ਇਨਰ ਵੀਲ੍ਹ ਕਲੱਬ ਨੇ ਉਤਸ਼ਾਹ ਨਾਲ ਮਨਾਇਆ
ਬਜ਼ੁਰਗਾ ਦੇ ਆਪਣਾ ਘਰ ‘ਚ ਇਨਰਵੀਲ੍ਹ ਕਲੱਬ ਨੇ ਉਤਸਾਹ ਨਾਲ ਮਨਾਇਆ 79ਵਾਂ ਅਜ਼ਾਦੀ ਦਿਵਸ
ਰੂਪਨਗਰ,16 ਅਗਸਤ ( ਅਵਤਾਰ ਸਿੰਘ ਕੰਬੋਜ )
ਬਜ਼ੁਰਗਾ ਦੇ ਆਪਣਾ ਘਰ ਹਵੇਲੀ ਕਲਾਂ ਵਿਖੇ ਇਨਰਵੀਲ੍ਹ ਕਲੱਬ ਰੂਪਨਗਰ ਵਲੋਂ 79ਵਾਂ ਅਜ਼ਾਦੀ ਦਿਵਸ ਬਹੁਤ ਹੀ ਉਤਸ਼ਾਹ ਨਾਲ ਮਨਾਇਆ ਗਿਆ। ਇਸ ਮੌਕੇ ਕੌਮੀ ਝੰਡਾ ਲਹਿਰਾਉਣ ਦੀ ਰਸਮ ਅਪਣਾ ਘਰ ਦੇ ਸਭ ਤੋਂ ਵੱਡੇ ਵਸਨੀਕ ਭੁਪਿੰਦਰ ਸਿੰਘ ਨੇ ਅਦਾ ਕੀਤੀ। ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਬਜ਼ੁਰਗ ਅਤੇ ਇੰਨਰਵੀਲ੍ਹ ਕਲੱਬ ਦੇ ਮੈਂਬਰ ਹਾਜ਼ਰ ਸਨ। ਇਸ ਉਪਰੰਤ ਕਲੱਬ ਦੀਆਂ ਮੈਬਰਾਂ ਨੇ ਪ੍ਰਧਾਨ ਗੁਰਮੀਤ ਕੌਰ ਅਤੇ ਸਕੱਤਰ ਕੁਸਮ ਸ਼ਰਮਾ ਦੀ ਅਗਵਾਈ ਵਿੱਚ ਦੇਸ਼ ਭਗਤੀ ਤੇ ਅਧਾਰਿਤ ਸ਼ਾਨਦਾਰ ਸਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤਾ ਅਤੇ ਆਪਣੇ ਘਰ ਦੇ ਵਸਨੀਕਾ ਦਾ ਸਨਮਾਨ ਵੀ ਕੀਤਾ। ਉਨ੍ਹਾਂ ਬਜੁਰਗਾਂ ਨਾਲ ਅਜ਼ਾਦੀ ਦਿਵਸ ਮਨਾਉਣ ਸਬੰਧੀ ਉਨ੍ਹਾਂ ਦੇ ਪੁਰਾਣੇ ਤੁਜਰਵੇ ਵੀ ਸਾਂਝੇ ਕੀਤੇ। ਇਸ ਮੌਕੇ ਆਪਣਾ ਘਰ ਪ੍ਬੰਧਕੀ ਕਮੇਟੀ ਦੇ ਪ੍ਰਧਾਨ ਰਾਜਿੰਦਰ ਸੈਣੀ ਨੇ ਸਭ ਨਾਲ 79ਵੇਂ ਅਜ਼ਾਦੀ ਦਿਵਸ ਦੀ ਵਧਾਈ ਸਾਂਝੀ ਕੀਤੀ ਅਤੇ ਕਿਹਾ ਕਿ ਪਹਿਲੀ ਵਾਰ ਜਿਸ ਤਰਾਂ ਇਨਰਵੀਲ੍ਹ ਕਲੱਬ ਦੇ ਮੈਬਰਾਂ ਵਲੋਂ ਅਪਣਾ ਘਰ ਦੇ ਬਜੁਰਗਾਂ ਨਾਲ ਅਜ਼ਾਦੀ ਦਿਵਸ ਮਨਾਇਆ ਗਿਆ ਹੈ ਉਹ ਇਸ ਲਈ ਉਨ੍ਹਾਂ ਦਾ ਧੰਨਵਾਦ ਕਰਦੇ ਹਨ ਅਤੇ ਭਵਿੱਖ ਵਿਚ ਇਸ ਸਮਾਗਮ ਨੂੰ ਹੋਰ ਵੀ ਵਧੇਰੇ ਉਤਸ਼ਾਹ ਨਾਲ ਮਨਾਇਆ ਜਾਵੇਗਾ। ਉਨ੍ਹਾ ਦੇਸ਼ ਦੀ ਅਜ਼ਾਦੀ ਲਈ ਸ਼ਹੀਦ ਹੋਏ ਦੇਸ਼ ਭਗਤਾ ਦੀ ਕੁਰਬਾਨੀ ਨੂੰ ਵੀ ਯਾਦ ਕੀਤਾ।
