ਸੈਣੀ ਚੈਰੀਟੇਬਲ ਐਜੂਕੇਸ਼ਨ ਟਰੱਸਟ ਨੇ ਵਿਦਆਰਥੀਆਂ ਨੂੰ ਵਜ਼ੀਫ਼ੇ ਦੇਣ ਲਈ ਅਰਜ਼ੀਆਂ ਮੰਗੀਆ
ਰੂਪਨਗਰ,13 ਅਗਸਤ ( ਬਾਈ ਜੀ ਪੰਜਾਬੀ )
ਸੈਣੀ ਚੈਰੀਟੇਬਲ ਐਜੂਕੇਸ਼ਨ ਟਰੱਸਟ (ਰਜਿ.) ਸੈਣੀ ਭਵਨ ਰੂਪਨਗਰ ਵੱਲੋਂ ਪੇਸ਼ੇਵਰ ਤਕਨੀਕੀ ਅਤੇ ਉਚੇਰੀ ਵਿਦਅਕ ਸੰਸਥਾਵਾਂ ‘ਚ ਦਾਖਲ ਵਿਦਆਰਥੀਆਂ ਨੂੰ ਸਾਲ 2025-26 ਦੌਰਾਨ ਵਜ਼ੀਫ਼ੇ ਦੇਣ ਲਈ 31 ਅਗਸਤ 2025 ਤੱਕ ਅਰਜੀਆ ਨਿਧਾਰਤ ਫਾਰਮ ‘ਚ ਲਈਆ ਜਾਣਗੀਆ। ਫਾਰਮ ਸੈਣੀ ਭਵਨ ਤੋਂ ਸਵੇਰੇ 10 ਤੋਂ 1 ਵਜੇ ਤੱਕ ਪ੍ਰਾਪਤ ਕੀਤੇ ਜਾ ਸਕਦੇ ਹਨ।
ਇਹ ਫੈਸਲਾ ਟਰੱਸਟ ਦੀ ਚੇਅਰਮੈਨ ਬਲਬੀਰ ਸਿੰਘ ਸੈਣੀ ਦੀ ਪ੍ਰਧਾਨਗੀ ਹੇਠ ਹੋਈ ਮੀਟਿੰਗ ਦੌਰਾਨ ਕੀਤਾ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਟਰਸੱਟ ਦੇ ਪ੍ਰਧਾਨ ਰਾਜਿੰਦਰ ਸੈਣੀ ਨੇ ਦੱਸਿਆ ਕਿ ਟਰੱਸਟ ਵਲੋਂ ਵਜ਼ੀਫੇ ਅਕਤੂਬਰ ਮਹੀਨੇ ਦੇ ਪਹਿਲੇ ਹਫਤੇ ‘ਚ ਵੰਡੇ ਜਾਣਗੇ ਅਤੇ ਵਿਦਆਰਥੀਆਂ ਦੇ ਆਤਮ ਵਿਸ਼ਵਾਸ ਨੂੰ ਦ੍ਰਿੜ ਬਣਾਉਣ ਦੇ ਉਦੇਸ਼ ਨਾਲ ਭਖਦੇ ਮਸਲਿਆਂ ਤੇ ਭਾਸ਼ਣ ਮੁਕਾਬਲੇ ਵੀ ਕਰਵਾਏ ਜਾਣਗੇ। ਮੁਕਾਬਲਿਆਂ ਵਿੱਚ ਜੇਤੂ ਵਿਦਆਰਥੀਆਂ ਨੂੰ ਨਕਦ ਇਨਾਮ ਦਿੱਤਾ ਜਾਵੇਗਾ। ਟਰੱਸਟ ਵਲੋਂ ਇਹ ਵਜ਼ੀਫ਼ੇ ਆਰਥਿਕ ਪੱਖੋ ਕਮਜ਼ੋਰ ਪਰਿਵਾਰਾਂ ਦੇ ਪੜਾਈ ਵਿੱਚ ਵਧਿਆ ਨਤੀਜੇ ਹਾਸਲ ਕਰਨ ਵਾਲੇ ਵਿਦਆਰਥੀਆਂ ਨੂੰ ਦਿੱਤੇ ਜਾਂਦੇ ਹਨ। ਪਰਿਵਾਰ ਦੀ ਸਾਲਾਨਾ ਆਮਦਨ 5 ਲੱਖ ਤੋਂ ਵੱਧ ਨਹੀ ਹੋਣੀ ਚਾਹੀਦੀ ਹੈ। ਸਹੀ ਸੂਚਨਾ ਨਾ ਦੇਣ ਵਾਲੇ ਵਿਦਆਰਥੀਆਂ ਦੀ ਅਰਜ਼ੀ ਰਦ ਕਰ ਦਿੱਤੀ ਜਾਵੇਗੀ। ਨਿਧਾਰਤ ਫਾਰਮ ਸੈਣੀ ਭਵਨ ਤੋਂ ਕੰਮ ਵਾਲੇ ਦਿਨਾਂ ਦੌਰਾਨ ਲਏ ਜਾ ਸਕਦੇ ਹਨ।
ਟਰੱਸਟ ਦੇ ਸਕੱਤਰ ਅਮਰਜੀਤ ਸਿੰਘ ਨੇ ਮੀਟਿੰਗ ‘ਚ ਦੱਸਿਆ ਕਿ ਹਰ ਸਾਲ ਦੀ ਤਰਾਂ ਇਸ ਵਾਰ ਵੀ ਟਰੱਸਟ ਵਲੋਂ ਐਲ. ਆਰ. ਮੁੰਡਰਾ ਮੈਮੋਰੀਅਲ ਸਕਾਲਰਸ਼ਿਪ 2025-26 ਲਈ ਅਰਜ਼ੀਆ 20 ਸਤੰਬਰ 2025 ਤੱਕ ਲਈਆ ਜਾਣਗੀਆ। ਇਹ ਵਜ਼ੀਫਾ ਡੋਨਰ ਦੀ ਇੱਛਾ ਅਨੁਸਾਰ ਕੇਵਲ ਸੈਣੀ ਬਰਾਦਰੀ ਦੇ ਉਸ ਵਿਦਆਰਥੀ ਨੂੰ ਦਿੱਤਾ ਜਾਂਦਾ ਹੈ ਜੋ ਵਿਦਆਰਥੀ ਦੇਸ਼ ਦੀ ਕਿਸੀ ਉੱਚ ਵੱਕਾਰੀ ਸੰਸਥਾ ਵਿੱਚ ਖੋਜ਼ ਦੇ ਖੇਤਰ ਵਿੱਚ ਪੜਾਈ ਕਰਦਾ ਹੈ ਅਤੇ ਉਹ ਪੰਜਾਬ, ਹਰਿਆਣਾ, ਹਿਮਾਚਲ, ਚੰਡੀਗੜ੍ਹ ਤੇ ਦਿੱਲੀ ਰਾਜ ਸਬੰਧਤ ਹੋਵੇਗਾ। ਇਸ ਵਜ਼ੀਫੇ ਦੀ ਰਕਮ ਇਕ ਵਿਦਆਰਥੀ ਨੂੰ 3 ਲੱਖ ਰੁਪਏ ਸਾਲਾਨਾ ਤੱਕ ਦਿੱਤੀ ਜਾਂਦੀ ਹੈ। ਇਸ ਵਜ਼ੀਫੇ ਲਈ ਵਿਦਆਰਥੀ ਨੂੰ ਇੱਕ ਨਿਧਾਰਤ ਫਾਰਮ ਤੇ ਤਹਿ ਸ਼ਰਤਾ ਅਧੀਨ ਅਪਲਾਈ ਕਰਨਾ ਹੋਵੇਗਾ। ਵਜ਼ੀਫਾ ਇੱਕ ਵਿਸ਼ੇਸ਼ ਗਠਤ ਮਹਿਰਾ ਦੀ ਪੰਜ ਮੈਂਬਰੀ ਕਮੇਟੀ ਵਲੋਂ ਚੋਣ ਕੀਤੇ ਵਿਦਆਰਥੀ ਨੂੰ ਦਿੱਤਾ ਜਾਂਦਾ ਹੈ। ਮੀਟਿੰਗ ਵਿੱਚ ਟਰੱਸਟ ਦੇ ਵਾਇਸ ਚੇਅਰਮੈਨ ਡਾ. ਅਜਮੇਰ ਸਿੰਘ, ਵਾਇਸ ਪ੍ਰਧਾਨ ਡਾ. ਜਸਵੰਤ ਕੌਰ ਸੈਣੀ, ਹਰਚਰਨ ਦਾਸ ਸੈਰ, ਰਾਜਿੰਦਰ ਸਿੰਘ ਗਿਰਨ ਤੋਂ ਸੈਣੀ ਭਵਨ ਪ੍ਰਬੰਧਕ ਕਮੇੇਟੀ ਦੇ ਮੈਂਬਰ ਇੰਜ. ਹਰਜੀਤ ਸਿੰਘ ਸੈਣੀ, ਰਾਜਿੰਦਰ ਸਿੰਘ ਨਨੂਆ, ਦਲਜੀਤ ਸਿੰਘ, ਜਗਦੇਵ ਸਿੰਘ, ਪ੍ਰਿਤਪਾਲ ਸਿੰਘ, ਹਰਦੀਪ ਸਿੰਘ ਆਦਿ ਹਾਜ਼ਰ ਸਨ।
