ਰੂਪਨਗਰ, 23 ਸਤੰਬਰ ( ਅਵਤਾਰ ਸਿੰਘ ਕੰਬੋਜ਼ )
ਭਾਜਪਾ ਪੰਜਾਬ ਕਿਸਾਨ ਮੋਰਚਾ ਦੇ ਸੂਬਾ ਸਕੱਤਰ ਹਰਮਿੰਦਰ ਪਾਲ ਸਿੰਘ ਆਹਲੂਵਾਲੀਆ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਕੇਂਦਰ ਸਰਕਾਰ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਹੈ ਕਿ ਉਨ੍ਹਾਂ ਨੇ ਜੀਐਸਟੀ ਦੀਆਂ ਦਰਾਂ ‘ਚ ਕਮੀ ਕਰਕੇ ਕਿਸਾਨਾਂ, ਛੋਟੇ ਉਦਯੋਗਕਾਰਾਂ ਅਤੇ ਆਮ ਘਰੇਲੂ ਉਪਭੋਗਤਾਵਾਂ ਲਈ ਵੱਡੀ ਰਾਹਤ ਪੈਦਾ ਕੀਤੀ ਹੈ।
ਆਲੂਵਾਲੀਆ ਨੇ ਕਿਹਾ ਕੇ ਪੰਜਾਬ ਦੇ ਕਿਸਾਨ ਵਰਗ ਲਈ ਇਹ ਫੈਸਲਾ ਇੱਕ ਸਹੂਲਤ ਭਰਿਆ ਕਦਮ ਹੈ। ਮੈਡੀਕਲ ਉਪਕਰਨਾਂ, ਖੇਤੀਬਾੜੀ ਸੰਦਾਂ ਅਤੇ ਆਮ ਵਰਤੋਂ ਵਾਲੀਆਂ ਚੀਜ਼ਾਂ ‘ਤੇ ਟੈਕਸ ਦੀ ਕਮੀ ਕਿਸਾਨਾਂ ਦੀ ਜੇਬ ‘ਤੇ ਭਾਰ ਘਟਾਏਗੀ। ਭਾਜਪਾ ਦੀ ਸਰਕਾਰ ਨੇ ਸਾਬਤ ਕੀਤਾ ਹੈ ਕਿ ਉਹ ਜਮੀਨੀ ਹਕੀਕਤਾਂ ਨਾਲ ਜੋੜੀ ਹੋਈ ਸਰਕਾਰ ਹੈ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਭਾਰਤ ਸਰਕਾਰ ਦੀ ਇਹ ਨੀਤੀ “ਸਾਬਕਾ ਵਾਅਦਿਆਂ ਨੂੰ ਪੂਰਾ ਕਰਨ” ਅਤੇ “ਅੰਤਿਮ ਪੰਕਤੀ ਦੇ ਵਿਅਕਤੀ” ਤੱਕ ਵਾਧੂ ਪਹੁੰਚ ਸਥਾਪਤ ਕਰਨ ਵਾਲੀ ਨੀਤੀ ਹੈ।
