦਰਿਆ ਦੇ ਚੜਦੇ ਵਾਲੇ ਪਾਸੇ ਹਿੰਦੋਸਤਾਨ (ਭਾਰਤ) ਦੀ ਹੱਦ ਸੁਰੂ ਹੁੰਦੀ ਸੀ, ਜਦ ਕਿ ਸਤਲੁਜ ਦੇ ਲਹਿੰਦੇ ਵਾਲੇ ਪਾਸੇ ਤੋ ਪੰਜਾਬ ਦੇਸ਼ ਦੀ ਹੱਦ ਸੁਰੂ ਹੁੰਦੀ ਸੀ। ਇਥੇ ਪਹਾੜੀ ਉਤੇ ਸਿੱਖ ਰਾਜ ਦਾ ਬਾਰਡਰ ਹੋਣ ਕਰਕੇ ਫੌਜੀ ਕੈਪ ਹੁੰਦਾ ਸੀ, ਜਿਥੇ ਹੱਦ ਉਤੇ ਇੱਕ ਝੰਡਾ ਲੱਗਿਆ ਹੋਇਆ ਹੈ (ਜੋ ਕਿ ਅੱਜ ਵੀ ਮੌਜਦ ਹੈ) ਦੇ ਉਪਰ ਸਰਕਾਰ ਦੇ ਖਾਲਸਾ ਪੰਜਾਬੀ ਅਤੇ ਉਰਦੂ ਭਾਸ਼ਾ ਦੇ ਵਿੱਚ ਲਿਖਿਆ ਹੋਇਆ ਅੱਜ ਵੀ ਝੂਲ ਰਿਹਾ ਹੈ।
ਅੰਗਰੇਜਾਂ ਵੱਲੋ ਪੰਜਾਬ ਉਤੇ ਕਬਜ਼ਾ ਕਰਨ ਤੋ ਬਾਅਦ ਇਸ ਸਿੱਖ ਰਾਜ ਦੇ ਫੌਜੀ ਕੈਂਪ ਨੂੰ ਤਬਾਹ ਕਰ ਦਿੱਤਾ ਗਿਆ । ਜੋ ਲੰਮਾ ਸਮਾਂ ਬੇਅਬਾਦ ਰਿਹਾ। ਸੰਨ 2023 ਵਿੱਚ ਨਾਨਕ ਨਾਮ ਲੇਵਾ ਸੰਗਤਾਂ ਵੱਲੋ ਝੰਡੇ ਤੱਕ ਜਾਣ ਦਾ ਸੁਤੰਤਰ ਰਸਤਾ ਅਤੇ ਇਸ ਅਸਥਾਨ ਦੇ ਨਾਮ ਬੋਲਦੀ ਜਮੀਨ ਜੋ ਕਿ (ਮਹਾਰਾਜਾ ਰਣਜੀਤ ਸਿੰਘ ਹੈਰੀਟੇਜ ਹਿੱਲ ਪਾਰਕ ਆਸਰੋ) ਦੀ ਨਿਸ਼ਾਨਦੇਹੀ ਸਬੰਧੀ ਮੋਰਚਾ ਲਗਾਇਆ ਮੋਰਚਾ ਸਫਲ ਹੋਣ ਉਪਰੰਤ ਸਵਰਾਜ ਮਾਜੂਦਾ ਫੈਕਟਰੀ ਵੱਲੋ 1,75,00,000/- ਰੁਪਏ ਦੀ ਰਕਮ ਖਰਚ ਕੇ ਝੰਡੇ ਤੱਕ ਪਹੁੰਚਣ ਵਾਲੀਆਂ ਪੋੜੀਆਂ ਅਤੇ ਖੁਰ ਰਹੀ ਪਹਾੜੀ ਦੀ ਸੰਭਾਲ ਸਬੰਧੀ ਲੋੜੀਦੇ ਕੰਮ ਕੀਤੇ। ਹਲਕਾ ਵਿਧਾਇਕ ਦਿਨੇਸ਼ ਚੱਡਾ ਵੱਲੋ ਮੇਨ ਸੜਕ ਦੇ ਉਪਰ ਇਸ ਸਬੰਧੀ 1,00,000/- ਆਪਣੇ ਨਿੱਜੀ ਪੱਧਰ ਤੇ ਲਗਾ ਕੇ ਦਰਸ਼ਨੀ ਡਿਊਡੀ ਬਣਾਈ ਗਈ। ਵਰਿੰਦਰ ਸਿੰਘ ਢਿੱਲੋ ਵੱਲੋ ਰੂਪਨਗਰ ਦੇ ਕੌਸਲਰ ਸਰਬਜੀਤ ਸਿੰਘ ਸੈਣੀ ਦੀ ਪ੍ਰੇਰਨਾ ਸਦਕਾ 2,51,000/- ਰੁਪਏ ਖਰਚ ਕੇ ਪੱਕੀ ਪਾਰਕਿੰਗ ਬਣਾ ਦਿੱਤੀ ਗਈ। ਕਮੇਟੀ ਮੈਬਰਾਂ ਵੱਲੋ ਬੇਨਤੀ ਹੈ ਕਿ ਜੇ ਕੋਈ ਸੱਜਣ ਉਥੇ ਸੇਵਾ ਕਰਨੀ ਚਾਹੇ ਤਾਂ ਕਮੇਟੀ ਮੈਬਰਾਂ ਦੇ ਨਾਲ ਸੰਪਰਕ ਕਰ ਸਕਦਾ ਹੈ।
