ਪੀ.ਐਚ.ਸੀ ਕੀਰਤਪੁਰ ਸਾਹਿਬ ਦੀ ਟੀਮ ਨੇ ਲਗਾਏ 9 ਕੈਂਪ
ਉੱਚ ਜੋਖਿਮ ਵਾਲੀ ਪ੍ਰਵਾਸੀ ਗਰਭਵਤੀ ਨੇ ਦਿੱਤਾ ਦੋ ਤੰਦਰੁਸਤ ਜੁੜਵਾਂ ਬੱਚਿਆਂ ਨੂੰ ਜਨਮ
ਕੀਰਤਪੁਰ ਸਾਹਿਬ, 25 ਅਗਸਤ ( ਬਾਈ ਜੀ ਪੰਜਾਬੀ ਬਿਊਰੋ )
ਕੀਰਤਪੁਰ ਸਾਹਿਬ ਦੀ ਪੀ.ਐਚ.ਸੀ ਟੀਮ ਦੇ ਵੱਲੋਂ ਟੀਕਾਕਰਨ ਦੇ ਵਿੱਚ ਨਵਾਂ ਰਿਕਾਰਡ ਬਣਾਉਂਦਿਆਂ ਸਲੱਮ ਇਲਾਕਿਆਂ ਦੇ ਵਿੱਚ ਟੀਚਾ ਪਾਰ ਕੀਤਾ ਹੈ। ਡਾਕਟਰ ਜੰਗਜੀਤ ਸਿੰਘ ਸੀਨੀਅਰ ਮੈਡੀਕਲ ਅਫਸਰ ਅਤੇ ਇੰਚਾਰਜ ਨੇ ਦੱਸਿਆ ਕਿ 18 ਅਗਸਤ ਤੋਂ 23 ਅਗਸਤ ਤੱਕ ਕੁੱਲ 9 ਕੈਂਪ ਲਗਾਏ ਗਏ ਹਨ। ਇਸ ਟੀਕਾਕਰਨ ਹਫਤੇ ਦੌਰਾਨ ਜਿੱਥੇ 31 ਬੱਚਿਆਂ ਦਾ ਟੀਚਾ ਨਿਰਧਾਰਤ ਸੀ ਉੱਥੇ 56 ਬੱਚਿਆਂ ਅਤੇ 10 ਗਰਭਵਤੀ ਔਰਤਾਂ ਦਾ ਮੁਫਤ ਟੀਕਾਕਰਨ ਕਰਕੇ ਟੀਚੇ ਤੋਂ ਵੱਧ ਦੀ ਪ੍ਰਾਪਤੀ ਕੀਤੀ ਗਈ ਹੈ। ਇਹ ਕੈਂਪ ਲੰਗ ਮਜਾਰੀ, ਸੱਦੇਵਾਲ, ਗਨਾਰੂ, ਲੋਧੀਪੁਰ, ਦਾਣਾ ਮੰਡੀ, ਲੋਹੰਡ ਖੱਡ, ਸੀ.ਡੀ. ਰਾਜ ਨਗਰ, ਸਿਵਾਲਿਕ ਐਵੀਨਿਊ ਸਮੇਤ ਸਲੱਮ ਇਲਾਕਿਆਂ ਅਤੇ ਭੱਠਿਆਂ ਵਿੱਚ ਲਗਾਏ ਗਏ। ਇਸ ਦੌਰਾਨ ਖਸਰਾ, ਰੁਬੈਲਾ ਸਮੇਤ 11 ਮਾਰੂ ਬਿਮਾਰੀਆਂ ਤੋਂ ਬਚਾਅ ਲਈ ਲੋਕਾਂ ਨੂੰ ਵੈਕਸੀਨ ਪ੍ਰਦਾਨ ਕੀਤੀ ਗਈ।
ਡਾ.ਜੰਗਜੀਤ ਸਿੰਘ ਨੇ ਕਿਹਾ ਕਿ ਇਸ ਮੁਹਿੰਮ ਦਾ ਮੁੱਖ ਮਕਸਦ ਸੀ ਕਿ ਕੋਈ ਵੀ ਬੱਚਾ ਜਾਂ ਗਰਭਵਤੀ ਟੀਕਾਕਰਨ ਤੋਂ ਵਾਂਝਾ ਨਾ ਰਹੇ। ਉਨ੍ਹਾਂ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਸਿਹਤ ਵਿਭਾਗ ਵੱਲੋਂ ਲਗਾਏ ਜਾਣ ਵਾਲੇ ਇਨ੍ਹਾਂ ਕੈਂਪਾਂ ਦਾ ਵੱਧ ਤੋਂ ਵੱਧ ਲਾਭ ਲੈਣ। ਇਸ ਵਿਸ਼ੇਸ਼ ਟੀਕਾਕਰਨ ਹਫ਼ਤੇ ਵਿਚ ਅਹਿਮ ਭੂਮਿਕਾ ਨਿਭਾਉਣ ਵਾਲੀ ਸਿਹਤ ਟੀਮ ਦੀ ਸ਼ਲਾਘਾ ਕਰਦਿਆਂ, ਉਨ੍ਹਾਂ ਨੇ ਏ.ਐੱਨ.ਐੱਮ ਜੋਤੀ ਕੁਮਾਰੀ, ਰਜਨੀ ਦੇਵੀ, ਜਸਬੀਰ ਕੌਰ, ਮਨਦੀਪ, ਸੁਨੀਤਾ, ਮਨਿੰਦਰ ਅਤੇ ਕੁਲਵਿੰਦਰ ਕੌਰ ਦੀ ਸੇਵਾ ਭਾਵਨਾ ਦੀ ਪ੍ਰਸ਼ੰਸਾ ਕੀਤੀ ਅਤੇ ਏ.ਐੱਨ.ਐੱਮ ਜੋਤੀ ਕੁਮਾਰੀ ਨੇ ਇੱਕ ਉੱਚ ਜੋਖਿਮ ਵਾਲੀ ਪ੍ਰਵਾਸੀ ਗਰਭਵਤੀ ਮਹਿਲਾ ਨੀਲਮ ਨੂੰ ਸਮੇਂ-ਸਮੇਂ ‘ਤੇ ਸਿਹਤ ਸਹੂਲਤਾਂ ਪ੍ਰਦਾਨ ਕੀਤੀਆਂ ਅਤੇ ਉਸਨੂੰ ਸੰਸਥਾਗਤ ਡਿਲੀਵਰੀ ਲਈ ਪ੍ਰੇਰਿਤ ਕੀਤਾ। ਇਸ ਮਹੀਨੇ ਨੀਲਮ ਨੇ ਤੰਦਰੁਸਤ ਜੁੜਵਾਂ ਬੱਚਿਆਂ ਇੱਕ ਪੁੱਤਰ ਅਤੇ ਇੱਕ ਧੀ ਨੂੰ ਜਨਮ ਦਿੱਤਾ ਹੈ। ਨੀਲਮ ਨੇ ਪੰਜਾਬ ਸਰਕਾਰ ਵੱਲੋਂ ਮਿਲ ਰਹੀਆਂ ਮੁਫ਼ਤ ਸਿਹਤ ਸਹੂਲਤਾਂ ਲਈ ਮੁੱਖ ਮੰਤਰੀ ਸ. ਭਗਵੰਤ ਸਿੰਘ ਮਾਨ ਅਤੇ ਸਿਹਤ ਮੰਤਰੀ ਡਾ.ਬਲਬੀਰ ਸਿੰਘ ਤੇ ਹਲਕਾ ਵਿਧਾਇਕ ਕੈਬਨਿਟ ਮੰਤਰੀ ਹਰਜੋਤ ਬੈਂਸ ਦਾ ਧੰਨਵਾਦ ਕੀਤਾ ਹੈ।
The PHC team of Kiratpur Sahib has set a new record in vaccination and has exceeded the target in slum areas.
Dr. Jangjit Singh Senior Medical Officer and In-charge said that a total of 9 camps have been organized from August 18 to August 23. During this vaccination week, where the target of 31 children was fixed, 56 children and 10 pregnant women have been vaccinated free of cost, exceeding the target. These camps were organized in slum areas and kilns including Lang Mazari, Saddewal, Ganaru, Lodhipur, Dana Mandi, Lohand Khad, C.D. Raj Nagar, Sivalik Avenue. During this, vaccines were provided to people to protect them from 11 deadly diseases including measles and rubella.
