ਸਿਮਰ ਕੌਰ ਦੀ ਕਿਤਾਬ “ਤਸਵੀਰ’ ਰਿਲੀਜ਼ ਕੀਤੀ ਗਈ

ਇੱਕ ਪ੍ਰੈਗਨੈਂਟ ਲੇਡੀ ਦੀ ਅੰਦਰੂਨੀ ਜਰਨੀ ਅਤੇ ਸਮਾਜਿਕ ਰੁਝਾਨਾਂ ਨੂੰ ਦਰਸਾਉਂਦੀ ਹੈ ਕਿਤਾਬ

ਰੂਪਨਗਰ, 24 ਸਤੰਬਰ ( ਅਵਤਾਰ ਸਿੰਘ ਕੰਬੋਜ਼ )

ਸਿਮਰ ਕੌਰ ਦੀ ਕਿਤਾਬ ‘ਤਸਵੀਰ’ ਪ੍ਰਸਿੱਧ ਲੇਖਕਾਂ, ਅਧਿਆਪਕਾਂ ਸਮਾਜ ਸੇਵੀਆਂ ਅਤੇ ਪਰਿਵਾਰਿਕ ਮੈਂਬਰਾਂ ਦੀ ਹਾਜ਼ਰੀ ਦੇ ਵਿੱਚ ਐਚ ਐਮ ਟੀ ਰਿਜੋਰਟ ਰੂਪਨਗਰ ਵਿਖੇ ਰਿਲੀਜ਼ ਕੀਤੀ ਗਈ। ਸਿਮਰ ਕੌਰ ਦੀ ਇਹ ਕਿਤਾਬ ਉਹਨਾਂ ਦੀ ਪਹਿਲੀ ਕਿਤਾਬ ਹੈ ਜੋ ਇੱਕ ਪ੍ਰੈਗਨੈਂਟ ਲੇਡੀ ਦੀ ਅੰਦਰੂਨੀ ਜਰਨੀ ਅਤੇ ਸਮਾਜਿਕ ਰੁਝਾਨਾਂ ਨੂੰ ਦਰਸਾਉਂਦੀ ਹੈ। ਕਿਤਾਬ ਦਾ ਨਾਮ ਹੀ ਡਬਲ ਮੀਨਿੰਗ ਰੱਖਦਾ ਹੈ । ਕਿਤਾਬ ਵਿਚਲਾ ਕਿਰਦਾਰ ਸਿਮਰ ਦੀ ਆਪਣੀ ਤਸਵੀਰ ਵੀ ਹੈ, ਜਦੋਂ ਕਿ ਇਸ ਤੋਂ ਇਲਾਵਾ ਇਹ ਸਮਾਜ ਦੀ ਤਸਵੀਰ ਵੀ ਦਰਸਾਉਂਦੀ ਹੈ।

ਇਸ ਮੌਕੇ ਸਿਮਰ ਕੌਰ ਨੇ ਕਿਹਾ ਕਿ ਉਨ੍ਹਾਂ ਲਿਖਣ ਦੀ ਸ਼ੁਰੂਆਤ 2015 ਵਿੱਚ ਕੀਤੀ ਸੀ। ਪਹਿਲਾਂ ਥੋੜ੍ਹੀ ਹੌਲੀ ਲਿਖਾਈ ਕੀਤੀ ਅਤੇ ਇੰਗਲਿਸ਼ ਟਰਬਿਊਨਲ ਲੈਟਰ ਛਪਵਾਉਂਦੇ ਸਮੇਂ ਬਹੁਤ ਮੁਸ਼ਕਿਲਾਂ ਆਈਆਂ। ਪਰ ਪਰਿਵਾਰ ਅਤੇ ਖਾਸ ਕਰਕੇ ਆਪਣੇ ਪਤੀ ਦੇ ਸਪੋਰਟ ਨਾਲ ਉਹ ਅੱਜ ਆਪਣੀ ਪਹਿਲੀ ਕਿਤਾਬ ਨਾਲ ਸਾਹਮਣੇ ਆਈ ਹੈ।ਕਿਤਾਬ ਵਿੱਚ ਇੱਕ ਪ੍ਰੈਗਨੈਂਟ ਲੇਡੀ ਦੀ ਜਰਨੀ, ਉਸਦੇ ਅੰਦਰੂਨੀ ਭਾਵਨਾਵਾਂ, ਸਮਾਜ ਦੇ ਰੁਝਾਨ, ਕਮੈਂਟਸ ਅਤੇ ਪਰਿਵਾਰਕ ਸਪੋਰਟ ਨੂੰ ਦਰਸਾਇਆ ਗਿਆ ਹੈ।

ਲੇਖਿਕਾ ਦੱਸਦੀ ਹੈ ਕਿ ਲੋਕਾਂ ਦੇ ਅਣਜਾਣੇ ਕਮੈਂਟਸ ਕਈ ਵਾਰੀ ਉਸਨੂੰ ਪਰੇਸ਼ਾਨ ਕਰਦੇ ਹਨ ਪਰ ਹੌਲੀ-ਹੌਲੀ ਜਦੋਂ ਉਹ ਬੱਚੇ ਨਾਲ ਸੰਬੰਧ ਬਣਾ ਲੈਂਦੀ ਹੈ, ਤਦ ਉਸਦਾ ਮਨ ਪੂਰੀ ਤਰ੍ਹਾਂ ਤਬਦੀਲ ਹੋ ਜਾਂਦਾ ਹੈ। ਕਿਤਾਬ ਦਾ ਸੁਨੇਹਾ ਹੈ ਕਿ ਹਰ ਔਰਤ ਨੂੰ ਆਪਣੀ ਕਦਰ ਜਾਣਣੀ ਚਾਹੀਦੀ ਹੈ ਅਤੇ ਪਰਿਵਾਰਕ ਸਪੋਰਟ ਜ਼ਿੰਦਗੀ ਵਿੱਚ ਵੱਡੀ ਤਾਕਤ ਹੈ।

ਸਿਮਰ ਕੌਰ ਨੇ ਦੱਸਿਆ ਕਿ ਕਿਤਾਬ ਲਿਖਣ ਲਈ ਉਨ੍ਹਾਂ ਨੇ ਡੇਢ ਸਾਲ ਦਾ ਸਮਾਂ ਦਿੱਤਾ। ਦੋ ਛੋਟੇ ਬੱਚਿਆਂ ਦੇ ਹੋਣ ਦੇ ਬਾਵਜੂਦ ਰਾਤਾਂ ਨੂੰ 10 ਤੋਂ 1 ਵਜੇ ਤੱਕ ਸਮਾਂ ਕੱਢਿਆ। ਇਹ ਕਿਤਾਬ ਸਿਰਫ਼ ਇਕ ਪ੍ਰੇਰਣਾਦਾਇਕ ਕਹਾਣੀ ਹੀ ਨਹੀਂ, ਸਗੋਂ ਪੰਜਾਬੀ ਸਮਾਜ ਵਿੱਚ ਮਹਿਲਾ ਅਧਿਕਾਰਾਂ ਅਤੇ ਅੰਦਰੂਨੀ ਸੰਘਰਸ਼ਾਂ ਦੀ ਪੇਸ਼ਕਸ਼ ਹੈ। ਉਨ੍ਹਾਂ ਕਿਹਾ ਕਿ “ਤਸਵੀਰ” ਹੁਣ ਪੰਜਾਬ ਭਰ ਦੀਆਂ ਕਿਤਾਬਾਂ ਦੀ ਦੁਕਾਨਾਂ ਵਿੱਚ ਉਪਲਬਧ ਹੈ ਅਤੇ ਉਨ੍ਹਾਂ ਉਮੀਦ ਜਾਹਿਰ ਕੀਤੀ ਕਿ ਇਹ ਪੁਸਤਕ ਪੰਜਾਬੀ ਪਾਠਕਾਂ ਲਈ ਇੱਕ ਪ੍ਰੇਰਣਾਦਾਇਕ ਪਾਠ ਹੈ।

ਇਸ ਮੌਕੇ ਲੇਖਕ ਤਜਿੰਦਰ ਸਿੰਘ ਬਾਜ, ਅੰਗਰੇਜ਼ੀ ਦੇ ਪ੍ਰਸਿੱਧ ਨਾਵਲਕਾਰ ਸ੍ਰੀ ਅਸ਼ੋਕ ਸ਼ਰਮਾ, ਲੇਖਕ ਅਤੇ ਲੈਕਚਰਾਰ ਰਬਿੰਦਰ ਸਿੰਘ ਰੱਬੀ, ਡਾਕਟਰ ਜਤਿੰਦਰ ਸਿੰਘ ਪੰਜਾਬੀ ਲੈਕਚਰਾਰ ਸਰਕਾਰੀ ਕਾਲਜ ਰੂਪਨਗਰ, ਲੇਖਕ ਅਤੇ ਅਧਿਆਪਕਾਂ ਮਨਦੀਪ ਰਿੰਪੀ, ਸ਼੍ਰੀ ਫਤਿਹਗੜ੍ਹ ਸਾਹਿਬ ਤੋਂ ਕਵੀ ਅਤੇ ਰਿਸਰਚ ਸਕਾਲਰ ਕਿਰਨਦੀਪ ਸਿੰਘ ਮੁੱਖ ਰੂਪ ਵਿੱਚ ਸ਼ਾਮਿਲ ਹੋਏ।

Rupnagar , Sept 24 ( Avtar Singh Kamboj )

Simar Kaur’s book ‘Tasveer’ was released at HMT Resort Rupnagar in the presence of renowned writers, teachers, social workers and family members.

This book by Simar Kaur is her first book which depicts the inner journey and social trends of a pregnant lady. The name of the book itself has a double meaning. The character in the book is also a picture of Simar herself, while apart from this it also depicts a picture of the society.