ਰੂਪਨਗਰ, 24 ਅਗਸਤ : ਅਵਤਾਰ ਸਿੰਘ ਕੰਬੋਜ਼
ਅੱਜ “ਸੰਡੇ ਆਨ ਸਾਇਕਲ” ਮੁਹਿੰਮ ਦੇ ਤਹਿਤ ਰੂਪਨਗਰ ਪੁਲਿਸ ਵੱਲੋਂ ਇੱਕ ਸਾਈਕਲ ਰੈਲੀ ਕਾਰਵਾਈ ਗਈ। ਇਸ ਰੈਲੀ ਦਾ ਮੁੱਖ ਉਦੇਸ਼ ਲੋਕਾਂ ਵਿੱਚ ਸਰੀਰਕ ਗਤੀਵਿਧੀਆਂ ਰਾਹੀਂ ਸਿਹਤ, ਤੰਦਰੁਸਤੀ ਅਤੇ ਫਿਟਨੈਸ ਪ੍ਰਤੀ ਜਾਗਰੂਕਤਾ ਪੈਦਾ ਕਰਨਾ ਸੀ। ਇਸ ਰੈਲੀ ਦੀ ਸ਼ੁਰੂਆਤ ਕਪਤਾਨ ਪੁਲਿਸ ਰੂਪਨਗਰ, ਸ਼੍ਰੀ ਅਰਵਿੰਦ ਮੀਨਾ, ਆਈ.ਪੀ.ਐੱਸ. ਵੱਲੋਂ ਹਰੀ ਝੰਡੀ ਦੇ ਕੇ ਕੀਤੀ ਗਈ। ਇਹ ਰੈਲੀ ਪੁਲਿਸ ਲਾਈਨ ਰੂਪਨਗਰ – ਸੁਖਰਾਮ ਟੱਪਰੀਆਂ ਮੋੜ – ਸਾਹਿਬਜ਼ਾਦਾ ਅਜੀਤ ਸਿੰਘ ਅਕੈਡਮੀ – ਮੋਰਿੰਡਾ ਚੌਂਕ –ਤੋਂ ਲੰਘਦੀ ਹੋਈ ਵਾਪਿਸ ਪੁਲਿਸ ਲਾਈਨ ਰੂਪਨਗਰ ਜਾ ਕੇ ਸਮਾਪਤ ਕੀਤੀ ਗਈ। ਇਸ ਮੁਹਿੰਮ ਵਿੱਚ ਪੁਲਿਸ ਅਧਿਕਾਰੀ, ਟ੍ਰੈਫਿਕ ਪੁਲਿਸ, ਪੁਲਿਸ ਲਾਈਨ ਸਟਾਫ, ਸਾਂਝ ਸਟਾਫ ਅਤੇ ਡੀ.ਏ.ਵੀ. ਸਕੂਲ ਰੂਪਨਗਰ ਦੇ ਵਿਦਿਆਰਥੀਆਂ ਨੇ ਉਤਸ਼ਾਹ ਨਾਲ ਹਿੱਸਾ ਲਿਆ| ਰੂਪਨਗਰ ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਸਾਈਕਲਿੰਗ ਵਰਗੀਆਂ ਸਿਹਤਮੰਦ ਆਦਤਾਂ ਨੂੰ ਆਪਣੀ ਦਿਨ ਚਰਿਆ ਦਾ ਹਿੱਸਾ ਬਣਾਉਣ।
