65 ਕਾਲਜਾਂ ਨੂੰ ਪਛਾੜ ਕੇ ਦਰਜ ਕੀਤੀ ਸ਼ਾਨਦਾਰ ਜਿੱਤ
ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਅਡਵੋਕੇਟ ਧਾਮੀ, ਡਾ. ਚੀਮਾ ਸਮੇਤ ਗਵਰਨਿੰਗ ਬੋਰਡ ਦੇ ਮੈਂਬਰਾਂ ਤੇ ਸਕੱਤਰ ਸਿੱਖਿਆ ਵੱਲੋਂ ਸਟਾਫ ਤੇ ਵਿਦਿਆਰਥੀਆਂ ਨੂੰ ਦਿੱਤੀਆਂ ਗਈਆਂ ਵਧਾਈਆਂ
ਸ੍ਰੀ ਅਨੰਦਪੁਰ ਸਾਹਿਬ ( ਬਾਈ ਜੀ ਪੰਜਾਬੀ )
ਦੁਆਬਾ ਗਰੁੱਪ ਆਫ ਕਾਲਜਿਜ਼ ਘਟੌਰ, ਖਰੜ ਵਿਖੇ ਹੋਏ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੇ ਰੋਪੜ-ਫ਼ਤਹਿਗੜ੍ਹ ਸਾਹਿਬ ਖੇਤਰੀ ਯੁਵਕ ਮੇਲੇ ਵਿੱਚ ਸ੍ਰੀ ਗੁਰੂ ਤੇਗ ਬਹਾਦਰ ਖਾਲਸਾ ਕਾਲਜ ਸ੍ਰੀ ਆਨੰਦਪੁਰ ਸਾਹਿਬ ਨੇ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੇ 65 ਕਾਲਜਾਂ ਨੂੰ ਪਛਾੜਦੇ ਹੋਏ ਓਵਰਆਲ ਟਰਾਫੀ ਤੇ ਕਬਜ਼ਾ ਕਰਕੇ ਇਤਿਹਾਸਕ ਜਿੱਤ ਦਰਜ਼ ਕੀਤੀ।
ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ਨੇ ਕਾਲਜ ਦੇ ਇਸ ਸ਼ਾਨਦਾਰ ਪ੍ਰਦਰਸ਼ਨ ‘ਤੇ ਖੁਸ਼ੀ ਪ੍ਰਗਟਾਉਂਦਿਆਂ ਕਿਹਾ ਕਿ ਸਿੱਖ ਵਿਦਿਅਕ ਅਦਾਰੇ ਹਮੇਸ਼ਾਂ ਵਿਦਿਆਰਥੀਆਂ ਵਿੱਚ ਗੁਰਮਤਿ ਗਿਆਨ, ਨੈਤਿਕਤਾ, ਖੇਡਾਂ ਦੇ ਖੇਤਰ ਅਤੇ ਕਲਾ ਪ੍ਰਤੀ ਰੁਝਾਨ ਪੈਦਾ ਕਰਨ ਵਿੱਚ ਮੋਹਰੀ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਖਾਲਸਾ ਕਾਲਜ ਦੀ ਇਹ ਜਿੱਤ ਸ਼੍ਰੋਮਣੀ ਕਮੇਟੀ ਦੇ ਵਿਦਿਅਕ ਅਦਾਰਿਆਂ ਦੀ ਚੜ੍ਹਦੀ ਕਲਾ ਦੀ ਨਿਸ਼ਾਨੀ ਹੈ।
ਸਾਬਕਾ ਸਿੱਖਿਆ ਮੰਤਰੀ, ਸ਼੍ਰੋਮਣੀ ਅਕਾਲੀ ਦਲ ਦੇ ਸੀਨੀਅਰ ਆਗੂ ਅਤੇ ਕਾਲਜ ਦੀ ਪ੍ਰਬੰਧਕੀ ਕਮੇਟੀ ਦੇ ਸਕੱਤਰ ਡਾ. ਦਲਜੀਤ ਸਿੰਘ ਚੀਮਾ ਨੇ ਕਿਹਾ ਕਿ ਖਾਲਸਾ ਕਾਲਜ ਦੀ ਇਹ ਵੱਡੀ ਜਿੱਤ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਦੀ ਸਾਂਝੀ ਮਿਹਨਤ ਦਾ ਨਤੀਜਾ ਹੈ। ਉਨ੍ਹਾਂ ਕਿਹਾ ਕਿ ਕਾਲਜ ਹਮੇਸ਼ਾਂ ਵਿਦਿਅਕ, ਸੱਭਿਆਚਾਰਕ, ਆਧਿਆਤਮਿਕ ਤੇ ਖੇਡਾਂ ਦੇ ਖੇਤਰ ਵਿੱਚ ਮਾਣਮੱਤਆਂ ਪ੍ਰਾਪਤ ਕਰਦਾ ਰਿਹਾ ਹੈ ਤੇ ਇਹਨਾਂ ਪ੍ਰਾਪਤੀਆਂ ਕਰਕੇ ਖਾਲਸਾ ਕਾਲਜ ਇਲਾਕੇ ਦੀ ਸਿਰਮੋਰ ਸੰਸਥਾ ਵਜੋਂ ਸਥਾਪਿਤ ਹੋ ਚੁੱਕਾ ਹੈ।
ਇਸ ਮੌਕੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਡਾਇਰੈਕਟਰ ਸਿੱਖਿਆ ਅਤੇ ਸਕੱਤਰ ਸਿੱਖਿਆ ਸਰਦਾਰ ਸੁਖਮਿੰਦਰ ਸਿੰਘ, ਕਮੇਟੀ ਮੈਂਬਰ ਭਾਈ ਅਮਰਜੀਤ ਸਿੰਘ ਚਾਵਲਾ, ਅਜਮੇਰ ਸਿੰਘ ਖੇੜਾ ਅਤੇ ਅਗਜੈਕਟਿਵ ਮੈਂਬਰ ਦਲਜੀਤ ਸਿੰਘ ਭਿੰਡਰ ਵੱਲੋਂ ਵੀ ਕਾਲਜ ਪ੍ਰਿੰਸੀਪਲ, ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਨੂੰ ਇਸ ਇਤਿਹਾਸਕ ਜਿੱਤ ਲਈ ਦਿਲੋਂ ਮੁਬਾਰਕਬਾਦ ਦਿੱਤੀ ਗਈ।
ਕਾਲਜ ਦੇ ਪ੍ਰਿੰਸੀਪਲ ਡਾ. ਜਸਵੀਰ ਸਿੰਘ ਨੇ ਕਿਹਾ ਕਿ ਇਹ ਪ੍ਰਾਪਤੀ ਸਮੂਹ ਸਟਾਫ ਅਤੇ ਵਿਦਿਆਰਥੀਆਂ ਦੀ ਸਮਰਪਣ ਭਰੀ ਮਿਹਨਤ ਦਾ ਨਤੀਜਾ ਹੈ। ਉਨ੍ਹਾਂ ਕਿਹਾ ਕਿ ਖਾਲਸਾ ਕਾਲਜ ਅਜੋਕੀ ਵਿਦਿਆ ਦੇ ਨਾਲ ਨਾਲ ਵਿਦਿਆਰਥੀਆਂ ਨੂੰ ਗੁਰਮਤਿ, ਸੱਭਿਆਚਾਰ ਤੇ ਆਪਣੀਆਂ ਅਮੀਰ ਰਵਾਇਤਾਂ ਨਾਲ ਵੀ ਜੋੜਦਾ ਹੈ। ਉਨ੍ਹਾਂ ਕਿਹਾ ਕਿ ਵਿਦਿਆਰਥੀ ਦੇ ਸਰਵਪੱਖੀ ਵਿਕਾਸ ਲਈ ਕਾਲਜ ਵੱਲੋਂ ਕੀਤੇ ਉਦਮਾਂ ਦੇ ਸਦਕਾ ਹੀ ਅੱਜ ਕਾਲਜ ਵੱਲੋਂ ਵੱਡੀ ਜਿੱਤ ਦਰਜ ਕੀਤੀ ਗਈ ਹੈ।
ਇਸ ਦੇ ਨਾਲ ਹੀ ਕਾਲਜ ਪ੍ਰਿੰਸੀਪਲ ਡਾ. ਜਸਬੀਰ ਸਿੰਘ ਨੇ ਦੀਨ ਕਲਚਰਲ ਅਫੇਅਰ ਪ੍ਰੋਫੈਸਰ ਜੇਪੀ ਸਿੰਘ ਤੋਂ ਇਲਾਵਾਵੱਖ-ਵੱਖ ਵਨਗੀਆਂ ਦੇ ਕਨਵੀਨਰ ਡੀਨ ਕਲਚਰਲ ਅਫੇਅਰਜ਼ ਪ੍ਰੋ. ਜੇਪੀ ਸਿੰਘ ਤੋਂ ਇਲਾਵਾ ਵੱਖ ਵੱਖ ਵੰਨਗੀਆਂ ਦੇ ਕਨਵੀਨਰ ਡਾ. ਮਨਜੀਤ ਸਿੰਘ, ਡਾ. ਦੀਪ ਸ਼ਿਖਾ, ਡਾ. ਗੁਰਪ੍ਰੀਤ ਕੌਰ ਪੰਜਾਬੀ, ਪ੍ਰੋ. ਰਵਿੰਦਰ ਸਿੰਘ ਪੰਜਾਬੀ, ਪ੍ਰੋ. ਪ੍ਰਭਜੋਤ ਕੌਰ ਨੂੰ ਮੁਬਾਰਕਬਾਦ ਦਿੱਤੀ।
ਡੀਨ ਕਲਚਰਲ ਪ੍ਰੋ. ਜੇ.ਪੀ. ਸਿੰਘ ਨੇ ਨਤੀਜੇ ਸਾਂਝੇ ਕਰਦੇ ਹੋਏ ਦੱਸਿਆ ਕਿ ਖਾਲਸਾ ਕਾਲਜ ਨੇ ਖੇਤਰੀ ਯੁਵਕ ਮੇਲੇ ਵਿੱਚ ਸਾਰੇ ਕਾਲਜਾਂ ਨੂੰ ਪਛਾੜਦੇ ਹੋਏ ਓਵਰਆਲ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਹੈ ਤੇ ਇਸ ਤੋਂ ਇਲਾਵਾ ਕਾਲਜ ਨੇ ਓਵਰਆਲ ਮਿਊਜ਼ਿਕ, ਲਿਟਰੇਰੀ, ਡਾਂਸ ਅਤੇ ਹੈਰਿਟੇਜ ਆਈਟਮਾਂ ਵਿੱਚ ਪਹਿਲਾ ਸਥਾਨ ਹਾਸਲ ਕੀਤਾ।
ਕਾਲਜ ਨੇ ਭੰਗੜਾ, ਗਰੁੱਪ ਸ਼ਬਦ, ਗ਼ਜ਼ਲ, ਇੰਡਿਅਨ ਗਰੁੱਪ ਸਾਂਗ, ਕਲਚਰਲ ਕੁਇਜ਼, ਕਰੋਸ਼ੀਆ, ਪੱਖੀ ਬਣਾਉਣਾ, ਪਰਾਂਦਾ ਬਣਾਉਣਾ, ਟੋਕਰਾ, ਸ਼ਿੱਕੂ, ਪੀੜ੍ਹੀ, ਇੰਨੂ ਤੇ ਖਿਦੋ ਬਣਾਉਣਾ, ਵੈਸਟਰਨ ਸੋਲੋ ਸਾਂਗ, ਲੋਕ ਗੀਤ, ਫੋਕ ਇੰਸਟ੍ਰੂਮੈਂਟ, ਡਿਬੇਟ, ਗਿੱਧਾ, ਕਲਾਸੀਕਲ ਡਾਂਸ, ਨਾਨ ਪ੍ਰਕਸ਼ਨ, ਕਲੀ ਤੇ ਵਾਰ ਗਾਇਨ ਵਿੱਚ ਪਹਿਲਾ ਸਥਾਨ ਹਾਸਲ ਕੀਤਾ।
ਇਸਦੇ ਨਾਲ ਹੀ ਕਾਲਜ ਦੇ ਵਿਦਿਆਰਥੀਆਂ ਨੇ ਸਾਹਿਤਕ ਗੀਤ , ਜਰਨਲ ਕੁਇਜ਼, ਨਾਲਾ ਬਣਾਉਣਾ, ਰੱਸਾ ਵੱਟਣਾ, ਝੂਮਰ, ਵੈਸਟਰਨ ਗਰੁੱਪ ਸਾਂਗ, ਲਘੂ ਫ਼ਿਲਮ, ਮੁਹਾਵਰੇਦਾਰ ਵਾਰਤਾਲਾਪ, ਫੋਟੋਗ੍ਰਾਫੀ, ਮਿਮਿਕਰੀ, ਫੋਕ ਆਰਕੇਸਟਰਾ, ਰਿਵਾਇਤੀ ਲੋਕ ਗੀਤ, ਪ੍ਰਕਸ਼ਨ, ਕਵੀਸ਼ਰੀ ਵਿਚ ਦੂਜਾ ਸਥਾਨ ਪ੍ਰਾਪਤ ਕੀਤਾ।
ਇਸਤੋਂ ਇਲਾਵਾ ਕਾਲਜ ਵੱਲੋ ਮਾਈਮ, ਸਕਿਟ, ਕਲਾਸੀਕਲ ਵੋਕਲ, ਕਢਾਈ, ਮਿੱਟੀ ਦੇ ਖਿਡੌਣੇ, ਲੁੱਡੀ (ਲੜਕੀਆਂ), ਵੈਸਟਰਨ ਇੰਸਟ੍ਰੂਮੈਂਟ, ਇੰਸਟਾਲੇਸ਼ਨ, ਨਾਟਕ, ਡਕਲਾਮੇਸ਼ਨ, ਕਵਿਤਾ, ਰਿਵਾਇਤੀ ਪਹਿਰਾਵਾ ਆਦਿ ਆਈਟਮਾਂ ਵਿੱਚ ਤੀਜਾ ਸਥਾਨ ਪ੍ਰਾਪਤ ਕੀਤਾ ਗਿਆ । ਦੋਆਬਾ ਕਾਲਜ ਵਿਖੇ ਖੇਤਰੀ ਯੁਵਕ ਮੇਲੇ ਦੇ ਆਖਰੀ ਦਿਨ ਪੰਜਾਬ ਵਿਧਾਨ ਸਭਾ ਦੇ ਡਿਪਟੀ ਸਪੀਕਰ ਜੈਕਿਸ਼ਨ ਸਿੰਘ ਰੋੜੀ ਵੱਲੋਂ ਜੇਤੂ ਟਰਾਫੀਆਂ ਦੇ ਕੇ ਕਾਲਜ ਨੂੰ ਨਿਵਾਜਿਆ ਗਿਆ।
