ਗਵਰਨਰ ਪੰਜਾਬ ਨੂੰ ਭੇਜਿਆ ਮੈਮੋਰੰਡਮ
ਰੂਪਨਗਰ, 29 ਅਗਸਤ ( ਅਵਤਾਰ ਸਿੰਘ ਕੰਬੋਜ਼ )
ਪਿਛਲੇ ਦਿਨੀਂ ਪਿੰਡ ਧੁਲੇਤਾ ਹਲਕਾ ਫਿਲੌਰ ਵਿਖੇ ਸ੍ਰੀ ਗੁਰੂ ਗੁਰੂ ਰਵਿਦਾਸ ਗੁਰੂ ਘਰ ਦੀ ਚਾਰਦੀਵਾਰੀ ਦੀ ਭੰਨ ਤੋੜ ਕੀਤੀ ਗਈ ਸੀ। ਜਿਸ ਦੇ ਰੋਸ ਵਜੋਂ ਬਹੁਜਨ ਸਮਾਜ ਪਾਰਟੀ ਨੇ ਪੂਰੇ ਪੰਜਾਬ ਵਿੱਚ ਜ਼ਿਲ੍ਹਾ ਹੈੱਡ ਕਵਾਟਰਾਂ ਤੇ ਅੱਜ ਰੋਸ-ਧਰਨੇ ਪ੍ਰਦਰਸ਼ਨ ਕੀਤੇ ਗਏ। ਇਸੀ ਲੜੀ ਤਹਿਤ ਰੂਪਨਗਰ ਵਿਖੇ ਵੀ ਰੋਸ-ਧਰਨਾ ਪ੍ਰਦਰਸ਼ਨ ਪਾਰਟੀ ਦੇ ਸੂਬਾ ਇੰਚਾਰਜ ਅਜੀਤ ਸਿੰਘ ਭੈਣੀ ਦੀ ਅਗਵਾਈ ਵਿੱਚ ਕੀਤਾ ਗਿਆ ਜਿਸ ਵਿੱਚ ਪਾਰਟੀ ਦੇ ਸੂਬਾ ਜਨਰਲ ਸਕੱਤਰ ਰਜਿੰਦਰ ਸਿੰਘ ਨਨਹੇੜੀਆਂ ਵੀ ਵਿਸ਼ੇਸ਼ ਰੂਪ ਵਿੱਚ ਪਹੁੰਚੇ।
ਇਸ ਮੌਕੇ ਤੇ ਭੈਣੀ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਗੁਰੂ ਘਰ ਦੇ ਨਾਲ ਅਜਿਹੀ ਘਟਨਾ ਨੂੰ ਬਸਪਾ ਕਿਸੇ ਕੀਮਤ ਤੇ ਬਰਦਾਸ਼ਤ ਨਹੀਂ ਕਰੇਗੀ। ਉਹਨਾਂ ਕਿਹਾ ਕਿ ਪਹਿਲਾਂ ਬਾਬਾ ਸਾਹਿਬ ਅੰਬੇਡਕਰ ਜੀ ਦੇ ਬੁੱਤਾਂ ਦਾ ਅਪਮਾਨ ਹੋਇਆ, ਹੁਣ ਗੁਰਧਾਮਾਂ ਤੇ ਹਮਲੇ ਹੋ ਰਹੇ ਹਨ। ਦਲਿਤਾਂ, ਪੱਛੜਿਆਂ ਅਤੇ ਗਰੀਬਾਂ ਨੂੰ ਪੁਲਿਸ ਤੰਤਰ ਨਾਲ ਦਬਾਇਆ ਜਾ ਰਿਹਾ ਹੈ।
ਰਾਜਾ ਰਜਿੰਦਰ ਸਿੰਘ ਨਨਹੇੜੀਆਂ ਨੇ ਕਿਹਾ ਕਿ ਸੰਗਤਾਂ ਪਾਰਟੀ ਵੱਲੋਂ ਸ਼ੁਰੂ ਕੀਤੀ ਪੰਜਾਬ ਸੰਭਾਲੋਂ’ ਮੁਹਿੰਮ ਨਾਲ ਵੱਡੀ ਪੱਧਰ ਤੇ ਜੁੜਨ ਤਾਂ । ਉਨ੍ਹਾਂ ਕਿਹਾ ਕਿ ਇਹ ਸਰਕਾਰ ਵੀ ਅਕਾਲੀ-ਭਾਜਪਾ ਅਤੇ ਕਾਂਗਰਸ ਦੀਆਂ ਪਿਛਲੀਆਂ ਸਰਕਾਰਾਂ ਵਾਂਗ ਹਰ ਫਰੰਟ ਤੇ ਫੇਲ ਹੋਈ ਹੈ।ਰੋਸ ਮਾਰਚ ਕਰਨ ਉਪਰੰਤ ਪਾਰਟੀ ਆਗੂਆਂ ਵੱਲੋਂ ਮਾਣਯੋਗ ਗਵਰਨਰ ਪੰਜਾਬ ਨੂੰ ਇੱਕ ਮੈਮੋਰੰਡਮ ਡੀ.ਸੀ. ਰੂਪਨਗਰ ਰਾਹੀਂ ਭੇਜਿਆ ਗਿਆ।
ਇਸ ਧਰਨੇ-ਪ੍ਰਦਰਸ਼ਨ ਵਿੱਚ ਉਪਰੋਕਤ ਆਗੂਆਂ ਤੋਂ ਇਲਾਵਾ ਜ਼ਿਲ੍ਹਾ ਇੰਚਾਰਜ ਕੁਲਦੀਪ ਘਨੌਲੀ, ਜ਼ਿਲ੍ਹਾ ਜਨਰਲ ਸਕੱਤਰ ਨਰਿੰਦਰ ਸਿੰਘ ਬਡਵਾਲੀ, ਗੁਰਚਰਨ ਸਿੰਘ ਖਾਲਸਾ, ਗੁਰਨਾਮ ਸਿੰਘ ਪਿੱਪਲਮਾਜਰਾ, ਭੁਪਿੰਦਰ ਸਿੰਘ ਕੋਟਲਾ, ਤਿਰਲੋਕ ਸਿੰਘ ਫਤੇਹਪੁਰ, ਬੀਬੀ ਹਰਵਿੰਦਰ ਕੌਰ, ਜਸਵੀਰ ਕੌਰ ਲੇਡੀ ਵਿੰਗ, ਜਸਵੰਤ ਸਿੰਘ ਬਹਿਰਾਮਪੁਰ, ਬੀਬੀ ਕੁਲਦੀਪ ਕੌਰ, ਜਸਵਿੰਦਰ ਛਿੱਬਰ, ਗੁਰਦੀਪ ਪਿੱਪਲਮਾਜਰਾ, ਕੈਪਟਨ ਰਜਿੰਦਰ ਸਿੰਘ, ਸੂਬੇਦਾਰ ਬਲਵੀਰ ਸਿੰਘ, ਵਰਿੰਦਰ ਕਲੇਰ, ਹੁਸਨ ਚੰਦ, ਦੌਲਤ ਸਿੰਘ, ਸ਼ਹਿਰੀ ਪ੍ਰਧਾਨ ਸੁਰਜੀਤ ਸਿੰਘ, ਡੇਜ਼ੀ ਹਵੇਲੀ, ਪ੍ਰਕਾਸ਼ ਸਿੰਘ ਮਗਰੋੜ, ਸੋਹਨ ਸਿੰਘ ਲੁਹਾਰੀ, ਪਰਮਜੀਤ ਸਿੰਘ ਸੋਲਖੀਆਂ, ਮਨਜੀਤ ਕਕਰਾਲੀ, ਕੇਸਰ ਸਿੰਘ ਆਦਿ ਆਗੂ ਹਾਜ਼ਰ ਸਨ।
Recently, the boundary wall of Sri Guru Guru Ravidass Guru Ghar was demolished in village Dhuleta Halka Phillaur. In protest of which, Bahujan Samaj Party held protests and demonstrations at district headquarters across Punjab today. Under the same series, a protest demonstration was also held in Rupnagar under the leadership of the party’s state in-charge Ajit Singh Bhaini, in which the party’s state general secretary Rajinder Singh Nanherian also reached in a special capacity.
