ਰੂਪਨਗਰ, 17 ਸਤੰਬਰ ( ਅਵਤਾਰ ਸਿੰਘ ਕੰਬੋਜ਼ )
ਜਿਲਾ ਰੋਪੜ ਦੀਆਂ ਸਾਂਝਾ ਫਰੰਟ ਪੰਜਾਬ ਦੀਆਂ ਵੱਖ ਵੱਖ ਅਦਾਰਿਆਂ ਦੀਆਂ ਯੂਨੀਅਨਾਂ ਦੇ ਆਗੂਆਂ ਨੇ ਹੜ੍ਹ ਪ੍ਰਭਾਵਿਤ ਏਰੀਏ ਦੇ ਲੋਕਾਂ ਦੀਆਂ ਮੁਸ਼ਕਲਾਂ ਦਾ ਹੱਲ ਕਰਨ ਲਈ ਮੁੱਖ ਮੰਤਰੀ ਪੰਜਾਬ ਨੂੰ ਵਧੀਕ ਡਿਪਟੀ ਕਮਿਸ਼ਨਰ ਰੂਪਨਗਰ ਰਾਂਹੀ ਮੰਗ ਪੱਤਰ ਸੌਂਪਿਆ। ਆਗੂਆਂ ਵਲੋਂ ਵਧੀਕ ਡਿਪਟੀ ਕਮਿਸ਼ਨਰ ਰੂਪਨਗਰ ਪੂਜਾ ਸਿਆਲ ਨੂੰ ਮੰਗ ਪੱਤਰ ਸੌਂਪਦਿਆਂ ਮੰਗ ਕੀਤੀ ਗਈ ਕਿ ਪੰਜਾਬ ਦੇ 20 ਜਿਲਿਆਂ ਦੇ ਲੱਗਭਗ 2500 ਪਿੰਡਾਂ ਦੇ ਕਿਸਾਨਾਂ/ਨਾਗਰਿਕਾਂ ਦੇ ਭਾਰੀ ਜਾਨੀ, ਮਾਲੀ ਅਤੇ ਕਿਸਾਨੀ ਦੇ ਹੋਏ ਵੱਡੇ ਪੱਧਰ ਦੇ ਨੁਕਸਾਨ ਦੀ ਸਰਕਾਰ ਭਰਪਾਈ ਕਰੇ। ਹੜਾਂ ਨਾਲ ਹੋਏ ਜਾਨੀ ਨੁਕਸਾਨ ਦਾ 20 ਲੱਖ ਰੁਪਏ ਮੁਆਵਜ਼ਾ ਦਿਤਾ ਜਾਵੇ।ਕਿਸਾਨਾਂ ਦੀਆਂ ਖਰਾਬ ਹੋਈਆਂ ਫਸਲਾਂ ਦਾ 50000/-ਰੁਪਏ ਪ੍ਰਤੀ ਏਕੜ, ਖੇਤਾਂ ਵਿੱਚੋਂ ਗਾਰ/ਰੇਤ ਕੱਢਣ ਲਈ 10000/-ਪ੍ਰਤੀ ਏਕੜ, ਬੇ ਜ਼ਮੀਨੇ ਲੋਕਾਂ ਨੂੰ 50000/_ਰੁਪਏ ਪ੍ਰਤੀ ਪਰਿਵਾਰ ਮੁਆਵਜ਼ਾ ਦਿਤਾ ਜਾਵੇ। ਹੜ੍ਹਾਂ ਵਿੱਚ ਰੁੜ ਗਈਆਂ ,ਮਰ ਗਈਆਂ ਮੱਝਾਂ ਗਊਆਂ ਦਾ ਪ੍ਰਤੀ ਪਸ਼ੂ 100000/-ਰੁਪਏ, ਬਾਕੀ ਪਸ਼ੂਆਂ ਦਾ 20000/- ਪ੍ਰਤੀ ਪਸ਼ੂ ਮੁਆਵਜਾ ਦਿਤਾ ਜਾਵੇ।ਹੜ੍ਹ ਨਾਲ ਢਹੇ ਘਰਾਂ ਦਾ 500000/-ਰੁਪਏ ਮੁਆਵਜਾ ਦਿਤਾ ਜਾਵੇ ਤੇ ਬਾਕੀ ਹੜ੍ਹ ਪ੍ਰਭਾਵਿਤ ਲੋਕਾਂ ਨੂੰ ਵੀ ਮਾਲੀ ਰਾਹਤ ਦਿਤੀ ਜਾਵੇ। ਹੜਾਂ ਨਾਲ ਖਰਾਬ ਹੋਈਆਂ ਸਕੂਲਾਂ ਦੀਆਂ ਬਿਲਡਿੰਗਾਂ, ਹਸਪਤਾਲਾਂ ਦੀਆਂ ਬਿਲਡਿੰਗਾਂ ਦੀ ਰਿਪੇਅਰ ਅਤੇ ਰੰਗ ਰੋਗਨ ਲਈ ਸਪੈਸ਼ਲ ਗ੍ਰਾਂਟਾਂ ਦਿਤੀਆਂ ਜਾਣ। ਪੰਜਾਬ ਦੀਆਂ ਕਲਾਸ-4 ਦੀਆਂ ਖਤਮ ਕੀਤੀਆਂ 8635 ਪੋਸਟਾਂ ਬਹਾਲ ਕੀਤੀਆਂ ਜਾਣ।
ਇਸ ਮੌਕੇ ਸੁਖਦੇਵ ਸਿੰਘ ਸੁਰਤਾਪੁਰੀ ਜਿਲਾ ਪ੍ਰਧਾਨ, ਰਾਧੇ ਸਿਆਮ ਪ੍ਰਧਾਨ ਪੈਨਸ਼ਨਰ ਯੂਨੀਅਨ ਪਾਵਰਕੌਮ ਐਂਡ ਟਰਾਂਸਕੋ ਏਟਕ ਪੰਜਾਬ, ਗੁਰਵਿੰਦਰ ਸਿੰਘ ਹਜਾਰਾ ਵਰਕਿੰਗ ਪ੍ਰੈਜ਼ੀਡੈਂਟ ਫੈਡਰੇਸ਼ਨ ਏਟਕ ਪੰਜਾਬ, ਨਰਿੰਦਰ ਸਿੰਘ ਸੈਣੀ ਜਨਰਲ ਸਕੱਤਰ ਜਿਲਾ ਰੂਪਨਗਰ, ਕੁਲਦੀਪ ਸਿੰਘ ਜਨਰਲ ਸਕੱਤਰ ਜਿਲਾ ਏਟਕ ਰੂਪਨਗਰ ,ਤਰਲੋਚਨ ਸਿੰਘ, ਹਰਬੰਸ ਸਿੰਘ ਰੋਡਵੇਜ, ਜਸਵਿੰਦਰ ਪਾਲ ਕਾਂਗੜ ਗੌਰ.ਪੈਨਸ਼ਨ ਯੂਨੀਅਨ,ਮਦਨ ਗੋਪਾਲ ਰਣਜੀਤ ਸਿੰਘ ਗਿੱਲ ,ਮਲ ਸਿੰਘ ਪੈਨਸ਼ਨਰ ਯੂਨੀਅਨ ਏਟਕ, ਹਰਜਿੰਦਰ ਸਿੰਘ ਸਰਕਲ ਪ੍ਰਧਾਨ ਫੈਡਰੇਸ਼ਨ ਏਟਕ ਰੋਪੜ, ਰਜਿੰਦਰ ਸਿੰਘ ਡਵੀਜ਼ਨ ਪ੍ਰਧਾਨ ਰੋਪੜ,ਰਾਜ ਕੁਮਾਰ ਤਿਵਾੜੀ ਪ੍ਰਧਾਨ ਕੰਟਰੈਕਟ ਵਰਕਰ ਯੂਨੀਅਨ ਰੋਪੜ ਥਰਮਲ ਪਲਾਂਟ, ਤਿਲਕ ਰਾਜ ਸਰਕਲ ਪ੍ਰਧਾਨ ਪੈਨਸ਼ਨਰ ਯੂਨੀਅਨ ਰੋਪੜ, ਆਦਿ ਆਗੂ ਸ਼ਾਮਿਲ ਸਨ।
