ਰੂਪਨਗਰ, 8 ਸਤੰਬਰ ( ਅਵਤਾਰ ਸਿੰਘ ਕੰਬੋਜ਼ )
ਸ਼੍ਰੋਮਣੀ ਅਕਾਲੀ ਦਲ ਦੇ ਸੀਨੀਅਰ ਆਗੂ ਅਤੇ ਨਗਰ ਕੌਂਸਲ ਦੇ ਸਾਬਕਾ ਪ੍ਰਧਾਨ ਪਰਮਜੀਤ ਸਿੰਘ ਮੱਕੜ ਵੱਲੋਂ ਅੱਜ ਆਪਣੇ ਵਾਰਡ ਨੰਬਰ 5 ਸਥਿਤ ਗਿਲਕੋ ਵੈਲੀ ਪਾਵਰ ਕਲੋਨੀ,ਵਪਾਰ ਮੰਡਲ ਪਾਵਰ ਕਲੋਨੀ ਫੁੱਟਬਾਲ ਕਲੱਬ ਅਤੇ ਰੂਪਨਗਰ ਸ਼ਹਿਰ ਦੇ ਵਾਸੀ ਆਪਣੇ ਸਾਥੀਆਂ ਕੋਲੋਂ ਇਕੱਤਰ ਕੀਤਾ ਹੋਇਆ ਲਗਭਗ 30 ਕੁਇੰਟਲ ਸੁੱਕਾ ਰਾਸ਼ਨ ਹੜ ਪੀੜਤਾਂ ਦੀ ਮਦਦ ਲਈ ਜ਼ਿਲਾ ਗੁਰਦਾਸਪੁਰ ਵਿਖੇ ਭੇਜਿਆ ਗਿਆ।
ਇਸ ਮੌਕੇ ਉਹਨਾਂ ਕਿਹਾ ਕਿ ਪੰਜਾਬ ਬੜੇ ਨਾਜ਼ੁਕ ਦੌਰ ਵਿੱਚੋਂ ਲੰਘ ਰਿਹਾ ਹੈ ਪਰ ਅੱਜ ਸਾਰਾ ਪੰਜਾਬ ਹੀ ਆਪਣੇ ਪੰਜਾਬੀ ਭਰਾਵਾਂ ਨਾਲ ਖੜਾ ਨਜ਼ਰ ਆ ਰਿਹਾ ਹੈ ਉਥੇ ਸਰੋਮਣੀ ਅਕਾਲੀ ਦਲ ਵੀ ਇਸ ਸੰਕਟ ਦੀ ਘੜੀ ਵਿੱਚ ਆਪਣੇ ਪਰਿਵਾਰਾਂ ਉਹਨਾਂ ਕਿਹਾ ਕਿ ਇਹ ਪਹਿਲੀ ਖੇਪ ਭੇਜੀ ਗਈ ਹੈ ਅਤੇ ਅੱਗੋਂ ਵੀ ਜਿਸ ਤਰ੍ਹਾਂ ਦੀ ਜਰੂਰਤ ਹੋਈ ਇਹ ਸੇਵਾ ਜਾਰੀ ਰਹੇਗੀ।
ਇਸ ਮੌਕੇ ਹੋਰਨਾ ਤੋਂ ਇਲਾਵਾ ਸੇਵਾ ਸਿੰਘ ਗਿਲਕੋ ਵੈਲੀ, ਰੂਪ ਸਿੰਘ, ਰਜਨੀਸ਼ ਸ਼ਰਮਾ, ਸ਼ਿਵ ਨਰਾਇਣ ਪਾਂਡੇ, ਮਹੇਸ਼ ਪੂਨੀਆ , ਅਜੇ ਸ਼ਰਮਾ, ਬਲਵਿੰਦਰ ਵਸ਼ਿਸ਼ਟ, ਅੰਕਿਤ ਸ਼ਰਮਾ ਅਤੇ ਅਮਿਤ ਸ਼ਰਮਾ ਵਿਸ਼ੇਸ਼ ਤੌਰ ਤੇ ਮੌਜੂਦ ਸਨ।
