ਰੂਪਨਗਰ, 16 ਅਗਸਤ ( ਬਾਈ ਜੀ ਪੰਜਾਬੀ )
ਪੰਜਾਬ ਸੁਬਾਰਡੀਨੇਟ ਸਰਵਸ਼ਿਜ ਫੈਡਰੇਸ਼ਨ ਦੇ ਬ੍ਰਾਂਚ ਰੋਪੜ ਪ੍ਰਧਾਨ ਸੁਖਦੇਵ ਸਿੰਘ ਸੁਰਤਾਪੁਰੀ ਦੀ ਪ੍ਰਧਾਨਗੀ ਹੇਠ 15 ਅਗਸਤ ਨੂੰ ਝੰਡਾ ਲਹਿਰਾਉਣ ਆਏ ਹਰਪਾਲ ਸਿੰਘ ਚੀਮਾ ਵਿੱਤ ਮੰਤਰੀ ਪੰਜਾਬ ਨੂੰ ਮੁਲਾਜਮਾਂ ਦੀਆਂ ਮੰਗਾਂ ਦਾ ਮੰਗ ਪੱਤਰ ਕੈਨਾਲ ਰੈਸਟ ਹਾਊਸ ਰੋਪੜ ਵਿਖੇ ਸੋਂਪਿਆ ਗਿਆ।
ਇਸ ਸਬੰਧੀ ਸੁਖਦੇਵ ਸਿੰਘ ਸੁਰਤਾਪੁਰੀ ਨੇ ਪ੍ਰੈਸ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਉਪਰੰਤ ਵਿੱਤ ਮੰਤਰੀ ਸਾਹਿਬ ਨਾਲ 15 ਮਿੰਟ ਅੱਛੇ ਮਹੌਲ ਵਿੱਚ ਵਿਚਾਰ ਵਟਾਂਦਰਾ ਕੀਤਾ ਗਿਆ, ਜਿਹਨਾਂ ਵਿੱਚ ਪੈਨਸ਼ਨਰਾਂ ਨੂੰ 2.59 ਫੈਕਟਰ ਲਾਗੂ ਕਰਨ ਲਈ ਵਿਚਾਰ ਵਟਾਂਦਰਾ ਹੋਇਆ ਵਿੱਤ ਮੰਤਰੀ ਜੀ ਨੇ ਕਿਹਾ ਕਿ ਮਾਨਯੋਗ ਮੁੱਖ ਮੰਤਰੀ ਸਾਹਿਬ ਜੀ ਨਾਲ ਇਹ ਗੱਲ ਹੋ ਚੁੱਕੀ ਹੈ ਅਤੇ ਤਕਰੀਬਨ 40 ਦਿਨ ਦੇ ਅੰਦਰ ਅੰਦਰ ਪੈਨਸ਼ਰਾ ਨੂੰ 2.59 ਫੈਕਟਰ ਲਾਗੂ ਕਰ ਦਿੱਤਾ ਜਾਵੇਗਾ। ਉਪਰੰਤ ਆਊਟ ਸੋਰਸਿੰਗ ਤੇ ਕੰਮ ਕਰ ਰਹੇ ਮੁਲਾਜਮਾਂ ਦਾ ਇੱਕ ਟੈਸਟ ਲਿਆ ਜਾਵੇਗਾ ਟੈਸਟ ਲੈਣ ਉਪਰੰਤ ਉਹਨਾਂ ਮੁਲਾਜਮਾ ਨੂੰ ਕੰਟਰੈਕਟ ਵਿੱਚ ਤਬਦੀਲ ਕੀਤਾ ਜਾਵੇਗਾ ਅਤੇ ਫੇਰ ਉਹਨਾਂ ਨੂੰ ਰੈਗੂਲਰ ਕੀਤਾ ਜਾਵੇਗਾ।
ਇਸ ਮੀਟਿੰਗ ਵਿੱਚ ਸ੍ਰੀ ਵਰਜੀਤ ਵਾਲੀਆ ਡਿਪਟੀ ਕਮਿਸ਼ਨਰ ਰੂਪਨਗਰ, ਗੁਲਨੀਤ ਸਿੰਘ ਖੁਰਾਣਾ ਸੀਨੀਅਰ ਪੁਲਿਸ ਕਪਤਾਨ ਰੂਪਨਗਰ, ਭਾਗ ਸਿੰਘ ਮਦਾਨ, ਰਾਜੂ ਸਤਿਆਲ, ਐਡਕੇਟ ਰਜਿੰਦਰ ਸਿੰਘ, ਗੁਰਪ੍ਰੀਤ ਸਿੰਘ ਰੱਤੂ, ਮੁਲਾਜਮ ਆਗੂ ਜਗਮੋਹਣ ਸਿੰਘ ਚੌਤਾਂ, ਨਛੱਤਰ ਸਿੰਘ, ਸੁਰਜੀਤ ਲਾਲ, ਠਾਕੁਰ ਚੰਦ, ਹਰਬੰਸ ਸਿੰਘ, ਮਾਸਟਰ ਅਨਿਲ ਕੁਮਾਰ, ਰਵਿੰਦਰ ਕੁਮਾਰ ਹਾਜ਼ਿਰ ਸਨ। ਅਖੀਰ ਵਿੱਚ ਸੁਖਦੇਵ ਸਿੰਘ ਸੁਰਤਾਪੁਰੀ ਨੇ ਵਿੱਤ ਮੰਤਰੀ ਅਤੇ ਡੀ.ਸੀ., ਐਸ.ਐਸ.ਪੀ. ਰੂਪਨਗਰ ਦਾ ਧੰਨਵਾਦ ਕੀਤਾ।
ਸੁਰਤਾਪੁਰੀ ਨੇ ਦੱਸਿਆ ਕਿ ਮਿਡ-ਡੇ-ਮੀਲ, ਆਸ਼ਾ ਵਰਕਰ, ਆਗਨਵਾੜੀ ਵਰਕਰਾ ਨੂੰ ਬਹੁਤ ਘੱਟ ਤਨਖਾਹ ਦਿੱਤੀ ਜਾਂਦੀ ਹੈ ਅਤੇ ਉਹਨਾਂ ਤੋਂ 8-10 ਘੰਟੇ ਕੰਮ ਲਿਆ ਜਾਂਦਾ ਹੈ ਮੰਤਰੀ ਸਾਹਿਬ ਨੇ ਇਸ ਸਬੰਧੀ ਕਿਹਾ ਕਿ ਭੱਤਿਆ ਵਿੱਚ ਬਹੁਤ ਜਲਦੀ ਵਾਧਾ ਕੀਤਾ ਜਾਵੇਗਾ। ਕੰਟਰੈਕਟ ਅਤੇ ਡੇਲੀਵੇਜ਼ ਤੇ ਕੰਮ ਕਰਦੇ ਮੁਲਾਜਮਾਂ ਨੂੰ ਪੱਕੇ ਕਰਨ ਲਈ ਪੰਜਾਬ ਸਰਕਾਰ ਜਲਦੀ ਹੀ ਫੈਸਲਾ ਲੈਣ ਜਾ ਰਹੀ ਹੈ। ਮੁਲਜਮਾ ਦਾ ਵਿਕਾਸ ਟੈਕਸ ਦੇ ਰੂਪ ਕੱਟਿਆ ਜਾਣ ਵਾਲਾ 200 ਰੁਪਇਆ ਮਹੀਨਾ ਦੇ ਬਾਰੇ ਮੰਤਰੀ ਸਾਹਿਬ ਨੇ ਕਿਹਾ ਕਿ 200 ਰੁਪਏ ਸਲਾਨਾ ਘਟਾ ਦਿੱਤਾ ਗਿਆ ਹੈ ਅਤੇ ਬਾਕੀ ਖਜਾਨੇ ਦੀ ਸਥਿਤੀ ਸਹੀ ਹੋਣ ਤੇ ਬਾਕੀ ਵੀ ਬੰਦ ਕਰ ਦਿੱਤਾ ਜਾਵੇਗਾ। ਪੁਰਾਣੀ ਪੈਨਸ਼ਨ ਦੀ ਬਹਾਲੀ ਪ੍ਰਤੀ ਮੰਤਰੀ ਜੀ ਨੇ ਸਬ ਕਮੇਟੀ ਵਿੱਚ ਵਿਚਾਰਨ ਲਈ ਕਿਹਾ ਹਰਜੋਤ ਸਿੰਘ ਬੈਸ ਸਿੱਖਿਆ ਮੰਤਰੀ ਦੇ ਜਿਲ੍ਹੇ ਰੂਪਨਗਰ ਵਿੱਚ ਬੀ.ਈ.ਪੀ.ਓ. ਦੀਆਂ 10 ਪੋਸ਼ਟਾ ਹਨ ਜਿਹਨਾਂ ਵਿੱਚੋਂ 9 ਖਾਲੀ ਹਨ ਜਿਹਨਾ ਨੂੰ ਤੁਰੰਤ ਭਰਨ ਦੀ ਮੰਗ ਕੀਤੀ।
