ਡਾ. ਕੁਲਵੰਤ ਸਿੰਘ ਧਾਲੀਵਾਲ ਨੇ ਅਜੈਵੀਰ ਲਾਲਪੁਰਾ ਦੀ ਨਿਸਵਾਰਥ ਸੇਵਾ ਦੀ ਖੁੱਲ੍ਹ ਕੇ ਕੀਤੀ ਪ੍ਰਸ਼ੰਸਾ — ਕਿਹਾ, “ਇਹੀ ਹੈ ਸੱਚੀ ਇਨਸਾਨੀਅਤ ਦਾ ਰੂਪ”
ਰੋਪੜ ਦੇ ਬੇਲਾ ਚੌਂਕ ਵਿਖੇ 612 ਲੋਕਾਂ ਨੇ ਕਰਵਾਈ ਮੁਫ਼ਤ ਸਿਹਤ ਜਾਂਚ
ਰੋਪੜ, 12 ਅਕਤੂਬਰ ( ਅਵਤਾਰ ਸਿੰਘ ਕੰਬੋਜ਼ )
ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੇ ਜਨਮ ਦਿਨ ਨੂੰ ਸਮਰਪਿਤ “ਸੇਵਾ ਪੰਦਰਵਾੜੇ” ਦੇ ਤਹਿਤ ਅੱਜ ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਅਜੈਵੀਰ ਸਿੰਘ ਲਾਲਪੁਰਾ ਦੀ ਅਗਵਾਈ ਹੇਠ “ਇਨਸਾਨੀਅਤ ਪਹਿਲਾਂ” ਵੱਲੋਂ ਵਰਲਡ ਕੈਂਸਰ ਕੇਅਰ, ਗਲੋਬਲ ਪੰਜਾਬੀ ਐਸੋਸੀਏਸ਼ਨ ਤੇ ਭਾਰਤੀ ਜਨਤਾ ਪਾਰਟੀ ਦੇ ਸਹਿਯੋਗ ਨਾਲ ਰੋਪੜ ਦੇ ਬੇਲਾ ਚੌਂਕ ਵਿਖੇ ਮੈਗਾ ਕੈਂਸਰ ਕੇਅਰ, ਅੱਖਾਂ ਅਤੇ ਸਿਹਤ ਜਾਂਚ ਕੈਂਪ ਲਗਾਇਆ ਗਿਆ।
ਇਸ ਕੈਂਪ ਦਾ ਉਦਘਾਟਨ ਵਰਲਡ ਕੈਂਸਰ ਕੇਅਰ ਦੇ ਚੇਅਰਮੈਨ ਡਾ. ਕੁਲਵੰਤ ਸਿੰਘ ਧਾਲੀਵਾਲ ਅਤੇ ਇਕਬਾਲ ਸਿੰਘ ਲਾਲਪੁਰਾ ਦੀ ਪਤਨੀ ਹਰਦੀਪ ਕੌਰ ਲਾਲਪੁਰਾ ਵੱਲੋਂ ਕੀਤਾ ਗਿਆ। ਇਸ ਮੌਕੇ ਅਜੈਵੀਰ ਸਿੰਘ ਲਾਲਪੁਰਾ ਵੀ ਉਹਨਾਂ ਨਾਲ ਮੌਜੂਦ ਸਨ।
ਕੈਂਪ ਵਿੱਚ 612 ਤੋਂ ਵੱਧ ਲੋਕਾਂ ਨੇ ਆਪਣੀ ਜਾਂਚ ਕਰਵਾਈ ਅਤੇ ਮੁਫ਼ਤ ਦਵਾਈਆਂ, ਚਸ਼ਮੇ ਅਤੇ ਸਿਹਤ ਸਲਾਹ ਪ੍ਰਾਪਤ ਕੀਤੀ। ਡਾ. ਕੁਲਵੰਤ ਸਿੰਘ ਧਾਲੀਵਾਲ ਨੇ ਕਿਹਾ ਕਿ ਅਜੈਵੀਰ ਸਿੰਘ ਲਾਲਪੁਰਾ ਵੱਲੋਂ ਚਲਾਈ ਜਾ ਰਹੀ ਸੇਵਾ ਮੁਹਿੰਮ ਸੱਚੀ ਇਨਸਾਨੀਅਤ ਦੀ ਮਿਸਾਲ ਹੈ। ਉਹਨਾਂ ਕਿਹਾ ਕਿ, “ਸਮਾਜ ਲਈ ਨਿਸਵਾਰਥ ਭਾਵ ਨਾਲ ਸੇਵਾ ਕਰਨਾ ਹੀ ਸਭ ਤੋਂ ਵੱਡਾ ਧਰਮ ਹੈ। ਅਜੈਵੀਰ ਸਿੰਘ ਲਾਲਪੁਰਾ ਅਤੇ ਉਨ੍ਹਾਂ ਦੀ ਟੀਮ ਨੇ ਜੋ ਉਦਾਹਰਣ ਕਾਇਮ ਕੀਤੀ ਹੈ, ਉਹ ਹੋਰਾਂ ਲਈ ਪ੍ਰੇਰਣਾ ਹੈ। ਇਸ ਤਰ੍ਹਾਂ ਦੇ ਕੈਂਪ ਲੋਕਾਂ ਨੂੰ ਸਿਹਤ ਜਾਗਰੂਕਤਾ ਦੇ ਨਾਲ ਉਮੀਦ ਅਤੇ ਸੁਰੱਖਿਆ ਦਾ ਭਰੋਸਾ ਵੀ ਦਿੰਦੇ ਹਨ।” ਉਹਨਾਂ ਕਿਹਾ ਕਿ ਵਰਲਡ ਕੈਂਸਰ ਕੇਅਰ ਹਮੇਸ਼ਾਂ ਇਸ ਤਰ੍ਹਾਂ ਦੀਆਂ ਸਮਾਜਿਕ ਮੁਹਿੰਮਾਂ ਨਾਲ ਜੁੜੀ ਰਹੇਗੀ ਤਾਂ ਜੋ ਹਰ ਵਰਗ ਤਕ ਸਿਹਤ ਸੇਵਾਵਾਂ ਪਹੁੰਚ ਸਕਣ।
ਜਾਣਕਾਰੀ ਦਿੰਦਿਆਂ ਡਾ. ਧਰਮਿੰਦਰ ਸਿੰਘ ਢਿੱਲੋਂ ਨੇ ਦੱਸਿਆ ਕਿ ਕੈਂਪ ਵਿੱਚ ਵਿਸ਼ੇਸ਼ ਤੌਰ ‘ਤੇ ਕੈਂਸਰ ਦੀ ਰੋਕਥਾਮ ਅਤੇ ਸ਼ੁਰੂਆਤੀ ਜਾਂਚ ‘ਤੇ ਧਿਆਨ ਦਿੱਤਾ ਗਿਆ। ਮਹਿਲਾਵਾਂ ਦੀ ਮੈਮੋਗ੍ਰਾਫੀ, ਪੈਪ ਸਮੀਅਰ, ਪੀਐਸਏ, ਸੀਬੀਸੀ, ਓਰਲ ਏਗਜ਼ਾਮੀਨੇਸ਼ਨ, ਬੀਐਮਡੀ ਆਦਿ ਜਾਂਚਾਂ ਕੀਤੀਆਂ ਗਈਆਂ। ਅੱਖਾਂ ਦੇ ਵਿਭਾਗ ਵੱਲੋਂ ਲਗਭਗ 250 ਲੋਕਾਂ ਦੀ ਸਕ੍ਰੀਨਿੰਗ ਕੀਤੀ ਗਈ ਅਤੇ 200 ਲੋਕਾਂ ਨੂੰ ਨਵੇਂ ਚਸ਼ਮੇ ਮੁਹੱਈਆ ਕਰਵਾਏ ਗਏ। ਕਈ ਮਰੀਜ਼ਾਂ ਨੂੰ ਮੋਤੀਆਬਿੰਦ ਦੇ ਸ਼ੁਰੂਆਤੀ ਲੱਛਣਾਂ ਬਾਰੇ ਜਾਣਕਾਰੀ ਦਿੱਤੀ ਗਈ ਅਤੇ ਇਲਾਜ ਲਈ ਮਾਰਗਦਰਸ਼ਨ ਦਿੱਤਾ ਗਿਆ। ਜਨਰਲ ਸਿਹਤ ਜਾਂਚ ਦੌਰਾਨ 200 ਤੋਂ ਵੱਧ ਲੋਕਾਂ ਦਾ ਬਲੱਡ ਪ੍ਰੈਸ਼ਰ ਅਤੇ ਸ਼ੂਗਰ ਟੈਸਟ ਕੀਤਾ ਗਿਆ, ਜਿਨ੍ਹਾਂ ਵਿੱਚੋਂ 22 ਵਿਅਕਤੀਆਂ ਵਿੱਚ ਹਾਈ ਸ਼ੂਗਰ ਅਤੇ 27 ਵਿੱਚ ਹਾਈ ਬੀਪੀ ਦੇ ਕੇਸ ਸਾਹਮਣੇ ਆਏ। ਸਾਰੇ ਮਰੀਜ਼ਾਂ ਨੂੰ ਡਾਕਟਰਾਂ ਵੱਲੋਂ ਜੀਵਨ ਸ਼ੈਲੀ ਸੁਧਾਰ ਅਤੇ ਇਲਾਜ ਲਈ ਸਲਾਹ ਦਿੱਤੀ ਗਈ।
ਇਸ ਮੌਕੇ ਕੁਲਵੰਤ ਸਿੰਘ ਢਾਲੀਵਾਲ ਅਤੇ ਅਜੈਵੀਰ ਸਿੰਘ ਲਾਲਪੁਰਾ ਨੇ ਕੈਂਪ ਦਾ ਨਿਰੀਖਣ ਕੀਤਾ ਅਤੇ ਡਾਕਟਰਾਂ, ਪੈਰਾਮੈਡੀਕਲ ਸਟਾਫ਼ ਅਤੇ ਸੇਵਾਦਾਰਾਂ ਨਾਲ ਸੰਵਾਦ ਕੀਤਾ। ਲਾਲਪੁਰਾ ਨੇ ਕਿਹਾ ਕਿ “ਸੇਵਾ ਹੀ ਸੰਕਲਪ” ਸਿਰਫ਼ ਇੱਕ ਮੁਹਿੰਮ ਨਹੀਂ ਸਗੋਂ ਜੀਵਨ ਦਾ ਸੰਕਲਪ ਹੈ, ਜਿਸ ਰਾਹੀਂ ਸਾਨੂੰ ਸਮਾਜ ਦੇ ਹਰ ਵਰਗ ਤਕ ਪਹੁੰਚਣਾ ਹੈ। ਉਹਨਾਂ ਕਿਹਾ ਕਿ ਲਾਲਪੁਰਾ ਪਰਿਵਾਰ ਨਿਸਵਾਰਥ ਸੇਵਾ ਵਿੱਚ ਸਦਾ ਮੋਹਰੀ ਰੋਲ ਅਦਾ ਕਰਦਾ ਰਹੇਗਾ ਅਤੇ ਇਹ ਮੁਹਿੰਮ ਪੰਜਾਬ ਭਰ ਵਿੱਚ ਜਾਰੀ ਰਹੇਗੀ। ਇਸ ਮੌਕੇ ਇਨਰਵੀਲ ਕਲੱਬ ਵਲੋਂ ਵਿਸ਼ੇਸ਼ ਸੇਵਾ ਨਿਭਾਈ ਗਈ। ਮੰਡਲ ਪ੍ਰਧਾਨ ਜਗਦੀਸ਼ ਚੰਦਰ ਕਾਜਲਾ, ਪਰਮਜੀਤ ਸਿੰਘ ਰੌਲੂਮਾਜਰਾ ਤੇ ਸੇਵਾਮੁਕਤ ਡੀਈਓ ਜਗਜੀਤ ਸਿੰਘ ਨੇ ਸਾਰਿਆਂ ਦਾ ਧੰਨਵਾਦ ਕੀਤਾ ਇਸ ਮੌਕੇ ਰਮਨ ਜਿੰਦਲ, ਵਿਸ਼ਨੂੰ ਭਟਨਾਗਰ, ਵਿਜੈ ਕੱਕੜ, ਟੌਨੀ ਵਰਮਾ, ਸਤਿੰਦਰ ਨਾਗੀ, ਅਨਿਲ ਕੁਮਾਰ, ਅਜੈ ਸੂਦ, ਡਾਕਟਰ ਅਭੀਸ਼ੇਕ ਭਾਰਦਵਾਜ, ਰਾਜੀਵ ਕ੍ਰਿਪਲਾਨੀ, ਕਰਨਵੀਰ ਸਿੰਘ ਗਿੰਨੀ ਜੌਲੀ, ਰਮੇਸ਼ਵਰ ਸ਼ਰਮਾ, ਮਨੀਸ਼ ਅਹੂਜਾ, ਦਿਨੇਸ਼ ਕੁਮਾਰ, ਰਾਜੀਵ ਕੁਮਾਰ, ਸ੍ਰੀ ਰਾਮ ਕੁਮਾਰ ਸ਼ਰਮਾ, ਪੰਮੀ ਸਦਾਵਰਤੀਆ, ਰਾਜ ਕੁਮਾਰ ਕਬੀਲਾ ਪ੍ਰਧਾਨ, ਆਦਿ ਮੌਜੂਦ ਸਨ
ਕੈਂਪ ਦੇ ਅੰਤ ਵਿੱਚ ਸ਼ਹਿਰ ਵਾਸੀਆਂ ਅਤੇ ਸੰਗਤ ਨੇ “ਇਨਸਾਨੀਅਤ ਪਹਿਲਾਂ” ਦੀ ਟੀਮ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ ਅਤੇ ਮਨੁੱਖਤਾ ਦੀ ਸੇਵਾ ਦਾ ਸੰਕਲਪ ਦੁਹਰਾਇਆ।
