ਰੂਪਨਗਰ, 11 ਸਤੰਬਰ ( ਅਵਤਾਰ ਸਿੰਘ ਕੰਬੋਜ਼ )
ਬਜ਼ੁਰਗਾ ਦੇ ਆਪਣਾ ਘਰ ਹਵੇਲੀ ਕਲਾਂ ਵਿਖੇ ਬੀਤੇ 7 ਸਾਲਾ ਤੋਂ ਰਹਿ ਰਹੇ ਬਜ਼ੁਰਗ ਸਤੀਸ਼ਵਰ ਖੰਨਾ ਦਾ ਸੰਸਥਾ ਦੇ ਪ੍ਰਬੰਧਕਾ ਵਲੋਂ ਅਜ 80ਵਾਂ ਜਨਮ ਦਿਨ ਮਨਾਇਆ ਗਿਆ। ਇਸ ਮੌਕੇ ਤੇ ਬਜ਼ੁਰਗ ਸਤੀਸ਼ਵਰ ਖੰਨਾ ਤੋਂ ਕੇਕ ਕਟਵਾਇਆ ਗਿਆ ਅਤੇ ਸਭ ਨੇ ਉਸ ਨੂੰ ਜਨਮ ਦਿਨ ਦੀ ਵਧਾਈ ਦਿੱਤੀ ਤੇ ਉਨ੍ਹਾਂ ਦੇ ਖੁਸ਼ਹਾਲ ਜੀਵਨ ਦੀ ਕਾਮਨਾ ਕੀਤੀ। ਛੋਟੀ ਪਾਰਟੀ ਦਾ ਵੀ ਪ੍ਰਬੰਧ ਕੀਤਾ ਗਿਆ।
ਇਸ ਮੌਕੇ ਤੇ ਸੰਸਥਾ ਦੀ ਪ੍ਰਬੰਧਕੀ ਕਮੇਟੀ ਦੇ ਪ੍ਰਧਾਨ ਰਾਜਿੰਦਰ ਸੈਣੀ ਨੇ ਸਤੀਸ਼ਵਰ ਖੰਨਾ ਨੂੰ ਵਧਾਈ ਦਿੰਦੇ ਹੋਏ ਦੱਸਿਆ ਕਿ ਸ਼੍ਰੀ ਖੰਨਾ ਦਾ ਪਰਿਵਾਰਿਕ ਪਿਛੋਕੜ ਬਹੁਤ ਹੀ ਅਮੀਰ ਹੈ ਲੇਕਿਨ ਸਮੇਂ ਨੇ ਇਸ ਨੂੰ ਬਜ਼ੁਰਗਾ ਦੇ ਘਰ ‘ਚ ਰਹਿਣ ਲਈ ਮਜਬੂਰ ਕੀਤਾ ਹੈ। ਆਪਣਾ ਘਰ ਦੇ ਪ੍ਰਬੰਧਕਾ ਵਲੋਂ ਇਸ ਨੂੰ ਇਥੇ ਰਹਿਣ ਲਈ ਹਰ ਪੱਖੋ ਵਧਿਆ ਮਹੌਲ ਪ੍ਰਦਾਨ ਕਰਨ ਦਾ ਯਤਨ ਰਹਿੰਦਾ ਹੈ ਭਾਵੇ ਇਹ ਬੁੱਧੀ ਪਖੋ ਕੁਝ ਕਮਜ਼ੋਰ ਹੈ। ਇਸ ਦੀ ਹਰ ਇਕ ਖਾਹਿਸ ਪੂਰੀ ਕੀਤੀ ਜਾਂਦੀ ਹੈ।
ਇਸ ਮੌਕੇ ਤੇ ਇਸ ਘਰ ਵਿੱਚ ਰਹਿ ਰਹੇ ਬਜ਼ੁਰਗ ਭੁਪਿੰਦਰ ਸਿੰਘ, ਜਿੰਦਰ ਸਿੰਘ, ਜਸਵੰਤ ਸਿੰਘ, ਇਥੇ ਆਕੇ ਇਕਠੇ ਬੈਠ ਕੇ ਆਪਣੀ ਖੁਸ਼ੀ ਸਾਂਝੀ ਕਰਦੇ ਪਤਵੰਤੇ ਤਰਸੇਮ ਸਿੰਘ, ਕੇ. ਐਲ. ਕਪੂਰ, ਤਾਰਾ ਸਿੰਘ, ਹਰਮੇਸ ਲਾਲ, ਭਗਤ ਰਾਮ, ਸੁਖਦੇਵ ਸ਼ਰਮਾ ਤੋਂ ਇਲਾਵਾ ਸੰਸਥਾ ਦੇ ਟਰੱਸਟੀਜ਼ ਬਲਬੀਰ ਸਿੰਘ ਸੈਣੀ, ਅਮਰਜੀਤ ਸਿੰਘ, ਐਡਵੋਕੇਟ ਰਾਵਿੰਦਰ ਮੁੰਡਰਾ, ਬਲਵਿੰਦਰ ਕੌਰ, ਮੈਨੇਜਰ ਕੇ. ਐਸ. ਭੋਗਲ, ਕੁਸ਼ਲ ਆਦਿ ਹਾਜ਼ਰ ਸਨ।
