ਰੂਪਨਗਰ 19 ਅਪ੍ਰੈਲ ( ਅਵਤਾਰ ਸਿੰਘ ਕੰਬੋਜ਼ )
ਰੂਪਨਗਰ ਪੁਲਿਸ ਵੱਲੋਂ ਬਣਾਈ ਗਈ ਇੱਕ ਸਪੈਸ਼ਲ ਟੀਮ ਵੱਲੋਂ ਕਾਰਵਾਈ ਕਰਦਿਆਂ ਦੋ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕਰਕੇ ਲੁੱਟ ਖੋਹ ਦੀ ਵਾਰਦਾਤ ਨੂੰ ਟਰੇਸ ਕੀਤਾ ਗਿਆ ਹੈ ਅਤੇ ਉਹਨਾਂ ਕੋਲੋਂ ਇੱਕ ਮੋਬਾਇਲ ਫੋਨ ਅਤੇ ਇੱਕ ਮੋਟਰਸਾਈਕਲ ਬਰਾਮਦ ਕੀਤਾ ਗਿਆ ਹੈ।
ਐਸਐਸਪੀ ਰੂਪਨਗਰ ਸ੍ਰੀ ਮਨਿੰਦਰਪਾਲ ਸਿੰਘ IPS ਨੇ ਦੱਸਿਆ ਕਿ ਇੰਸ: ਪਵਨ ਕੁਮਾਰ, ਮੁੱਖ ਅਫਸਰ ਥਾਣਾ ਸਿਟੀ ਰੂਪਨਗਰ ਦੀ ਅਗਵਾਈ ਹੇਠ ਗਠਿਤ ਕੀਤੀ ਗਈ ਸਪੈਸਲ ਟੀਮ ਵੱਲੋ ਇਹ ਪ੍ਰਾਪਤੀ ਕੀਤੀ ਗਈ ਹੈ।
ਐਸਐਸਪੀ ਰੂਪਨਗਰ ਨੇ ਦੱਸਿਆ ਕਿ 16 ਅਪ੍ਰੈਲ ਨੂੰ ਦਸ਼ਮੇਸ਼ ਨਗਰ ਰੂਪਨਗਰ ਵਿਖੇ ਸਕੂਲ ਅਧਿਆਪਕਾ ਜੋ ਸਕੂਲ ਤੇ ਛੁੱਟੀ ਹੋਣ ਤੇ ਬਾਅਦ ਘਰ ਵਾਪਸ ਜਾ ਰਹੀ ਸੀ ਤਾਂ 01 ਨਕਾਬਪੋਸ਼ ਵਿਅਕਤੀ ਜੇ ਸਕੂਲ ਅਧਿਆਪਕਾ ਦਾ ਪਿੱਛਾ ਕਰਦਾ ਆਇਆ ਜੋ ਸਕੂਲ ਅਧਿਆਪਕਾ ਦੇ ਹੱਥੋਂ 01 ਹੈਡ ਬੈਗ ਦੀ ਖੋਹ ਕਰਕੇ ਅਪਣੇ ਨਾਮਲੂਮ ਮੋਟਰਸਾਈਕਲ ਸਵਾਰ ਸਾਥੀ ਨਾਲ ਮੋਕਾ ਤੋਂ ਫਰਾਰ ਹੋ ਗਿਆ। ਜਿਸ ਸਬੰਧੀ ਮੁਕੱਦਮਾ ਨੰਬਰ 88 ਮਿਤੀ 16.04.2026 / 304(2), 3(5) BNS ਥਾਣਾ ਸਿਟੀ ਰੂਪਨਗਰ ਦਰਜ ਰਜਿਸਟਰ ਕੀਤਾ ਗਿਆ। ਜਿਹਨਾ ਦੀ ਭਾਲ ਲਈ ਥਾਣਾ ਹਜਾ ਦੀ ਇੱਕ ਸਪੈਸ਼ਲ ਟੀਮ ਗਠਿਤ ਕੀਤੀ ਗਈ। ਜੋ ਇਸ ਸਪੈਸ਼ਲ ਟੀਮ ਵਲੋਂ ਨਾਮਲੂਮ ਨਕਾਬਪੋਸ਼ ਮੋਟਰਸਾਈਕਲ ਸਵਾਰਾ ਭਾਲ ਕਰਨ ਲਈ ਤਕਨੀਕੀ ਸਾਧਨਾ ਦੀ ਵਰਤੋਂ ਕਰਦੇ ਹੋਏ ਦੋਰਾਨੇ ਤਫਤੀਸ਼ ਮਿਤੀ 19.04.2026 ਨੂੰ ਮਨਵੀਰ ਸਿੰਘ ਉਰਫ ਮਨੀ ਪੁੱਤਰ ਕਾਰਜ ਸਿੰਘ ਵਾਸੀ ਪਿੰਡ ਰੋਡ ਮਾਜਰਾ ਥਾਣਾ ਸਿੰਘ ਭਗਵੰਤਪੁਰ ਜਿਲ੍ਹਾ ਰੂਪਨਗਰ (ਖੋਹ ਕਰਨ ਵਾਲਾ) ਅਤੇ ਦਵਿੰਦਰ ਸਿੰਘ ਉਰਫ ਪ੍ਰਿੰਸ ਪੁੱਤਰ ਕਰਨੈਲ ਸਿੰਘ ਵਾਸੀ ਪਿੰਡ ਭਾਗੋ ਮਾਜਰਾ ਥਾਣਾ ਸਿੰਘ ਭਗਵੰਤਪੁਰ ਜਿਲ੍ਹਾ ਰੂਪਨਗਰ (ਮੋਟਰਸਾਈਕਲ ਸਵਾਰ) ਨੂੰ ਕਾਬੂ ਕਰਕੇ ਗ੍ਰਿਫਤਾਰ ਕੀਤਾ ਗਿਆ। ਜਿਹਨਾ ਪਾਸੇ ਖੋਹ ਕੀਤਾ ਗਿਆ 01 ਮੋਬਾਇਲ ਫੋਨ ਮਾਰਕਾ Redmi Note 11 Pro + ਅਤੇ ਇੱਕ ਮੋਟਰਸਾਈਕਲ ਮਾਰਕਾ ਸਪਲੈਂਡਰ ਰੰਗ ਕਾਲਾ ਬ੍ਰਾਮਦ ਕੀਤਾ ਗਿਆ। ਜੋ ਉਕਤਾਨ ਦੋਸ਼ੀਆਨ ਨੂੰ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ ਵਧੇਰੇ ਪੁੱਛਗਿੱਛ ਲਈ ਪੁਲਿਸ ਰਿਮਾਂਡ ਹਾਸਲ ਕੀਤਾ ਜਾਵੇਗਾ ਅਤੇ ਇਹਨਾਂ ਵਲੋਂ ਕੀਤੀਆ ਗਈਆਂ ਹੋਰ ਵਾਰਦਾਤਾ ਬਾਰੇ ਪਤਾ ਲਗਾਇਆ ਜਾਵੇਗਾ। ਜੋ ਪੁੱਛਗਿੱਛ ਤੋਂ ਹੋਰ ਵੱਡੇ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ ਮੁਕੰਦਮਾ ਦੀ ਤਫਤੀਸ਼ ਜਾਰੀ ਹੈ।
