ਰੂਪਨਗਰ, 11 ਸਤੰਬਰ: ( ਅਵਤਾਰ ਸਿੰਘ ਕੰਬੋਜ਼ )
69ਵੀਆਂ ਅੰਤਰ ਸਕੂਲ ਜ਼ਿਲ੍ਹਾ ਖੇਡਾਂ ਰਾਈਫ਼ਲ ਸ਼ੂਟਿੰਗ ਦੇ ਖੇਡ ਮੁਕਾਬਲੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਝੱਲੀਆਂ ਕਲਾਂ ਦੀ ਸ਼ੂਟਿੰਗ ਰੇਂਜ ਵਿੱਚ ਕਰਵਾਏ ਜਾ ਰਹੇ ਹਨ। ਇਨ੍ਹਾਂ ਖੇਡਾਂ ਲਈ ਪ੍ਰਿੰਸੀਪਲ ਰਾਜਿੰਦਰ ਸਿੰਘ ਨੂੰ ਕਨਵੀਨਰ ਅਤੇ ਪੰਜਾਬੀ ਮਾਸਟਰ ਨਰਿੰਦਰ ਸਿੰਘ ਨੂੰ ਉਪ ਕਨਵੀਨਰ ਨਿਯੁਕਤ ਕੀਤਾ ਗਿਆ ਹੈ।
ਇਨ੍ਹਾਂ ਖੇਡਾਂ ਸੰਬਧੀ ਸਟੇਟ ਐਵਾਰਡੀ ਨਰਿੰਦਰ ਸਿੰਘ ਨੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੱਸਿਆ ਕਿ ਇਨ੍ਹਾਂ ਖੇਡਾਂ ਦੀ ਰਸਮੀ ਸ਼ੁਰੂਆਤ ਪ੍ਰਿੰਸੀਪਲ ਰਾਜਿੰਦਰ ਸਿੰਘ ਬਲਾਕ ਨੋਡਲ ਅਫ਼ਸਰ ਸਲੋਰਾ ਨੇ ਕਰਵਾਈ। ਇਨ੍ਹਾਂ ਦੋ ਰੋਜ਼ਾ ਖੇਡਾਂ ਵਿੱਚ ਤਿੰਨਾਂ ਈਵੈਂਟਸ ਏਅਰ ਪਿਸਟਲ, ਪੀਪ ਸਾਈਟ ਏਅਰ ਰਾਈਫ਼ਲ ਅਤੇ ਓਪਨ ਸਾਇਟ ਏਅਰ ਰਾਈਫ਼ਲ ਸ਼ੂਟਿੰਗ ਦੇ ਖੇਡ ਮੁਕਾਬਲੇ ਵੱਖ-ਵੱਖ ਉਮਰ ਗੁੱਟ ਅੰਡਰ -14 ਸਾਲ, ਅੰਡਰ -17 ਸਾਲ ਅਤੇ ਅੰਡਰ -19 ਸਾਲ ਤਹਿਤ ਅੱਜ ਦੇ ਹੋਏ ਮੁਕਾਬਲਿਆਂ ਵਿੱਚ ਵੱਖ-ਵੱਖ ਵਰਗਾਂ ਵਿਚ ਖਿਡਾਰੀਆਂ ਨੇ ਆਪਣੇ ਜੌਹਰ ਵਿਖਾਏ।
ਇਸ ਮੌਕੇ ਪੀਪ ਸਾਈਟ ਏਅਰ ਰਾਇਫਲ ਦੇ ਅੰਡਰ -17 ਸਾਲ ਲੜਕੀਆਂ ਵਿੱਚ ਅਨਮੋਲ ਕੌਰ ਸ.ਸ.ਸ.ਸ. ਝੱਲੀਆਂ ਕਲਾਂ ਨੇ 412 ਸਕੋਰ ਲਗਾ ਕੇ ਆਪਣੇ ਆਯੂ ਗੁੱਟ ਵਿੱਚ ਆਪਣੀ ਬੜ੍ਹਤ ਬਣਾਈ ਹੋਈ ਹੈ। ਸਾਹਿਬਜਾਦਾ ਅਜੀਤ ਸਿੰਘ ਅਕੈਡਮੀ ਦੇ ਅੰਸ਼ਦੀਪ ਸਿੰਘ ਨੇ ਆਪਣੇ ਖੇਡ ਗਰੁੱਪ ਅੰਡਰ -17 ਸਾਲ ਓਪਨ ਸਾਇਟ ਏਅਰ ਰਾਇਫਲ ਵਿੱਚ 357/400 ਸਕੋਰ ਲਗਾ ਕੇ ਬੜ੍ਹਤ ਬਣਾਈ ਹੋਈ ਹੈ। ਇਸੇ ਤਰ੍ਹਾਂ ਅਮਿਤੋਜ਼ ਸਿੰਘ ਨਿਯਾ ਨੰਗਲ ਨੇ 408.6 ਗੁਰਕੀਰਤ ਸਿੰਘ ਝੱਲੀਆਂ ਕਲਾਂ ਨੇ 329 ਨਵਤੇਜ ਸਿੰਘ ਗਿੱਲ ਝੱਲੀਆਂ ਕਲਾਂ ਨੇ 367, ਅਸ਼ਵਜੀਤ ਸਿੰਘ ਸਾਸਾ ਰੂਪਨਗਰ ਨੇ 302, ਮਹਿਕਦੀਪ ਕੌਰ ਝੱਲੀਆਂ ਕਲਾਂ ਨੇ 308 ਸਕੋਰ ਲਗਾ ਕੇ ਆਪਣੇ ਆਪਣੇ ਗਰੁੱਪ ਵਿੱਚ ਬੜ੍ਹਤ ਬਣਾਈ ਹੋਈ ਹੈ।
ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਖੇਡ ਮੁਕਾਬਲਿਆਂ ਨੂੰ ਸਫਤਾਪੂਰਵਕ ਨੇਪਰੇ ਚਾੜ੍ਹਨ ਲਈ ਅਵਤਾਰ ਸਿੰਘ ਲੈਕਚਰਾਰ, ਜਗਦੀਪ ਸਿੰਘ ਕੰਪਿਊਟਰ ਫੈਕਲਟੀ, ਸ਼੍ਰੀਮਤੀ ਅਜੀਤ ਕੌਰ ਡੀ.ਪੀ. ਈ., ਅੰਮ੍ਰਿਤਪਾਲ ਸਿੰਘ ਡੀ.ਪੀ.ਈ., ਅਰਸ਼ਦੀਪ ਸਿੰਘ ਬੰਗਾ ਸ਼ੂਟਿੰਗ ਕੋਚ, ਸ਼੍ਰੀਮਤੀ ਵੰਸ਼ਿਕਾ ਚੌਧਰੀ ਸ਼ੂਟਿੰਗ ਕੋਚ, ਅੰਤਰਪ੍ਰੀਤ ਸਿੰਘ ਸ਼ੂਟਿੰਗ ਕੋਚ ਨੇ ਆਪਣੀ ਡਿਊਟੀ ਬਾਖ਼ੂਬੀ ਨਿਭਾਈ।
