ਰੂਪਨਗਰ, 20 ਸਤੰਬਰ ( ਅਵਤਾਰ ਸਿੰਘ ਕੰਬੋਜ਼ )
ਜਾਗਦੀਆਂ ਜਮੀਰਾਂ ਕਮੇਟੀ ਘਨੌਲੀ ਵੱਲੋਂ ਰੂਪਨਗਰ ਸ਼ਹਿਰ , ਘਨੌਲੀ ਤੇ ਨੂਹੋਂ ਕਲੋਨੀ ਵਿੱਖੇ ਲਗਾ ਰਹੇ ਪ੍ਰਵਾਸੀ ਦੀਆਂ ਖਾਣ ਪੀਣ ਵਾਲੀਆਂ ਵਸਤੂਆਂ ਦੀ ਵਿਸ਼ੇਸ਼ ਚੈਕਿੰਗ ਤੇ ਸੈਂਪਲ ਭਰਨ ਦੀ ਮੰਗ ਨੂੰ ਲੈ ਕੇ ਸਿਵਲ ਸਰਜਨ ਸੁਖਵਿੰਦਰਜੀਤ ਸਿੰਘ ਰੂਪਨਗਰ ਨੂੰ ਮੰਗ ਪੱਤਰ ਦਿੱਤਾ ਗਿਆ ।
ਇਸ ਮੌਕੇ ਪ੍ਰਗਟ ਸਿੰਘ ਘਨੌਲੀ, ਭਾਰਤੀ ਕਿਸਾਨ ਯੂਨੀਅਨ ਚੜੂਨੀ ਦੇ ਜ਼ਿਲ੍ਹਾ ਪ੍ਰਧਾਨ ਪਰਵਿੰਦਰ ਸਿੰਘ ਅਲੀਪੁਰ, ਗੁਰਦੀਪ ਸਿੰਘ ਲੈਰਾ, ਮੰਗਲ ਸਿੰਘ ਨੇ ਮੰਗ ਪੱਤਰ ਦਿੰਦੇ ਹੋਏ ਮੰਗ ਕੀਤੀ ਕਿ ਜਿੱਥੇ ਇਨ੍ਹਾਂ ਰੇਹੜੀਆਂ ਵਾਲਿਆਂ ਕੋਲ ਕੋਈ ਫੂਡ ਲਾਈਸੈਂਸ ਨਹੀਂ ਉੱਥੇ ਹੀ ਲੋਕਾਂ ਨੂੰ ਗੰਦਗੀ ਖਿਲਾ ਕੇ ਕਈ ਬਿਮਾਰੀਆਂ ਲਗਾ ਰਹੇ ਹਨ। ਉਹਨਾਂ ਨੇ ਕਿਹਾ ਕਿ ਅਕਸਰ ਦੇਖਿਆ ਜਾਂਦਾ ਕਿ ਇਹਨਾਂ ਦੀ ਰੇਹੜੀਆਂ ਤੇ ਕੋਈ ਸਾਫ ਸਫਾਈ ਨਹੀਂ ਹਨ ਤੇ ਜਿੱਥੇ ਇਹ ਫਾਸਟ ਫੂਡ ਤਿਆਰ ਕਰਦੇ ਹਨ ਉਥੇ ਵੀ ਸਫਾਈ ਦਾ ਬਿਲਕੁਲ ਧਿਆਨ ਨਹੀਂ ਦਿੰਦੇ । ਉਹਨਾਂ ਨੇ ਵਫਦ ਨੂੰ ਭਰੋਸਾ ਦਿੱਤਾ ਕਿ ਜਲਦ ਹੀ ਇਹਨਾਂ ਦੀਆਂ ਰੇਹੜੀਆਂ ਤੇ ਖਾਣ ਪੀਣ ਦੀਆਂ ਵਸਤੂਆਂ ਦੀ ਸੈਂਪਲਿੰਗ ਕੀਤੀ ਜਾਵੇਗੀ ਅਤੇ ਜੇਕਰ ਸੈਂਪਲ ਫੇਲ ਪਾਏ ਗਏ ਤਾਂ ਉਸ ਖਿਲਾਫ ਬਣਦੀ ਕਾਰਵਾਈ ਕੀਤੀ ਜਾਏਗੀ ।
