ਲੰਬੇ ਸਮੇਂ ਤੋਂ ਖਸਤਾ ਹਾਲ ਸੀ ਸੜਕ, ਇਲਾਕਾ ਨਿਵਾਸੀਆਂ ਨੇ ਗਿੱਲ ਦਾ ਕੀਤਾ ਧੰਨਵਾਦ
ਖਿਜ਼ਰਾਬਾਦ , ਮੋਹਾਲੀ , 3 ਸਤੰਬਰ ( ਜਰਨੈਲ ਸਿੰਘ ਜੈਲਾ )
ਪਿੰਡ ਖਿਜ਼ਰਾਬਾਦ ਤੋਂ ਪਿੰਡ ਚਟੌਲੀ ਨੂੰ ਜਾਣ ਵਾਲੀ ਸੜਕ ਲੰਬੇ ਸਮੇਂ ਤੋਂ ਖਸਤਾ ਹਾਲ ਵਿੱਚ ਸੀ ਅਤੇ ਇਸ ਸੜਕ ਤੇ ਆਉਣ ਜਾਣ ਵਾਲੇ ਰਾਹਗੀਰ ਅਤੇ ਇਲਾਕਾ ਨਿਵਾਸੀਆਂ ਨੂੰ ਭਾਰੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ। ਹੁਣ ਸਮਾਜ ਸੇਵੀ ਰਣਜੀਤ ਸਿੰਘ ਗਿੱਲ ਦੇ ਵੱਲੋਂ ਇਸ ਸੜਕ ਦੀ ਮੁਰੰਮਤ ਦਾ ਕੰਮ ਸ਼ੁਰੂ ਕਰਵਾਇਆ ਗਿਆ ਹੈ, ਜਿਸ ਨਾਲ ਰਾਹਗੀਰ ਅਤੇ ਇਲਾਕਾ ਨਿਵਾਸੀਆਂ ਨੇ ਸੁੱਖ ਦਾ ਸਾਹ ਲਿਆ ਹੈ।
ਅੱਜ ਇਸੇ ਸੜਕ ਦੀ ਮੁਰੰਮਤ ਦਾ ਕੰਮ ਸ਼ੁਰੂ ਕਰਵਾਉਣ ਵੇਲੇ ਸਮਾਜ ਸੇਵੀ ਰਣਜੀਤ ਸਿੰਘ ਗਿੱਲ ਦਾ ਇਲਾਕਾ ਨਿਵਾਸੀਆਂ ਨੇ ਧੰਨਵਾਦ ਕੀਤਾ। ਇਸ ਮੌਕੇ ਪਿੰਡ ਠਾਣੇ ਤੋਂ ਸਾਬਕਾ ਸਰਪੰਚ ਨਰੇਸ਼ ਕੁਮਾਰ, ਜਸਵੀਰ ਸਿੰਘ ਸਾਬਕਾ ਸਰਪੰਚ ਬਰਸਾਲਪੁਰ ਟੱਪਰੀਆਂ, ਬਲਦੇਵ ਸਿੰਘ ਸਾਬਕਾ ਪੰਚ ਖਿਜ਼ਰਾਬਾਦ, ਗੁਰਮੀਤ ਸਿੰਘ ਮੀਤੀ ਸਾਬਕਾ ਪੰਚ, ਜੱਸਾ ਲੰਬੜਦਾਰ ਪਿੰਡ ਖਿਜ਼ਰਾਬਾਦ ,ਬਲਵਿੰਦਰ ਸਿੰਘ ਭੇਲੀ, ਗੋਲੂ ਸੁਨਿਆਰਾ, ਆਕਾਸ਼ਦੀਪ ਸਿੰਘ ਆਸੂ ਆਦੀ ਹਾਜ਼ਰ ਸਨ ।
ਇਸ ਸੜਕ ਦੀ ਮੁਰੰਮਤ ਦਾ ਕੰਮ ਸ਼ੁਰੂ ਹੋਣ ਤੇ ਇਲਾਕਾ ਨਿਵਾਸੀਆਂ ਦੇ ਵਿੱਚ ਖੁਸ਼ੀ ਦੀ ਲਹਿਰ ਹੈ ਅਤੇ ਰਣਜੀਤ ਸਿੰਘ ਗਿੱਲ ਦਾ ਧੰਨਵਾਦ ਕੀਤਾ ਜਾ ਰਿਹਾ ਹੈ।
