ਰੂਪਨਗਰ, 16 ਸਤੰਬਰ ( ਅਵਤਾਰ ਸਿੰਘ ਕੰਬੋਜ਼ )
ਨਾਮਵਾਰ ਸਮਾਜਸੇਵੀ ਅਤੇ ਦੁੱਬਈ ਦੇ ਉਘੇ ਕਾਰੋਬਾਰੀ ਡਾ. ਸੁਰਿੰਦਰਪਾਲ ਸਿੰਘ ਓਬਰਾਏ ਵੱਲੋਂ ਬਿਨਾਂ ਕਿਸੇ ਜਾਤ-ਪਾਤ ਜਾਂ ਧਰਮਾਂ ਦੇ ਪਰਖਿਆਂ ਸਰਬੱਤ ਦਾ ਭਲਾ ਕਰਨ ਦੇ ਟੀਚੇ ਨੂੰ ਲੈ ਕੇ ਭਾਰਤ ਦੇ ਵੱਖ –ਵੱਖ ਸੂਬਿਆਂ ਵਿੱਚ ਲੋੜਵੰਦ ਇਨਸਾਨ ਦੀ ਲੋੜ ਮੁਤਾਬਿਕ ਮਦਦ ਕੀਤੀ ਜਾ ਰਹੀ ਹੈ ,ਉੱਥੇ ਹੀ ਰੋਪੜ ਜਿਲੇ ਵਿੱਚ 287 ਲੋੜਵੰਦ ਪਰਿਵਾਰਾਂ ਨੂੰ ਕਰੀਬ ਤਿੰਨ ਲੱਖ ਰੁਪਏ ਵਿਧਵਾ ਅਤੇ ਮੈਡੀਕਲ ਲੋਕਾਂ ਨੂੰ ਆਰਥਿਕ ਸਹਾਇਤਾ ਰਾਸ਼ੀ ਦੇ ਚੈਕ ਤਕਸੀਮ ਕੀਤੇ ਗਏ।
ਸੰਸਥਾ ਵਲੋਂ ਗੁਰੂਦੁਆਰਾ ਸ਼੍ਰੀ ਸਿੰਘ ਸਭਾ ਵਿਖੇ ਸਮਾਗਮ ਵਿੱਚ ਜ਼ਿਲ੍ਹਾ ਰੋਪੜ ਇਕਾਈ ਦੇ ਪ੍ਰਧਾਨ ਜੇ.ਕੇ.ਜੱਗੀ ਅਤੇ ਸਮੂਹਿਕ ਟੀਮ ਮੈਂਬਰ ਮੌਜੂਦ ਸਨ । ਚੈੱਕ ਵੰਡਣ ਮੌਕੇ ਮਨਮੋਹਨ ਕਾਲੀਆ ,ਜੀਐਸ ਉਬਰਾਏ, ਅਸ਼ਵਨੀ ਖੰਨਾ, ਭਾਗ ਸਿੰਘ , ਸੰਤ ਸਿੰਘ ,ਸੁਖਦੇਵ ਸ਼ਰਮਾ ,ਰਜੀਵ ਸਹਿਗਲ ਅਤੇ ਧਰਮਵੀਰ ਮੌਜੂਦ ਸਨ।
ਸ੍ਰੀ ਜੇਕੇ ਜੱਗੀ ਨੇ ਦੱਸਿਆ ਕਿ ਸੰਸਥਾ ਦੇ ਮੈਨੇਜਿੰਗ ਟਰੱਸਟੀ ਡਾ ਐਸ. ਪੀ. ਸਿੰਘ ਓਬਰਾਏ ਲੋੜਵੰਦਾ ਲਈ ਆਸ ਦੀ ਕਿਰਨ ਬਣ ਗਏ ਹਨ,ਤੇ ਜਦ ਵੀ ਕਦੀ ਔਖਾ ਸਮਾਂ ਆਇਆ ਹੈ ,ਤਾਂ ਐਸ ਪੀ ਸਿੰਘ ਉਬਰਾਏ ਹਮੇਸ਼ਾ ਸਭ ਨਾਲ ਖੜੇ ਹਨ। ਹੁਣ ਦੁਬਈ ਤੋਂ ਡੀਪੋਰਟ ਕੀਤੇ ਅਠ ਨੌਜਵਾਨਾਂ ਨੂੰ ਡਾਕਟਰ ਉਬਰਾਏ ਨੇ ਘਰ ਪਹੁੰਚਾਇਆ। ਕਪੂਰਥਲੇ ਜਿਲੇ ਦੀ 8 ਨੌਜਵਾਨਾਂ ਨੇ ਟੈਲੀਫੋਨ ਤੇ ਸੰਪਰਕ ਕਰਕੇ ਦੱਸਿਆ ਕਿ ਉਹਨਾਂ ਦੇ ਕੰਮ ਵਾਲੀ ਕੰਪਨੀ ਵੱਲੋਂ ਉਹਨਾਂ ਨਾਲ ਧੋਖਾ ਤਾੜੀ ਕਰਕੇ ਆਰਥਿਕ ਤੇ ਮਾਨਸਿਕ ਸ਼ੋਸ਼ਣ ਕੀਤਾ ਜਾ ਰਿਹਾ ਹੈ ।
ਡਾਕਟਰ ਉਬਰਾਏ ਨੇ ਇੱਕ ਵਾਰੀ ਮੁੜ ਨੌਜਵਾਨਾਂ ਨੂੰ ਸੁਚੇਤ ਕੀਤਾ ਕਿ ਜੇਕਰ ਉਹ ਵਿਦੇਸ਼ ਜਾਣਾ ਚਾਹੁੰਦੇ ਹਨ ਤਾਂ ਉਹ ਏਜੰਡਾ ਵੱਲੋਂ ਦੱਸੀ ਜਾਣ ਵਾਲੀ ਕੰਮ ਵਾਲੇ ਕੰਪਨੀ ਤੇ ਵੀਜੇ ਸਬੰਧੀ ਪੂਰੀ ਜਾਣਕਾਰੀ ਲੈ ਕੇ ਹੀ ਜਾਣ ,ਤਾਂ ਜੋ ਵਿਦੇਸ਼ ਅੰਦਰ ਖੱਜਲ ਖਰਾਬੀ ਤੋਂ ਬਚਿਆ ਜਾ ਸਕੇ। ਇਨ੍ਹਾਂ ਅਠ ਨੌਜਵਾਨਾਂ ਨੇ ਦੱਸਿਆ ਕਿ ਉਹਨਾਂ ਦੇ ਕੰਮ ਵਾਲੇ ਕੰਪਨੀ ਦੇ ਮਾਲਕ ਨੇ ਉਹਨਾਂ ਕੋਲੋਂ ਸਖਤ ਮਿਹਨਤ ਕਰਵਾਉਣ ਦੇ ਬਾਵਜੂਦ ਵੀ ਤਿੰਨ ਮਹੀਨਿਆਂ ਦੀ ਤਨਖਾਹ ਨਹੀਂ ਦਿੱਤੀ ।
ਇਸ ਤੋਂ ਇਲਾਵਾ ਡਾਕਟਰ ਐਸ ਪੀ ਸਿੰਘ ਓਬਰਾਏ ਨੇ ਜਦ ਪੰਜਾਬ ਦਾ ਬਹੁਤ ਹਿੱਸਾ ਕੁਦਰਤੀ ਆਫਤ ਹਾੜ ਦੀ ਲਪੇਟ ਵਿੱਚ ਸੀ,ਤਾਂ ਉਬਰਾਏ ਸਾਹਿਬ ਨੇ ਹੜ ਪੀੜਤਾਂ ਨੂੰ ਰਾਸ਼ੀ ਤੁਰੰਤ ਜਾਰੀ ਕਰ ਦਿੱਤੀ ।ਉਹਨਾਂ ਨੇ ਦੱਸਿਆ ਕਿ ਟਰਸਟ ਦੀਆਂ ਟੀਮਾਂ ਹਰ ਪ੍ਰਭਾਵਿਤ ਪਿੰਡਾਂ ਦਾ ਦੌਰਾ ਕਰ ਰਹੀਆਂ ਹਨ ਅਤੇ ਜਰੂਰੀ ਰਾਹਤ ਸਮਗਰੀ ਜਿਸ ਵਿੱਚ ਰਾਸ਼ਨ ਕਿੱਟਾਂ ,ਮੱਛਰਦਾਨੀਆਂ ,ਦਵਾਈਆਂ, ਪਸ਼ੂਆਂ ਦਾ ਚਾਰਾ ਅਤੇ ਹੋਰ ਜਰੂਰੀ ਚੀਜ਼ਾਂ ਸ਼ਾਮਿਲ ਹਨ।
ਜ਼ਿਲਾ ਪ੍ਰਧਾਨ ਸ਼੍ਰੀ ਜੇ ਕੇ ਜਗੀ ਜੀ ਨੇ ਦੱਸਿਆ ਕਿ ਪੂਰੀ ਦੁਨੀਆਂ ਵਿੱਚ ਸੰਸਥਾਂ ਵਲੋਂ ਲੋਕ ਭਲਾਈ ਦੇ ਕਾਰਜ ਸ਼ੂਰੁ ਕੀਤੇ ਹੋਏ ਹਨ।ਸੰਸਥਾ ਵਲੋਂ ਜਿਥੇ ਆਰਥਿਕ ਤੋਰ ਤੇ ਕਮਜੋਰ ਲੋਕਾਂ ਦੀ ਮੱਦਦ ਕੀਤੀ ਜਾਂਦੀ ਹੈ ਉੱਥੇ ਗਰੀਬਾਂ ਲਈ ਮੈਡੀਕਲ ਸੇਵਾ ਅਤੇ ਸਿੱਖਿਆ ਦਾ ਪ੍ਰਬੰਧ ਵੀ ਕੀਤਾ ਜਾ ਰਿਹਾ ਹੈ।
