ਰੂਪਨਗਰ, 23 ਫਰਵਰੀ ( ਅਵਤਾਰ ਸਿੰਘ ਕੰਬੋਜ਼ )
ਕਾਕਾ ਰਾਮ ਸੈਣੀ ਚੈਰੀਟੇਬਲ ਟਰੱਸਟ (ਰਜਿ.) ਸੈਣੀ ਭਵਨ ਰੂਪਨਗਰ ਵਲੋਂ ਸਮਾਜ ਭਲਾਈ ਦੇ ਖੇਤਰ ਵਿੱਚ ਕੀਤੇ ਜਾ ਰਹੇ ਕੰਮਾਂ ਸਦਕਾ ਹਰ ਸਾਲ ਦੋ ਖੂਨਦਾਨ ਕੈਂਪ ਲਗਾਉਣ ਕਾਰਨ ਸਾਲ 2025 ਲਈ ਵੀ ਸਨਮਾਨ ਪ੍ਰਾਪਤ ਹੋਇਆ ਹੈ।
ਸੰਸਥਾ ਨੂੰ ਇਹ ਸਨਮਾਨ ਰੋਟਰੀ ਐਂਡ ਬਲੱਬ ਬੈਕ ਸੁਸਾਇਟੀ ਰਿਸੋਰਸ ਸੈਂਟਰ ਚੰਡੀਗੜ੍ਹ ਵਲੋਂ ਬੀਤੀ ਸਾਮ ਮਗਸੀਪਾ ਸੈਕਟਰ 26 ਵਿਖੇ ਕੀਤੇ ਵਿਸ਼ੇਸ਼ ਸਮਾਰੋਹ ਦੌਰਾਨ ਭੇਟ ਕੀਤਾ ਗਿਆ।ਸਮਾਰੋਹ ਦੇ ਮੁੱਖ ਮਹਿਮਾਨ ਚੰਡੀਗੜ੍ਹ ਤੋਂ ਲੋਕ ਸਭਾ ਮੈਂਬਰ ਮਨੀਸ਼ ਤਿਵਾੜੀ ਸਨ। ਇਹ ਸਨਮਾਨ ਸੰਸਥਾ ਵਲੋਂ ਟਰੱਸਟੀਆ ਰਾਜਿੰਦਰ ਸੈਣੀ, ਦਲਜੀਤ ਸਿੰਘ, ਜਗਦੇਵ ਸਿੰਘ ਅਤੇ ਬਲੱਡ ਡੋਨਰ ਚਰਨਦੀਪ ਸਿੰਘ ਚੈਰੀ ਵਲੋਂ ਪ੍ਰਾਪਤ ਕੀਤਾ ਗਿਆ।
ਸਾਲ 2025 ਦੌਰਾਨ ਸੰਸਥਾ ਵਲੋਂ ਲਗਾਏ ਗਏ ਦੋ ਖੂਨਦਾਨ ਕੈਂਪਾ ਦੌਰਾਨ 111 ਯੁਨਿਟ ਇਕਠਾ ਕੀਤਾ ਗਿਆ ਸੀ ਅਤੇ ਇਹ ਸੰਸਥਾ ਹੁਣ ਤੱਕ ਲਗਾਤਾਰ 25 ਖੂਨਦਾਨ ਕੈਂਪ ਲਗਾ ਚੁੱਕੀ ਹੈ। ਇਸ ਮੌਕੇ ਸ਼੍ਰੀ ਤਿਵਾੜੀ ਨੇ ਸੰਸਥਾ ਦੇ ਪ੍ਰਤੀਨਿਧਾ ਨੂੰ ਵਧਾਈ ਦਿੱਤੀ ਅਤੇ ਸੈਣੀ ਭਵਨ ਨਾਲ ਨਾਲ ਆਪਣੀ ਨੇੜਤਾ ਵਾਰੇ ਇਸ ਹਲਕੇ ਦੇ ਸੰਸਦ ਮੈਂਬਰ ਸਮੇਂ ਦੀਆ ਯਾਦਾ ਨੂੰ ਵੀ ਸਾਂਝਾ ਕੀਤਾ। ਸੰਸਥਾ ਦੇ ਪ੍ਰਤੀਨਿਧਾ ਨੇ ਉਨ੍ਹਾ ਨੂੰ ਦੱਸਿਆ ਕਿ ਉਨ੍ਹਾ ਦੀ ਗਰਾਂਟ ਸਦਕਾ ਸੈਣੀ ਭਵਨ ‘ਚ ਸ਼ਾਨਦਾਰ ਮਿੰਨੀ ਹਾਲ ਦੀ ਉਸਾਰੀ ਕੀਤੀ ਗਈ ਹੈ। ਜਿਸ ਤੇ ਸ਼੍ਰੀ ਤਿਵਾੜੀ ਨੇ ਖੁਸ਼ੀ ਪ੍ਰਗਟ ਕੀਤੀ ਅਤੇ ਕਿਸੇ ਸਮੇਂ ਚੱਕਰ ਲਗਾਉਣ ਦੀ ਇੱਛਾ ਪ੍ਰਗਟਾਈ ਹੈ। ਇਸ ਸਮਾਰੋਹ ਸਮੇਂ ਵੱਡੀ ਗਿਣਤੀ ਵਿੱਚ ਖੂਨਦਾਨੀ, ਵੱਖ ਵੱਖ ਸਮਾਜ ਸੇਵੀ ਸੰਸਥਾਵਾ ਦੇ ਨੁਮਾਇਦੇਂ ਅਤੇ ਬਲੱਡ ਬੈਂਕ ਦੇ ਡਾਇਰੈਕਟਰ ਡਾ. ਮੁਨੀਸ, ਡਾ. ਰੌਲੀ ਅਗਵਾਲ, ਆਰ. ਕੇ. ਸਾਬੂ ਤੇ ਸ਼੍ਰੀ ਨਹਿਰੂ ਆਦਿ ਪਤਵੰਤੇ ਹਾਜ਼ਰ ਸਨ।
