ਸਰਕਾਰੀ ਕਾਲਜ ਰੋਪੜ
ਰੂਪਨਗਰ, 20 ਅਗਸਤ ( ਅਵਤਾਰ ਸਿੰਘ ਕੰਬੋਜ਼)
ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਵਲੋਂ ਐਲਾਨ ਨਤੀਜਿਆਂ ਵਿੱਚ ਸਰਕਾਰੀ ਕਾਲਜ, ਰੋਪੜ ਦੇ ਐਮ.ਏ ਪੋਲੀਟਿਕਿਲ ਸਾਇੰਸ ਸਮੈਸਟਰ ਤੀਜਾ ਦੇ ਵਿਦਿਆਰਥੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਕਾਲਜ ਦਾ ਨਾਂ ਰੋਸ਼ਨ ਕੀਤਾ । ਨਤੀਜੇ ਅਨੁਸਾਰ ਤਿੰਨ ਵਿਦਿਆਰਥੀਆਂ ਨੇ 85% ਅਤੇ ਪੰਜ ਵਿਦਿਆਰਥੀਆਂ ਨੇ 82% ਨੰਬਰ ਹਾਸਿਲ ਕੀਤੇ ਅਤੇ ਇੱਕ ਵਿਦਿਆਰਥੀ ਨੇ 80% ਨੰਬਰ ਹਾਸਿਲ ਕੀਤੇ। ਬਾਕੀ 11 ਵਿਦਿਆਰਥੀਆਂ ਨੇ 75% ਨੰਬਰ ਹਾਸਲ ਕਰਕੇ ਕਾਲਜ ਨੂੰ ਮਾਨ ਸਨਮਾਨ ਦਿਵਾਇਆ।
ਕਾਲਜ ਦੇ ਪ੍ਰਿੰਸੀਪਲ ਪ੍ਰੋ. ਜਤਿੰਦਰ ਸਿੰਘ ਗਿੱਲ ਨੇ ਵਿਦਿਆਰਥੀਆਂ ਦੀ ਸਫ਼ਲਤਾ ਉੱਤੇ ਖੁਸ਼ੀ ਜ਼ਾਹਿਰ ਕਰਦੇ ਹੋਏ ਕਿਹਾ ਕਿ ਇਹ ਨਤੀਜਾ ਵਿਦਿਆਰਥੀਆਂ ਦੀ ਲਗਨ ਤੇ ਅਧਿਆਪਾਕਾਂ ਦੀ ਮਿਹਨਤ ਨਾਲ ਹੀ ਸੰਭਵ ਹੋਇਆ ਹੈ। ਉਨ੍ਹਾਂ ਆਸ਼ਾ ਜਤਾਈ ਕਿ ਅੱਗੇ ਵੀ ਵਿਦਿਆਰਥੀ ਇੰਨੇ ਹੀ ਉਤਸ਼ਾਹ ਅਤੇ ਜੋਸ਼ ਨਾਲ ਪੜ੍ਹਾਈ ਜਾਂਦੀ ਰੱਖਣਗੇ।
