ਡਾਕਟਰੀ, ਦੰਦਾ, ਹੱਡੀਆਂ ਦੀ ਜਾਂਚ ਕੀਤੀ ਅਤੇ ਸ਼ੂਗਰ ਤੇ ਬਲੱਡ ਪ੍ਰੈਸ਼ਰ ਚੈੱਕ ਕੀਤੇ
ਰੂਪਨਗਰ, 5 ਸਤੰਬਰ (ਅਵਤਾਰ ਸਿੰਘ ਕੰਬੋਜ਼)
ਬਜ਼ੁਰਗਾ ਦੇ ‘ਆਪਣਾ ਘਰ’ ਹਵੇਲੀ ਕਲਾਂ ਵਿਖੇ ਅੱਜ ਸੀ.ਜੀ.ਐਮ-ਕਮ-ਸਕੱਤਰ ਜ਼ਿਲ੍ਹਾ ਮੁਫਤ ਕਾਨੂੰਨੀ ਸੇਵਾਵਾਂ ਰੂਪਨਗਰ ਮੈਡਮ ਅਮਨਦੀਪ ਕੌਰ ਯਤਨਾ ਤੇ ਸਿਵਲ ਹਸਪਤਾਲ ਰੂਪਨਗਰ ਦੇ ਡਾਕਟਰਾਂ ਦੀ ਟੀਮ ਵਲੋਂ ਇੱਕ ਮੈਡੀਕਲ ਕੈਂਪ ਦਾ ਆਯੋਜਨ ਕੀਤਾ ਗਿਆ। ਇਸ ਕੈਂਪ ਦੌਰਾਨ ਮੈਡੀਕਲ ਦੇ ਮਾਹਿਰ ਡਾ. ਪੁਨੀਤ ਸੈਣੀ, ਦੰਦਾ ਦੇ ਡਾ. ਗਗਨਦੀਪ ਸਿੰਘ ਤੇ ਆਰਥੋ ਦੇ ਡਾ. ਯੁਵਰਾਜ ਸਿੰਘ ਹੀਰਾ ਵਲੋਂ ਆਪਣਾ ਘਰ ‘ਚ ਰਹਿ ਰਹੇ ਬਜ਼ੁਰਗਾਂ, ਇਸ ਘਰ ਨਾਲ ਜੁੜ੍ਹੇ ਬਜ਼ੁਰਗਾ ਤੇ ਆਏ ਹੋਰ ਮਰੀਜ਼ਾ ਦਾ ਵੀ ਚੈਕਅਪ ਕੀਤਾ ਗਿਆ। ਉਨ੍ਹਾ ਦਾ ਬੀ.ਪੀ. ਤੇ ਸੁਗਰ ਲੇਬਲ ਵੀ ਵੇਖਿਆ, ਲੋੜ੍ਹ ਅਨੁਸਾਰ ਦਵਾਈਆ ਵੀ ਦਿੱੱਤੀਆ ਗਈਆ।
ਇਸ ਮੌਕੇ ਤੇ ਆਪਣਾ ਘਰ ਟਰੱਸਟ ਦੀ ਪ੍ਰਬੰਧਕੀ ਕਮੇਟੀ ਦੇ ਪ੍ਰਧਾਨ ਰਾਜਿੰਦਰ ਸੈਣੀ ਨੇ ਮੈਡਮ ਸੀ.ਜੀ.ਐਮ ਵਲੋਂ ਬਜ਼ੁਰਗਾ ਦੇ ਆਪਣਾ ਘਰ ‘ਚ ਸਿਹਤ ਵਿਭਾਗ ਦੇ ਸਹਿਯੋਗ ਨਾਲ ਮੈਡੀਕਲ ਕੈਂਪ ਲਗਾਉਣ ਲਈ ਮੈਡਮ ਦਾ ਧੰਨਵਾਦ ਕੀਤਾ ਅਤੇ ਸਿਵਲ ਹਸਪਾਲ ਤੋਂ ਆਈ ਮੈਡੀਕਲ ਟੀਮ ਦਾ ਵੀ ਧੰਨਵਾਦ ਕੀਤਾ। ਪ੍ਰਧਾਨ ਰਾਜਿੰਦਰ ਸੈਣੀ ਨੇ ਦੱਸਿਆ ਕਿ ਸੀ.ਜੀ.ਐਮ. ਮੈਡਮ ਅਮਨਦੀਪ ਕੌਰ ਬੀਤੇ 21 ਅਗਸਤ ਨੂੰ ਵਿਸ਼ਵ ਬਜ਼ੁਰਗ ਦਿਵਸ ਮੌਕੇ ਤੇ ਆਪਣਾ ਘਰ ਵਿਖੇ ਬਜ਼ੁਰਗਾ ਦੀ ਸਮਾਜ ਵਿੱਚ ਦੇਣ ਬਾਰੇ ਜਾਗਰੂਤ ਕਰਨ ਆਏ ਸਨ ਤੇ ਉਨ੍ਹਾ ਇਸ ਘਰ ਵਿੱਚ ਮੈਡੀਕਲ ਕੈਂਪ ਲਗਾਉਣ ਲਈ ਕਿਹਾ ਸੀ। ਉਨ੍ਹਾ ਕਿਹਾ ਕਿ ਅਪਣਾ ਘਰ ਦੇ ਪ੍ਰਬੰਧਕ ਸਮਾਜ ਦੇ ਬਜ਼ੁਰਗਾ ਪ੍ਰਤੀ ਨਿਸ਼ਕਾਮ ਭਾਵਨਾ ਨਾਲ ਸੇਵਾ ਕਰ ਰਿਹਾ ਹੈ ਅਤੇ ਇਥੇ ਰਹਿ ਰਹੇ ਬਜ਼ੁਰਗਾ ਤੇ ਇਸ ਘਰ ਵਿੱਚ ਆਏ ਬਜ਼ੁਰਗਾ ਦਾ ਹਮੇਸਾ ਸਨਮਾਨ ਕਰਦੇ ਹਨ। ਉਨ੍ਹਾ ਕਿਹਾ ਇਹ ਘਰ ਦੇ ਪ੍ਰਬੰਧਕ ਸਮਾਜ ਦੇ ਲੋਕਾਂ ਦੇ ਸਹਿਯੋਗ ਨਾਲ ਹੀ ਇਹ ਸਭ ਲੋਕ ਸੇਵਾ ਦਾ ਕਾਰਜ਼ ਰਹੇ ਹਨ।
ਇਸ ਮੌਕੇ ਤੇ ਸੰਸਥਾ ਦੇ ਟਰੱਸਟੀ ਐਡਵੋਕੇਟ ਰਾਵਿੰਦਰ ਸਿੰਘ ਮੁੰਡਰਾ, ਜਗਦੇਵ ਸਿੰਘ, ਦਲਜੀਤ ਸਿੰਘ, ਬਲਵਿੰਦਰ ਕੌਰ ਤੇ ਵਿਸ਼ੇਸ਼ ਬਜ਼ੁਰਗ ਤਰਸੇਮ ਸਿੰਘ, ਤਾਰਾ ਸਿੰਘ, ਹਰਮੇਲ ਲਾਲ, ਕੇ. ਐਲ. ਕਪੂਰ, ਸ਼ਾਮ ਲਾਲ ਗੋਇਲ, ਸੁਖਦੇਵ ਸ਼ਰਮਾ, ਇੰਜ. ਹਰਜੀਤ ਸਿੰਘ ਸੈਣੀ, ਚੇਤ ਰਾਮ, ਭੁਪਿੰਦਰ ਸਿੰਘ, ਜਿੰਦਰ ਸਿੰਘ, ਸਤੀਸ਼ਵਰ ਖਨਾ ਆਦਿ ਵੀ ਹਾਜ਼ਰ ਸਨ।
