ਰੂਪਨਗਰ,27 ਅਗਸਤ ( ਅਵਤਾਰ ਸਿੰਘ ਕੰਬੋਜ਼)
ਸ਼੍ਰੀ ਸ਼ਿਵ ਸ਼ਕਤੀ ਪ੍ਰਭਾਤ ਫੈਰੀ ਸੇਵਾ ਸਮਿਤੀ ਰਜਿ. ਰੂਪਨਗਰ ਵਲੋਂ 7 ਸਤੰਬਰ ਨੂੰ ਖੂਨਦਾਨ ਕੈਂਪ ਲਗਾਇਆ ਜਾ ਰਿਹਾ ਹੈ। ਸੰਸਥਾ ਦੇ ਮੁਖੀ ਹਰਮਿੰਦਰ ਪਾਲ ਸਿੰਘ ਆਹਲੂਵਾਲੀਆ ਨੇ ਦੱਸਿਆ ਕਿ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਬੇਲਾ ਚੌਕ ਨੇੜੇ ਗਾਂਧੀ ਸਕੂਲ ਵਿੱਚ ਖੂਨਦਾਨ ਕੈਂਪ ਲਗਾਇਆ ਜਾ ਰਿਹਾ ਹੈ। ਇਸ ਪ੍ਰੋਗਰਾਮ ਨੂੰ ਸਫਲ ਬਣਾਉਣ ਲਈ ਅਸੀਂ ਅੱਜ ਆਪਣੀ ਸੰਸਥਾ ਦੀ ਇੱਕ ਵਿਸ਼ੇਸ਼ ਮੀਟਿੰਗ ਬੁਲਾਈ ਹੈ। ਅਤੇ ਇਸ ਵਿੱਚ ਸਾਰੇ ਮੈਂਬਰਾਂ ਨੇ ਆਪਣੇ ਵਿਚਾਰ ਸਾਂਝੇ ਕੀਤੇ। ਅਤੇ ਸਾਰੇ ਮੈਂਬਰਾਂ ਦੀਆਂ ਡਿਊਟੀਆਂ ਲਗਾਈਆਂ ਗਈਆਂ। ਉਨ੍ਹਾਂ ਦੱਸਿਆ ਕਿ ਇਹ ਸਾਡੀ ਸੰਸਥਾ ਦਾ ਇੱਕੋ ਇੱਕ ਉਦੇਸ਼ ਹੈ ਕਿ ਕੋਈ ਵੀ ਮਰੀਜ਼ ਖੂਨ ਦੀ ਘਾਟ ਕਾਰਨ ਨਾ ਮਰ ਜਾਵੇ। ਹਰ ਮਰੀਜ਼ ਨੂੰ ਲੋੜ ਅਨੁਸਾਰ ਖੂਨ ਮਿਲੇ। ਸਾਡੀ ਸੰਸਥਾ ਮਹਾਸ਼ਿਵਰਾਤਰੀ ਦੌਰਾਨ ਪ੍ਰਭਾਤ ਫੈਰੀ ਦਾ ਆਯੋਜਨ ਕਰਦੀ ਹੈ ਅਤੇ ਸਮਾਜਿਕ ਤੌਰ ‘ਤੇ ਹਰ ਸਾਲ ਖੂਨਦਾਨ ਕੈਂਪ ਦਾ ਆਯੋਜਨ ਕਰਦੀ ਹੈ। ਜਿਸ ਵਿੱਚ 100 ਤੋਂ ਵੱਧ ਯੂਨਿਟ ਇਕੱਠੇ ਕੀਤੇ ਜਾਂਦੇ ਹਨ ਅਤੇ ਖੂਨ ਦੀ ਜ਼ਰੂਰਤ ਵਾਲੇ ਮਰੀਜ਼ਾਂ ਤੱਕ ਪਹੁੰਚਾਏ ਜਾਂਦੇ ਹਨ। ਇਸ ਮੌਕੇ ਧਰੁਵ ਨਾਰੰਗ, ਸੁਨੀਲ ਕੁਮਾਰ ਕਥੂਰੀਆ, ਸੋਮਰਾਜ ਸ਼ਰਮਾ, ਜਸਵੰਤ ਕੁਮਾਰ, ਅਮਿਤ ਗੁਰੂ, ਰਵੀ ਸ਼ਰਮਾ, ਜਤਿੰਦਰ ਸਿੰਘ ਆਦਿ ਹਾਜ਼ਰ ਸਨ |
