ਬਾਈ ਜੀ ਪੰਜਾਬੀ ਤੇ ਨਵੇਂ ਦਫਤਰ ਦਾ ਉਦਘਾਟਨ ਹਲਕਾ ਵਿਧਾਇਕ ਐਡਵੋਕੇਟ ਦਿਨੇਸ਼ ਕੁਮਾਰ ਚੱਡਾ ਨੇ ਕੀਤਾ

ਚੈਨਲ ਦੀ ਵੈੱਬਸਾਈਟ ਵੀ ਕੀਤੀ ਗਈ ਲੌਂਚ

ਜ਼ਿਲ੍ਹਾ ਲੋਕ ਸੰਪਰਕ ਅਫਸਰ ਸ੍ਰੀ ਕਰਨ ਮਹਿਤਾ ਵੀ ਵਿਸ਼ੇਸ਼ ਤੌਰ ਤੇ ਰਹੇ ਮੌਜੂਦ

ਰੂਪਨਗਰ, 23 ਅਗਸਤ ( ਬਾਈ ਜੀ ਪੰਜਾਬੀ )

ਬਾਈ ਜੀ ਪੰਜਾਬੀ ਸੋਸ਼ਲ ਮੀਡੀਆ ਨੈਟਵਰਕ ਚੈਨਲ ਦੇ ਨਵੇਂ ਦਫਤਰ ਦਾ ਉਦਘਾਟਨ ਅੱਜ ਰੂਪਨਗਰ ਤੋਂ ਹਲਕਾ ਵਿਧਾਇਕ ਐਡਵੋਕੇਟ ਦਿਨੇਸ਼ ਕੁਮਾਰ ਚੱਡਾ ਵੱਲੋਂ ਕੀਤਾ ਗਿਆ। ਇਸ ਮੌਕੇ ਜਿਲ੍ਹਾ ਲੋਕ ਸੰਪਰਕ ਅਫਸਰ ਰੂਪਨਗਰ ਸ੍ਰੀ ਕਰਨ ਮਹਿਤਾ ਵੀ ਵਿਸ਼ੇਸ਼ ਤੌਰ ਦੇ ਉੱਪਰ ਮੌਜੂਦ ਰਹੇ। ਇਸ ਮੌਕੇ ਚੈਨਲ ਦੀ ਵੈਬਸਾਈਟ ( baigpunjabi.in )ਵੀ ਲਾਂਚ ਕੀਤੀ ਗਈ। ਬਾਈ ਜੀ ਪੰਜਾਬੀ ਸੋਸ਼ਲ ਮੀਡੀਆ ਨੈੱਟਵਰਕ ਦੇ ਮੈਨੇਜਿੰਗ ਡਾਇਰੈਕਟਰ ਅਤੇ ਸਤਲੁਜ ਪ੍ਰੈਸ ਕਲੱਬ ਰੂਪਨਗਰ ਦੇ ਪ੍ਰਧਾਨ ਅਵਤਾਰ ਸਿੰਘ ਕੰਬੋਜ਼ ਦੇ ਨਾਲ ਨਾਲ ਚੈਨਲ ਦੀ ਬਾਕੀ ਟੀਮ ਅਤੇ ਪੱਤਰਕਾਰ ਸਾਥੀਆਂ ਦੇ ਵੱਲੋਂ ਹਲਕਾ ਵਿਧਾਇਕ ਦਾ ਨਿੱਘਾ ਸਵਾਗਤ ਕੀਤਾ ਗਿਆ।

ਵਿਧਾਇਕ ਚੱਡਾ ਨੇ ਚੈਨਲ ਦੀ ਟੀਮ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਪੱਤਰਕਾਰ ਅਵਤਾਰ ਸਿੰਘ ਕੰਬੋਜ਼ ਹਮੇਸ਼ਾ ਸੁਹਿਰਦ ਪੱਤਰਕਾਰੀ ਕਰਦੇ ਆਏ ਹਨ ਅਤੇ ਸਮਾਜ ਦੇ ਮਸਲਿਆਂ ਨੂੰ ਉਭਾਰ ਕੇ ਸਰਕਾਰ ਦੇ ਸਾਹਮਣੇ ਰੱਖਦੇ ਆਏ ਹਨ। ਉਹਨਾਂ ਸ਼ੁਭਕਾਮਨਾਵਾਂ ਦਿੰਦਿਆਂ ਉਮੀਦ ਜਾਹਿਰ ਕੀਤੀ ਕਿ ਬਾਈ ਜੀ ਪੰਜਾਬੀ ਗਰੁੱਪ ਪੰਜਾਬ ਅਤੇ ਪੰਜਾਬੀਅਤ ਦੀ ਸੇਵਾ ਕਰਦਾ ਰਹੇਗਾ।

ਦਫਤਰ ਦਾ ਉਦਘਾਟਨ ਕਰਨ ਮੌਕੇ ਵਿਧਾਇਕ ਦਿਨੇਸ਼ ਕੁਮਾਰ ਚੱਡਾ ਦੇ ਨਾਲ ਮਾਰਕੀਟ ਕਮੇਟੀ ਚੇਅਰਮੈਨ ਭਾਗ ਸਿੰਘ ਮਦਾਨ, ਨਵਪ੍ਰੀਤ ਸ਼ਰਮਾ, ਵਿਕਰਾਂਤ ਚੌਧਰੀ, ਚੇਤਨ ਕਾਲੀਆ, ਨਵੀਨ ਦਰਦੀ, ਕੁਲਦੀਪ ਸਿੰਘ, ਅਮਨਦੀਪ ਸਿੰਘ, ਇੰਦਰਜੀਤ ਸਿੰਘ ਬਾਲਾ, ਹੇਮਾ ਚੌਧਰੀ, ਯੁਗੇਸ਼ ਕੱਕੜ, ਐਡਵੋਕੇਟ ਦੌਲਤ ਸਿੰਘ ਤੋਂ ਇਲਾਵਾ ਪੱਤਰਕਾਰਾਂ ਵਜੋਂ ਸਤਲੁਜ ਪ੍ਰੈਸ ਕਲੱਬ ਦੇ ਮੈਂਬਰ ਸਰਪ੍ਰਸਤ ਸਰਬਜੀਤ ਸਿੰਘ ਕੋਟਲਾ, ਸ਼ਮਸ਼ੇਰ ਸਿੰਘ ਬੱਗਾ, ਸੋਮਰਾਜ ਸ਼ਰਮਾ, ਦਵਿੰਦਰ ਸ਼ਰਮਾ, ਧਰੁਵ ਨਾਰੰਗ , ਪਰਮਜੀਤ ਸਿੰਘ ਪੰਮੀ, ਓੰਕਾਰ ਸਿੰਘ ਚੌਧਰੀ, ਪਰਵਿੰਦਰ ਕੌਰ, ਮਨਜੀਤ ਸਿੰਘ ਅਤੇ ਕਮਲ ਕੰਬੋਜ਼ ਆਦਿ ਵੀ ਮੌਜੂਦ ਸਨ।